Plural
Plural, teke mnogota jo numerusowa kategorija, kótaraž wóznamjenijo wěcej ako dwa elementa a w rěcach bźez duala samo wěcej ako jaden element.
Móžo wustupowaś pśi substantiwach, adjektiwach, pronomenach a werbach.
Plural w serbšćinje
Pśi substantiwach a adjektiwach kóńcowki za plural su z kóńcowkami za pad zjadnośone, mjaztym až pśi werbach kóńcowki za plural su z kóńcowkami za wósobu, cas a modus zjadnośone. Pśi pronomenach samo cesto zdonk měna.
- Pśi substantiwach
| Pad | Singular | Dual | Plural | Komentar |
|---|---|---|---|---|
| nominatiw | kóčka | kóčce | kóčki | |
| genitiw | kócki | kóckowu | kóckow | |
| datiw | kócce | kóckoma | kóckam | |
| akuzatiw | kócku | kócce | kócki | |
| instrumental | kócku | kóckoma | kóckami | Pśecej pótrjebujo prepoziciju. |
| lokatiw | kócce | kóckoma | kóckach |
Někotare substantiwy jano w pluralu wustupuju, kaž na pś. źurja, wrota, luźe, gódy, nožyce. Někotare městnostne mjenja jano w pluralu eksistěruju, pśedewšym z kóńcowku -ce, kaž na pś. Chrósćicy, Ralbicy.
Plural w drugich rěcach
Turkojske rěcy
Baškiršćina
- Pśi substantiwach a pó źělach pśi pronomenach
W Baškiršćinje kóńcowka za plural stoj pśed kóńcowku za pad. Wariěrujo jano pó wokalnej harmonije a konsonantowej harmoniji.
| Warianta | Pśikład | Wóznam | Komentar |
|---|---|---|---|
| -лар | былар | toś te | |
| -ләр | көҙгөләр | łžycy | |
| -дар | телефондар | telefony | |
| -дәр | ҡәләмдәр | wołojniki | |
| -тар | китаптар | knigły | |
| -тәр | гәзиттәр | casniki | |
| -ҙар | компьютерҙар | licaki | |
| -ҙәр | дәфтәрҙәр | zešywki |
- Pśi werbach
Kóńcowki za plural se wót kóńcowkow za singular rozeznawaju, pśi comž rozdźělne kupki kóńcowkow eksistěruju.
Turkojšćina
W Turkojšćinje kóńcowka za plural stoj pśed kóńcowku za pad. Wariěrujo jano pó wokalnej harmonije a konsonantowej harmoniji.
| Warianta | Pśikład | Wóznam | Komentar |
|---|---|---|---|
| -lar | atlar | kónje | |
| -ler | evler | domy |
Žrědło
- Powšitkowne
- Glück, Helmut (Wud.): Metzler Lexikon Sprache. 1. nakład. J. B. Metzler'sche Verlagsbuchhandlung, Stuttgart 1993 (Zapis Plural, b. 471-472). (nim.)
- Za jadnotliwe rěcy
- Margarete I. Ersen-Rasch: Baschkirisch, Lehrbuch für Anfänger und Fortgeschrittene. Harrassowitz, 2099 (Zapis Das zweiförmige Pluralsuffix, b. 13, 10-11). (nim.)
- Hasan Çakır: Grammatik kurz & bündig Türkisch. PONS GmbH, Stuttgart (Zapisa Die Vokalharmonie a Das Substantiv, b. 12, 18-19). (nim.)
This article uses material from the Wikipedia Dolnoserbski article Plural, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.