Moskou (Russisch: Москва, Moskva) is 'n hoofdstad en de grotste stad van Rusland, vodiën ook van de Sovjet-Unie.
Moskou Москва |
---|
't Is ook de grotste stad die hêlegans ip 't Europees continent ligt.
Moskou ligt ip 'n hoogte van 156 meter boovn de zêespegel in 't hoogland tusschn de riviere de Oka en de Volga. De riviere de Moskva deurkruust de stad van nôordwest toet zuudôost over e lengte van à peu près 80 kilometer. De brèedte van de riviere binn Moskou bedroagt 120 toet 200 meter. Derneffest stroomn der nog e stik of 120 klèindere riviern deur de stad. 't Stedelijk gebiëd hèt 'n ippervlakte van e goeie 2.511 km². Oengeveer e derde dervan bestoat uut groëngebiëd. Der zyn circa 100 parkn in de stad.
In Moskou ligt 't Kremlin, de zetel van de nationale regerienge. Moskou is 't administratief center van 't Centroal Federoal District van Rusland en is e federoale stad. Da wil zegn da 't binn Rusland dezelfste stoatus hèt lik e provinsje (oblast). Moskou ligt binn d'n oblast Moskou, moa makt er gèen dêel van uut. Wel is Moskou 't administratief center dervan. De patriarch van Moskou is 't hoofd van de Russisch-orthodoxe Kerke.
Bekende plekn en gebouwn zyn 't Rôod Pleing, 't Mausoleum van Lenin, 't Kremlin, 't woarnhuus GOeM en verschillige kerkn lik de Sint-Basiliuskathedroale, d' Oespenskikathedroale en de Kathedroale van d' Oenbevlekte Oentvangenisse.
Ofbeeldiengn die ier by passn ku je vien in de categorie Moskou van Wiki Commons. |
Hoofdsteedn in Europa |
---|
Amsterdam • Andorra la Vella • Athene • Baku • Belgrado • Berlyn • Bern • Boedapest • Boekarest • Bratislava • Brussel • Chisinau • Dublin • Helsinki • Kiev • Kopenhagen • Lissabon • Londn • Ljubljana • Luxemburg • Madrid • Minsk • Monaco-Ville • Moskou • Nicosia • Parys • Podgorica • Praag • Pristina • Oslo • Reykjavik • Riga • Rome • San Marino • Sarajevo • Skopje • Sofia • Stockholm • Tallinn • Tbilisi • Tirana • Vaduz • Valletta • Vaticoanstad • Vilnius • Warschau • Weenn • Yerevan • Zagreb |
This article uses material from the Wikipedia West-Vlams article Moskou, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.