Głomacany
Głomacany (górnoserbski: Głomačenjo, čěski: Glomiti; nimski: Daleminzier; pólski: Głomacze) su byli pódwjacornosłowjański rod w Górnej Łužycy, kótaryž jo se w srjejźowěkowych žrědłach někotare razy naspomnjeł.
Prědny raz toś ten rod se naspomnjejo w jadnom dokumenśe z 805 lěta, z casow kejžora Karlo Wjelikego ako Talaminzi. Z togo casa jo znaty jich wjerch Semil (abo Semela), kótaregož su Franki póbili. Pón se naspomnjeju Głomacany (hyšći ako Talaminzi) drugi raz we srjejźi 9. stolěśa we wopisanju Bayerskego Geografa. Wóni su měli tegdy styrnasćo grodow (civitates) a jich głowne groźišćo jo była Gana.
Te Głomacany su byli susedy Milcanow wót pódwjacora. Wóni su byli žywe w płodnym, glinojtym a glinjanym kraju, kótaryž jo se wupśestrěwał po Łobju wót Mišnja až do Strjele, a na podwjacoru wót rěki Große Röder (to jo pśirěka Carnego Halštera) až do Módły.
Nóžki
Literatura
- Jan Šołta, Pśeglěd serbskich stawiznow, do dolnoserbšćiny pśełožył Erwin Hanuš, Budyšyn 1976, b. 10-19.
| Pódwjacornosłowjany |
|---|
| Bježunčenjo | Drjewjany | Glinjany | Głomacany | Habolany | Łužycanarje | Milcany | Nižany | Obodrity | Połobjany | Redary | Sprjewjenjo | Ukranjo | Wagry | Warny | Welety | Wislenjo |
|
| Pódzajtšnosłowjany |
| бужане| Wolynier | вятичи | древляне | дреговичи | дулебы | Kriwitschen | полочане | Polanen | радимичи | Sewerjanen | Ilmenslawen | тиверцы | уличи | Kroaten |
| Pódpołdnjowosłowjany |
| верзиты | драговиты | захлумляне | сагудаты | Smolane | струмяне | Timoćane |
This article uses material from the Wikipedia Dolnoserbski article Głomacany, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.