ქირსე
ქირსეშ ბადება (ქირსე) — ქირსიანული რელიგიური დღახუ, ნამუთ იშინუაფუ 25 ქირსეთუთას.
კანკალე მართლმადიდებელი ოხვამე, თინეფს შქას ქორთული, იშინუანს იულიუსიშ კალენდარით 25 ქირსეთუთას (ნამუთ გრიგორიანულ კალენდარს 7 ქირსეთუთას უხვადუ).
| ქირსე | |
|---|---|
.jpg) | |
| ქირსეშ ბადება, ანდრეი რუბლიოვიშ ხატი | |
| ტიპი | რელიგიური დღახუ |
| შანულობა | ართ-ართი უდიდაში ქირსიანული დღახუ |
| იშინუანა | მართლმადიდებელურო: იულიანური კალენდარით 25 ქირსეთუთას (7 ღურთუთას) ვარდა ახალი იულიანურით 25 ქირსეთუთას კათოლიციზმი: 25 ქირსეთუთას გრიგორიანული კალენდარით ჯვეშბჟაეიოლური ოხვამეეფი: 6 ღურთუთა |
ისტორია
377 წანაშახ, საქირსიანოშ ბჟაეიოლ ნორთის ქირსე იშინუაფუდჷ 6 ღურთუთას,წაკურთხიაწკჷმა ართო, ზუსტას თეშ მუჭოთ თიქ დოსქიდჷ მერსხილქ სომხეთიშ სამოჩიქულე ოხვამესჷნ. იოანე ორქოპიჯიშ ინიციატივათ დო ცადებათ, ქირსეშ დღახუქ გეგშერთჷ დო გინოღალირქ იჸუ 25 ქირსეთუთაშა. თიმბორჯიანი გურაფეფით (გრიგოლ ნოსელიში, აგვისტინე იპპონელიშ დო შხვ.) გჷმორკუალათ, ქირსეშ ბადებაქ მოხვადჷ ზოთონჯიშ ბჟაშ მორთაშ დღას — 25 ქირსეთუთას, ზუსტას თიმ დღას, მუჟამსჷთ ბჟა დო დიხაუჩა იჭყანა ართიანწკჷმა მეხოლაფსჷნ.
1923 წანას, საქორთუოშ ოხვამექ, ქრისტეფორე III-აშ (ციცქიშვილი) მუმათარობაშ ბორჯის, მაართათ ცადჷ ახალი კალენდარიშ მიშაღალა, მუშ შედეგო ახალი სტილიშ კალენდარი 1923-1925 წანეფიშ გოძვენას ქიმინჯემდჷ ჩქინ ოხვამეს, მარა მახორობაშ ვაინფორმირებულობაშ გეშა თე ცადებაქ უმწუძინუქ იჸუ. 1927 წანაშ 24 მანგის, კათოლიკოს-პატრიარქეფიშ წიმინდე ამბროსიშ (ხელაია) მუმათარობაშ ბორჯის საქორთუოშ ოხვამეშ წიმინდე სინოდიქ გარჩქინჷ ქირსეშ დღაშ ახალი სტილით, 25 ქირსეთუთას შინუაშ გეშა. საოხვამე კათუაშ გჷნოჭყვიდირით, ხვალე მაჯინუ პოზიციას რე. 1928 წანაშ 28 ეკენიას, საქორთუოშ ოხვამეშ საკათალიკოსე სინოდიქ გარჩქინჷ ახალი სტილიშ ობორჯეთ მაჯინუ პოზიციაშა გჷნოჸონაფაშენ. გარჩქინაა ღვდელთარეფს ავალენდჷ, მუმალს იშენით გუკეთებდესკო პროპაგანდა ახალი სტილიშ მოხუჯეთ.
ლიტერატურა
- „საქართველოს საეკლესიო კალენდარი 1976 წლის“, გვ. 142
რესურსეფი ინტერნეტის
This article uses material from the Wikipedia მარგალური (Margaluri) article ქირსე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.