Telefone
Li telefone, c' est on sistinme po cåzer avou des djins ki n' sont nén a poirtêye di vwès.
Istwere
Å cmince, ça s' fijheut avou ene aparey avou on coirnet, et ene manike po houkî èn operateur, ki compôzéve li limero ki vos dmandîz. Inte les troes djins, gn è dveut aveur des fis d' telefone.
Pus tård (anêyes 1960), on-z a compôzé les limeros di l' atôtchî lu-minme, avou ene tournikete avou des chifes. Adonpwis, tot tchôcant so des botons avou des chifes (anêyes 1980).
Dins les anêyes 1990, c' est les telefones axhlåves k' ont-st arivé. Pus dandjî d' fis d' telefone, ci côp la, mins des rantoeles telefonike, avou des antenes copetrinnes, et des téléspoutniks si c' est po houkî di l' ôte costé d' ene grande basse, u ås zivercôfs.
Les axhlåves n' ont vormint stî al poirtêye di tertos ki dins les anêyes 2000.
Dins les anêyes 2010, ç' a stî å toû des sûtifones di divni foirt eployîs.
This article uses material from the Wikipedia Walon article Telefone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.