Płodnik
Ako płodnik abo ovar se w botanice brjuchaty źěl stołka wóznamjenjujo, w kótarymž jo semjenišćo z jajkowymi celami.
Pó wopłoźenju jajkoweje cele pśez generatiwne celowe jědro proškoweje lagwicy se w semjenišću płodnika rostlinowe embryo wuwija, kótarež jo w semjenju zamknjone. Z płodnikoweje sćěny se cesto pśi zdrjaśu płoda płodowe měso wuwija, kaž na pś. pla wišnjow.
Pozicija semjenišća mjenujo se placentacija.
Rozeznawaju se pó połoze płodnika w kwiśonkowem dnje tśi formy:
- Górjejce stojecy płodnik stoj na kwiśonkowem dnje a keluškowe łopjena seda se spózy płodnika.
- Srjejź stojecy płodnik jo do kwiśonkowego dna zapušćony a keluškowe łopjena sedaju se na poł wusokosći płodnika (perigynski hypantij).
- Spózy stojecy płodnik jo do kwiśonkowego dna zapušćony a z nim gromaźe zrosćony a keluškowe łopjena sedaju se nad płodnika (gynoecealny hypantij).
This article uses material from the Wikipedia Dolnoserbski article Płodnik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.