Sıma awreşi zonenê, çıxaşi tersenıko...
Rozê ju awres caê xode fıkıriyêne.
Ters kut vi zerre, tersu ver canê xo rezefiyêne.
Tenê ki murızın bi na heywano feqır.
Xo-xode vatêne:
"Tersoniki bêbextê, coru wayirê heqa xo nêbenê.
Kêso bêters nêşikino sa bo, bıreqeşiyo.
Na ki weşiya, tıvana?
Terso henen kuto zerê mı ke, hewn de bile çımê mı rakerdiyê.
Ju ke vazo, "bıxeleşiye na ters u xof ra endi!" se beno?
Tew! Tersonık coru ters ra xeleşino?
Ez imu ken ke, isoni ki jê mı tersonıkê.."
İşte nia fıkıriyêne awresê ma,
hetê ra ki dormê xo qolaçan kerdêne.
Reyê xof gınay vi zerre ro, kuti vi talase;
her çi ra vışiyêne pêro, hem ki şiya xora bile.
Tam o sıre de xıştayis ame gos,
hurêndi xora çıng bi, dere u derxuley nay ve xo fekra.
Lewê bequ ra ke vêrd ra eve vostene,
çınga zerê ağwe da bequ têde-pia.
Yê ma vake:
"Way be! Demeke çiyo ke mırê beno,
şikin bıkerine junayê bini rê!
Mıra ki tersonıki estê serê na dina de.
Niadê, ez ki şikin heywanu tersu ver bırezefni.
Raşti, demeke ez ki ju cengawerune!"
Nêê, raştiye nawa:
Her tersonık, xora dayna jêder tersonık vêneno.
This article uses material from the Wikipedia Zazaki article Zazakipediya:Beqi ve awrêşi ra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.