यान्दिक्स नक्शा यक रुसी वेब नक्शा सेवा हो जै लाइ बहुप्रतिष्ठित रूसी कम्पनी यान्दिक्स ले विकास गर्याको हो। सेवा ले विश्व को विस्तृत नक्शा प्रदान अरन्छ। यै मी खोज, ट्राफिक आवतजावत कि जानकारि, बाटो रे सडक परिदृश्य समावेश छन्। यो सेवा सन् २००४ मी शुरू गरियाः थ्यो।
साइट को किसम | वेब नक्शा सेवा |
---|---|
मी उपलब्ध | बहुभाषिक |
रिथि | यान्दिक्स |
हताँ बनायिया: | यान्दिक्स |
युआरएल | yandex |
व्यापारिक | हो |
दर्ता | बैकल्पिक, सम्पादन बठे यान्दिक्स खाताको आवश्यकता |
उद्घाटन | २७ अगस्ट २००४ |
यान्दिक्स नक्शा रूस मी सबै है लोकप्रिय मानचित्र सेवा हो। येइ का लगभग ११.५ मिलियन मासिक सक्रिय प्रयोगकर्ताअन छन् भँण्या सन्सार भरि २० मिलियन सक्रिय प्रयोगकर्ताअन रया: छन्।
पैली यै मी रूस रे युक्रेन को मात्तरी नक्शा उपलब्ध थ्यो, पुइलै अच्याल यै मी विश्व का सप्पै नक्शाअन समावेश अरीर्यान।
नक्शा चार संस्करणअन मी उपलब्ध छन्: नक्शा, उपग्रह तस्वीर, शिर्षक सहित उपग्रह तस्वीर रे उन्नत दृश्य नक्शा समावेश छन्।
प्रयोगकर्ता ले नक्शा मी ठउरअन का बीच रेखा तानिबर दिशा प्राप्त अद्द रे दुरि मापन अरि सक्दान। खोजि सेवा भौगोलिक वस्तुअन जस्याँ कि ठेगाना, सडक, शहर, क्षेत्र रे देश ना नाउँ बठेइ उपलब्ध छन्। जिल्ला, शहर, या क्षेत्र को स्पष्ट नक्शा साइट मी सङ्गठन कि खोजि अर्या पछा उपलब्ध हुन्छ।
यान्दिक्स नक्शा को अनुप्रयोग आइओएस, एन्ड्रोइड रे विण्डोज फोन मी उपलब्ध छ।
यान्दिक्स नक्शा मी सडक परिदृश्य हेद्द मिल्ल्या सुविधा रया: छ। प्रिप्यात रे सेरनोबेल लगायत का शहरअन को लै यै मी सडक दृश्य रया: छ। सन् २०१६ मी, सगरमाथाको लै "सडक दृश्य" लिइया: थ्यो:।
यान्दिक्स नक्शा सम्पादक का मद्दत ले प्रयोगकर्ताअन ले नौलि ठउर, स्थान, सडक रे और लै भौत सामग्रीअन थपि सक्दान्।
यान्दिक्स ट्राफिक, यान्दिक्स नक्शा मी रयाको यक विशेषता हो जै ले ट्राफिक को अवस्था मुख्य सडक रे राजमार्ग मी वास्तविक समय मी धेकौन्या अरन्छ। यै सेवा लाइ यान्दिक्स नक्शा का आधिकारिक वेबसाइट रे अनुप्रयोग मार्फत हेद्द सकिन्छ।
यान्दिक्स ट्राफिक ले ठुला सङ्ख्या मी मोबाइल फोन प्रयोगकर्ता बठेइ यान्दिक्स मी प्राप्त जिपिएस-निर्धारित ठउरअन को विश्लेषण अरिबर काम अरन्छ। सडक मी प्रयोगकर्ताअन कि गति गणना गरिबर, यान्दिक्स ले प्रत्यक्ष ट्राफिक नक्शा उत्पन्न अरन्छ। यै ले मोबाइल फोन उपकरण बठेइ प्राप्त ठउर विशेष का कच्चा आँकडाअन प्रशोधन अरन्छ रे अनियमितता गरौन्या जस्याँ कि ठउर-ठउरै रोकीन्येइ हुलाकी सवारी साधनअन लाइ गणना बठेइ हटौन्या काम अरन्छ।
This article uses material from the Wikipedia डोटेली article यान्दिक्स नक्शा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.