Kleptomanîye

Mîyanî şarî de sey nêweşîya diznayîşî name bîya. Bê ke îhtîyacî înan bibo yan zî bigurenî, merdimî çîyan diznenê. Eke çimê înan gina yew obje, zerrîya înan de waştişî diznayîşî vejîyeno miyan û no waştiş înan xeylê nêrehat keno. Heme fikrî înan derheqê diznayîşî de organîze benê. Merdimî vera na waştişî xo kewenê pêrodayış; labelê no pêrodayış ra maxlup vejîyenê. Û obje dizdenê, dima ra zî a obje ya erzenê çop yan zî erzenê quncikêk ke êdî qet nêgeyrenê ci yan zî danê yewna kesî yan zî newe ra cayê xo de nanê ro. Îhtîmalî tepişîyayîşî nêanê xo vîr. Kerdena înan plankerde nîya, destadest a. Kerdena xo tena kenî, kesî ra ardim nêwazenê. Wexto tepişîyayî zî hêrs û agresîfî ra zêde poşmanîya xo anê ziwan.

Na nêweşîye goreyê camêrdan, cinîyan de hîna zaf asena û mîyanê 15-20 serran de destpêkena.