粟米

1492年，嗰時嘅哥倫布發現咗美洲嘅新大陸之後，西班牙人就將粟米帶咗返嚟。重嗌佢做「印第安籽」，後嚟好快傳到全球各地。由於粟米嘅果穗有好多鬚，好似土耳其男人嘅鬍鬚噉，後嚟歐洲佬嗌佢做「土耳其麥」。而呢種植物直到16世紀初先至傳入中國。

呢種植物多數都高1~4米幾，尤其係根系比較發達，有抗風支柱根。而莖係粗而有節，每節有髓兼多汁嚟儲存養分。而葉比較大，好似條線嘅披針噉，葉面比較嚡，有好多條平行嘅中脈，差唔多去到葉頂嗰度係向咗下沊。花係單性兼公乸同樹，其中花公生喺樹頂，一般係圓錐花序；而花乸係肉穗花序，一般着生喺樹杈度，受到花粉傳播之後結果。佢嘅果係穎果，有幾條葉包住一條帶有好多籽嘅粗稈。而籽一粒粒噉生喺果嘅出面，有黃、白、紅、紫同花斑等色。

呢種植物嘅成熟期比較早，而且產量比較多，亦幾噤凍下。

粟米最常見用途係做嘢食。除咗可以直接煮嚟食之外，重有好多種整法，譬如爆穀、墨西哥薄餅、墨西哥脆片，亦可以提煉成粟米油同埋磨成粟粉煮食用，更可以整粟米糖漿用喺食品加工。

農業方面，有時候粟米會當飼料用，而剩低嘅粟米莖同粟米葉就可以做燃料。

工業方面，粟米可以整工業用澱粉，之後加工成塑膠、布料同埋膠水，亦可以做生物燃料嘅原料，發酵成乙醇。

藥用價值

粟米嘅根、葉、花柱同柱頭、穗軸、籽，甚至花公嘅穗同榨出嘅油都可以做藥。有以下呢啲功效：

植株

植株    葉    花乸    花公    包粟嘅演化    栽培種    唔同品種嘅包粟    玉米穗嘅剖面    包粟粒    Zea mays "fraise"    Zea mays "Oaxacan Green"    Zea mays 'Ottofile giallo Tortonese'

用途

粟米油    粟米花    墨西哥粟米餅    粟米片

• 中国少年儿童百科全书 自然·环境 第394页　　浙江教育出版社　　ISBN 7-5338-1946-2/G·1942

 

維基同享有多媒體嘅嘢：

Zea mays（類）

 

維基物種有資料講：粟米

• 玉米 39健康百科
• 玉蜀黍 Zea mays L. 中国植物志
• 玉蜀黍, Yushushu 藥用植物圖像數據庫 (香港浸會大學中醫藥學院) （繁體中文）（英文）
• 玉米 PCbaby百科
• 玉米 天天美食