कञ्चनपुर जिल्ला

कञ्चनपुर जिल्ला पुर्वमि कैलाली जिल्ला, उत्तरमि डडेलधुरा जिल्ला, पश्चिममि भारतको उत्तराखण्ड रे दक्षिणमि भारतको उत्तर प्रदेश संग सिमाना जोडियाछ।यइका उत्तरमि चुरे पर्वत रया छ भन्या पश्चिम सिमानामि महाकाली नदी रयाछ।

कञ्चनपुर जिल्लामि प्रमुख रुपमि थारु रे पहाडी दुई समुदाय बसोबास रयाछ।यी दुबै समुदायका अा-अाफ्नै रितिरिवाज, जालचलन, सहनिहन रे संस्कृति छन।थारु समुदायमि माघि, अठवारी, होली बिशेष रुपमि मनाईन्द।थारुहरुको कौरा नाच रे साखिया नाच विशेष अाकर्षक रयाछ। थारु समुदायले थारु भाषा बोल्छन रे यिनिहरुको अाफ्नो विशेष परम्परागत पोषाक रयाछ।।यस्तै पहाडी सुुमुदायले दशै, तिहार, शिवरात्री, होली विशेष रुपमि मनाउने गर्याछन।

कञ्चनपुर जिल्लामी शिक्षाका लागि निजि तथा सरकारी बिद्यालय रया छन् | उच्च शिक्षाका लागि सुदूरपश्चिम विश्वविद्यालय समेत छ |

• नगरपालिका नाउ

1. भिमदत्त नगरपालिका
2. पुनर्वास नगरपालिका
3. बेलौरी नगरपालिका
4. कृष्णपुर नगरपालिका
5. दोधारा-चाँदनी नगरपालिका
6. शुक्लाफाँटा नगरपालिका
7. बेदकोट नगरपालिका
8. बेलडाँडी नगरपालिका

• गाबिसका नाउ

1. बाइसेबिचवा
2. रैकवारबिचवा
3. शंकरपुर

कञ्चनपुरको प्रमुख व्यापारीक केन्द्र महेन्द्रनगर हो। दक्षिणी क्षेत्रमि रया बेलौरी बजार अर्को व्यापारिक केन्द्र हो। त्यस्तै दैजी बजार, झलारी बजार रे गुलरिया बजार पनि प्रमुख रयाछन।

• शुक्लाफाँटा

कञ्चनपुर का प्रमुख अाकर्षक ठउरमि शुक्लाफाँटा क्षेत्र प्रमुख रया छ।यइ अारक्षमि हात्ती, बाघ, बार्हसिङ्गा, गोलि लगायल विभिन्न जिवजन्तु रे पंक्षी संरक्षित छन।

• बेतकोट ताल

कञ्चनपुर को दैजी बजारहै ९ किमि उत्तरमि रया बेतकोट ताल रे यइका किनारमि अवस्थित मन्दिरको भर्मण गर्नाकी हजारौ स्थानीय रे वाह्य पर्यटक अथउने गर्याछन।यो ताल चुरेका फेदमि रया छ।

• दोधारा झोलुङ्गे पुल

कञ्चनपुरका दोधारा रे चाँदनी दुई गाविस बिच महाकाली नदीमि रया नेपालको लामो झोलुङ्गे पुल दोधारा झोलुङ्गे पुल हेर्नाकी अाउने पर्यटकको संख्यामि वृद्धि हुदैछ।