ბამბე — ბამბეშ ნოჭკვშე რგილი დო მუკაქუნალო სასიამნო ნოჭკერი იზადუ.
ბამბეშ ნოჭკერი სილამეს მიშმეშქვანს დო გალე ხოლო გუთმუტენს, მუშ გეშა ადამიერიშ ტყების შურიშღალაშ საშუალებას არზენს. ბამბეშ ნოჭკვშე ზადჷნა პიჯიშოქოსალიშ ნოჭკერს, დოლბანდის, ოაფარდეს, ავეჯიშ შალითეფს დო გიშაკერძაფილო ჭყანიერი ტექნიკურ ნოჭკერეფს. ბამბე ტროპიკულ დი სუბტროპიკულ რაიონეფს ჩანს. ირ ჩანარს გჷნმუღჷ კოლოფეფი, ნამუსთჷ 30-შახ თასი რე. კოლოფი იმონდებუ, გუთმოხორცქუ დო ნოჭკვშ ოფახვაია მასა გჷმორჩქინდუ. უკული თე მასაშე თასი გიშმუღჷნა. თენა უკვე ბამბეშ გიმარინაფალი ნორთი რე, სოიშე ნოჭკერს ზადჷნა. გიმირინუანა ბამბეშ თასის ხოლო: თიშე ოჭკომალი ციმუ - ბამბეშ ზეთი - გითმოჸუნა, ნაწილოახა თასის კინ გინამუშენა დო ორინჯიშ ოჩამალო დო სასუქო გიმირინუანა.
ბამბეშ მაწარმაფალი 10 უშხუაში ქიანა (მეტრაჟი ტონეფს) | ||||
---|---|---|---|---|
რანწკი | ქიანა | 2010 | 2012 | 2014 |
1 | CHN | 5,970,000 | 6,281,000 | 6,532,000 |
2 | IND | 5,683,000 | 6,071,000 | 6,423,000 |
3 | USA | 3,941,700 | 3,412,550 | 3,553,000 |
4 | PAK | 1,869,000 | 2,312,000 | 2,308,000 |
5 | BRA | 973,449 | 1,673,337 | 1,524,103 |
6 | UZB | 1,136,120 | 983,400 | 849,000 |
7 | TUR | 816,705 | 754,600 | 697,000 |
8 | AUS | 386,800 | 473,497 | 501,000 |
9 | TKM | 230,000 | 295,000 | 210,000 |
10 | MEX | 225,000 | 195,000 | 198,000 |
წყუ: გოეროშ ოჭკომალიშ დო ოფუტეშ მეურნობაშ ორგანიზაცია |
ბამბეშ ორეწუალე პლანტაციეფი 75-შე უმოსი ქიანას რე. ბამბეშ არძაშე დიდი მაწარმაფალეფი რენა ჩინეთი, ინდოეთი დო ააშ, თინეფიშ უკული - პაკისტანი დო ბრაზილია.
This article uses material from the Wikipedia მარგალური (Margaluri) article ბამბე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.