Hanka Krawcec, nimski Hannah Schneider (roź.
13. měrca 1901 w Drježdźanach, wum. 19. oktobra 1990 w Filipowje, Česka) - jo była górnoserbska wuměłska mólaŕka, grafikaŕka a ilustratorka. Wóna jo była znata ako prědna profesionelna serbska wuměłcowka.
Hanka Krawcec | |
---|---|
Zakładne daty | |
datum naroźenja | 13. měrca 1901 |
rodna wjas | Drježdźany |
datum wumrěśa | 19. oktobra 1990 |
městno wumrěśa | Filipow, Česka |
narodnosć | górnoserbska |
znaty dla | Člověk by člověku světlem měl být, logo Domowiny |
pówołanje | grafikaŕka, mólaŕka, ilustratorka |
Hanka jo była źowka serbskego komponista, Bjarnata Krawca. Wóna jo se kubłała ako grafikaŕka w Drježdźanach a w Praskej Wusokošuli wuměłskego rucnikaŕstwa. W lěśe 1921 jo sobuzałožyła Koło serbskich twórjecych wuměłcow. Wót 1928 až do kóńca drugeje swětoweje wójny jo wóna bydliła a źěłała ako grafikaŕka w Nimskej, a wót 1945 až do smjerśi w Českej. Tam jo w lětach 1947-1986 bydliła a źěłała w Warnoćicach,pón w Filipowje. Wót 1947 lěta jo wóna była sobuźěłaśeŕka Domowiny.
Hanka Krawcec jo wumrěła w českem Filipowje w 1990, jeje row jo w Warnoćicach.
Hanka jo źěłała grafiki, plakaty, wobraze, temperowe mólby, mólby na głažku, ilustracije, rězby, ex librise, logo a emblemy. Nejwuznamnjejša jeje twóŕba jo grafiski cyklus "Člověk by člověku světlem měl být" (1961–1975). W lěśe 1949 jo Hanka wuźěłała emblem Domowiny, kenž jo serbska lipa, běły bom z tśimi łopenjami na cerwjenej slězynje.
Jeje twóŕby su w zběrkach Českeje Narodneje Galerije a Narodnego Muzeja w Praze. Hanka Krawcec jo dostała Myto Ćišinskego w lěśe 1982.
This article uses material from the Wikipedia Dolnoserbski article Hanka Krawcec, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.