מאָזלען איז א שטארק אנשטעקיקע ווירוס־אינפעקציע פון די אטעם-סיסטעם, אימיון סיסטעם און הויט.
די סימפטאמען אנטוויקלען זיך 7-14 טעג נאך ווערן אנגעשטעקט, און הייבן אן מיט א הויכן פיבער, מען פארלירט דעם אפעטיט, די נאז רינט, און רויטע אויגן. נאך צוויי אדער דריי טעג קומט אן אוסשיט פון פלעקן איבער דעם קערפער.
אין אנטוויקלטע לענדער טוט מען אימוניזירן קינדער קעגן מאזלען מיט דעם דרייפאכיקן וואקסין ווען זיי זענען אלט 12 חדשים.
די ערשטע באריכטן וועגן מאזלען זענען פון בערך יאר 700. דער דאקטער אל ראזי האט געשריבן וועגן דער מחלה. אין 1954 האט דזשאן פרענקלין אנדערס געוויזן דעם ווירוס וואס שאפט מאזלען. אין 1963 האט מען אנגעהויבן פארשפרייטן דעם וואקסין קעגן דער קראנקייט.
אין יאר 1980, איידער ס׳איז געווארן איינגעפירט אימוניזירן קעגן מאזלען, איז די קראנקייט געווען פארלעסלעך פאר א וועלט־שטערבלעכקייט פון 2.6 מיליאן מענטשן א יאר. אויך היינט איז דאס דער פערט־גרעסטער גורם פון קינדער־טויט אין דער וועלט. די וועלט געזונט ארגאניזאציע שאצט אפ אז אין יאר 2010 זענען געשטארבן פון מאזלען 139,300 מענטשן, מערסטנס קינדער אונטער 5 יאר אלט. אין די שפורן פון איינפירונג אימוניזירונג איז אראפ די וועלט־שטערבלעכקייט פון מאזלען 74% צווישן די יארן 2000 און 2010.
This article uses material from the Wikipedia ייִדיש article מאזלען, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.