Albin Moller, teke Albinus Mollerus (roź.
1541 w Tšupcu, wum. 26 decembera 1618 w Starej Darbni) jo był serbski teolog, faraŕ, astronom, pśirodoslěźaŕ (botanikaŕ), pśełožowaŕ a spisowaśel. Wudał jo prědne śišćane knigły w dolnoserbskej rěcy.
Albin Moller | |
---|---|
Zakładne daty | |
datum naroźenja | 1541 |
rodna wjas | Tšupc |
datum wumrěśa | 26. decembera 1618 |
městno wumrěśa | Stara Darbnja |
Albin Moller jo se w Tšupcu ako syn zastojnika naroźił. Pó wótzamknjenju Kalawskeje łatyńskeje šule, Moller jo 1559 zachopił w Frankobroźe nad Odru teologiju študěrowaś. Wót lěta 1568 jo był na uniwersiśe we Wytparku, źož jo sebje dostojnosć magistra dobył. Do 1572 jo ako faraŕ źěłał we Turnowje, w lětach 1572-1574 w Tšupcu, a pótom teke na drugich městnach Dolneje Łužyce (na pśikład 1582 we Wjelikich Dobrynjach).
Moller jo pśełožył z nimšćiny Lutherowy Mały katechizm, 120 psalmow a kjarližow a je wudał w Budyšynje pla Michała Wolraba w lěśe 1574.
W Tšupcu pśed faru cerkwje stoj pomnik k cesći Albina Mollera.
This article uses material from the Wikipedia Dolnoserbski article Albin Moller, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.