टिकटक

टिकटक (सरलीकृत चिनियाँ: 抖音) प्रख्यात चिनियाँ श्रव्य दृश्य साझेदार अद्या यक सामाजिक सञ्जाल सेवा हो। जो बाइटड्यान्स (अनुवादित नाम) नाउँको चिनियाँ प्रविधि कम्पनीका स्वामित्वमी रह्या: छ। यै चीनको राजधानी बेइजिङ मी आधारित छ भँण्या यैको स्थापना सन् २०१२ मी झाङ यिमिङले अर्‍या: थ्या। यै छोटो ओठ समक्रमण, सुखान्त रे मनोरञ्जक तथा प्रतिभा सङ्ग्रहित श्रव्य दृश्यअन सृजना अद्द प्रयोग अरिन्छ। यैको आधिकारिक अनुप्रयोग सन् २०१७ मी आइओएस रे एन्ड्रोइड खिलाइ चीन बाहिरका बजारअन खिलाइ सुरु अरिया थ्यो। बाइटड्यान्सले यै अघि सेप्टेम्बर २०१६ मी चिनियाँ बजार खिलाइ डोउयिन (चिनियाँ: 抖 音) सुरु अर्‍या: थ्यो। टिकटक रे डोउयिन समान भया: लै चिनियाँ इन्टरनेट परतन्त्र प्रतिबन्धअनलाई पालना अद्द छुट्टा छुट्टै सेवकअन मी सञ्चालित छन्। अनुप्रयोगले ३ बठेइ १५ सेकेन्ड सम्मको ओठ समक्रमण समावेशको श्रव्य दृश्य सार्वजनिक अद्द अनुमति दिन्छ भँणे यैले छोटो दोहोरिँदो श्रव्य दृश्यको लम्बाईलाई ३ बठेइ ६० सेकेन्ड सम्म मी सीमित अर्‍या छ। यै एसिया, संयुक्त राज्य अमेरिका रे विश्वका अन्य भू भागअन मी लोकप्रिय छ। टिकटक चीन मी उपलब्ध छ्यान, रे य‌को सेवक अनुप्रयोगअन उपलब्ध भया देशअन मी आधारित छन्।