וואונדער וואמאן
וואונדער וואָמאַן (ענגליש: Wonder Woman; ווערטלעך: וואונדער פרוי) איז א סופערהעלדין וואס באווייזט זיך אין קאמיקס ביכער פובליצירט דורך DC קאמיקס.
 | דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
זי איז איינע פון די ערשטע פרויען סופערהעלדינס אין אמעריקאנישע קאמיקס און די מערסט בארימטע און איקאנישע פרוי סופערהעלדין אין די וועלט. וויליאַם מאָלטאָן מאַרסטאָן, א פסיכאלאג וואס האט געמיינט אז פרויען קענען זיין שטארק און קרעפֿטיק ווי מענער, האט געשאַפֿן וואונדער וואָמאַן מיט א טייל אינספיראציע פון זיין ווייב עליזאַבעט האָלאָוויי-מאַרסטאָן. וואונדער וואָמאַן האט ערשט אויפֿגעטראָטן אין "אָל-סטאַר קאמיקס #8", וואס איז פובליצירט געווארן אין דעצעמבער 1941. איר ערשטע סאלא קאמיקס בוך האט ערשט דערשיינט אין זומער 1942, מיט די פובליקאציע פון "וואונדער וואָמאַן #1".
.jpg)
געשיכטע
אין דעם קאמיקס בוך איז דער אמתער נאמען פון וואונדער וואָמאַן דיאַנע פּרינס (Diana Prince), און זי איז די טאכטער פון קעניגין היפּאָליטע. היפּאָליטע איז די הערשערין פון די אַמאַזאָנס, א ראַסע פון פּאַציפֿיסטישע פרויען פון אן אינזל מיטן נאמען טעמיסקירע (Themyscira, וואס ווערט אויך גערופן "פּאַראַדיס אינזל"). שנעל נאָך אַז סטיוו טרעוואָר, אן אמעריקאנער לופֿטפֿלאָט פּילאָט, קראכט אויף פּאַראַדיס אינזל אין דער צווייטער וועלט-מלחמה, דיאַנע און די אַמאַזאָנס היילן אים און העלפֿן אים קומען צו זיך. דיאַנע באשטימט צו ברענגען אים צוריק אין די פֿאַראייניקטע שטאַטן; ווען זיי גרייכן דא ווערט זי די סופערהעלדין וואס הייסט וואונדער וואָמאַן. אירע מערסט באקאנטע מעגלעכקייטן זענען איבערמענטשלעכע שטארקייט, גיך און ריפֿלעקסן, און די מעגלעכקייט צו פֿליען. אויך האט זי א מאגישער לאַסאָ וואס צווינגט די וואס ער כאַפּט צו זאגן דעם אמת, און אומברעכיקע בראַסלעטן וואס קענען שטויסן מעטאלכלעך.
שונאים
צווישן אירע שונאים, די מערסט באקאנטע זענען:
- איירעס - דער גריכישער גאט פון מלחמה, וועלכער זיינע ענערגיע און כמעט אומבאגרענעצטע כוחות ארבעטן מיט מלחמות און שנאה צווישן מענטשן.
- צירקע - אן אוראלטע מכשפה וואס קען פֿאַרוואַנדלען מענטשן אין בעלי חיים.
- די טשיטאַ - א בריטישע אַרכעאלאגין וואס האט אן אוראלטן מיסטישן ארטיקל וואס פֿאַרוואַנדלט זי אין א טשיטאַ-ענלעכע ווערפרוי מיט געוואלדיקע גיך, ריפֿלעקסן און שטארקייט, און א תאווה פאר בלוט.
- זילבערע שוואן - א פֿליענדיקע נבלה וואס איר הויפט מעגלעכקייט איז א זייער צעשטערישע אולטראַסאנישע שריי.
- ד"ר פסיכא - א שטארקער פסיכאקינעטישער מאן מיט א טיפֿע שנאה קעגן פרויען.
- דעוואַסטיישן - א שטארקע נבלה מיט כוחות וואס מימיקירן די פון וואונדער וואָמאַן; זי איז געשאַפֿן געווארן דורך די קינדער פון קראָנאָס אומצוברענגען וואונדער וואָמאַן און באַהערשן דעם אָלימפּאָס.
וועבלינקען
- אפיציעלע וועבזייטל (ארכיווירט 08.02.2012 ביי דער Wayback Machine) (אויף ענגליש)
- דער אפשטאם פון וואונדער וואָמאַן ביים DC קאמיקס וועבזייטל (ארכיווירט 11.08.2008 ביי דער Wayback Machine) (אויף ענגליש)
 | דער ארטיקל וועגן א פֿיקטיוון כאַראַקטער איז א שטומף. ביטע העלפֿט וויקיפעדיע אים פֿארברייטערן. |
This article uses material from the Wikipedia ייִדיש article וואונדער וואמאן, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.