China

Volksrepubliek China 中华人民共和国 Zhōnghuá Rénmín Gònghéguó
Liggienge van China in de weireld 32° 48' 0" N, 103° 5' 0" O
Officiële toale	Mandaryn Chinees e.a. Chineesche toaln
Hoofdstad	Peking
Stoatsvorm	Volksrepubliek
Stoatshoofd	President Xi Jinping
Êerste minister	Li Qiang
Ippervlak	9.596.961 km²
Inweuners	1.349.585.838 (2013) 140,6 inw./km²
Munte	Renminbi (CNY)
Tydzone	UTC+8
Landcode	CN, CHN
Telefongcode	(+86)
Internet-TLD	.cn
Nationale fêestdag	1 oktober (Ountstoan in 1949)

China (Chinees: 中国; pinyin: Zhōngguó), officieel Volksrepubliek China (中华人民共和国; Zhōnghuá Rénmín Gònghéguó), is e land in Oost-Azië met os hoofdstad Peking. China bestiert 22 provinsjes, 5 autonome regio's, 4 stadsprovinsjes (Peking, Tianjin, Shanghai en Chongqing) en 2 speciale administratieve regio's (Hong Kong en Macau). De Volksrepubliek anziet 't eiland Taiwan lik hunder 23ste provinsje, moa dat is officieel nie erkend deur de mêerderheid van d' internationale gemêenschap.

China grenst in 't nôordn an Mongolië en Rusland, in 't ôostn an Nôord-Korea, in 't westn an Afghanistan, Kazachstan, Kirgizië, Tadzjikistan en Pakistan, en in 't zuudn an Indië, Nepal, Bhutan, Myanmar, Laos en Vietnam. China hèt ook e kustlyne van 6.400 km an de Gilwe Zêe, d' Oost-Chineesche Zêe en de Zuud-Chineesche Zêe in 't ôostn en 't zuudn.

Met e bevolkienge van 1.349.585.838 (2013) is 't qua inweuners 't grotste land ter weireld en 't vierde land qua ippervlak, achter Rusland, Canada en de Verênigde Stoatn.

Shanghai is met 23 miljoen inweuners de grotste stad van 't land. Andere grôote steedn zyn Peking, Chongqing, Tianjin, Hong Kong, Wuhan, Kanton, Shenyang, Chengdu, Xi'an, Nanking en Shenzhen.

In China zyn der mêerdere toaln en dialectn. Mandaryn Chinees wordt surtout geklapt deur de Han-Chineezn in 't nôordn. In 't zuudn klapp'n ze Kantonees, Wu, Hakka, Tibetoans en nog vele andere dialectn.

De geschreevn toale is algemêen. De Chineesche karakters zyn 't zelfste vor al de dialectn, moa d' uutsproake is verschillig.

UNESCO Weirelderfgoed:

• Chineesche Meur
• Hillign berg Taishan
• Keizerlikke paleizn van de Ming- en Qing-dynastieën in Peking en Shenyang
• Mogao-grott'n
• Mausoleum van den êeste Qin-keizer (Terracottaleger)
• Viendplekke van de Pekingmens in Zhoukoudian
• Huangshan
• Jiuzhaigou-valleie
• Berglandschap van Huanglong
• Berglandschap van Wulingyuan
• Bergresidentie en ofgeleegn tempels van Chengde
• Tempel en begroafplekke van Confucius en 't huus van de familie Kong in Qufu
• Oud gebouwncomplex in de Wudangbergn
• Historisch ensemble van 't Potala-paleis in Lhasa
• Nationaal park Lushan
• Landschap round den berg Emei, inbegreepn 't gebied van de Grôte Boeddha van Leshan
• Oude stad Lijiang
• Oude stad Ping Yao
• Klassieke hoovn van Suzhou
• Zomerpaleis, e keizerlikkn hof in Peking
• Hemeltempel, e keizerlik offeraltoar in Peking
• Wuyigebergte
• Rotsgraveriengn van Dazu
• Qingcheng en Dujiangyan-irrigoatiesysthème
• Oude dorpn in zuudelik Anhui - Xidi en Hongcun
• Grott'n van Longmen
• Keizerlikke groavn van de Ming- en Qing-dynastieën
• Grott'n van Yungang
• Beschermd Drie Parallelle Riviern gebied in Yunnan
• Hoofdsteedn en groavn van 't oud keunienkryk Koguryo
• Historisch centrum van Macao
• Yin Xu
• Reservoatn van de reuznpanda in Sichuan
• Zuud-Chinees karstlandschap
• Tulou van Fujian
• Nationaal park Sanqingshan
• Wutai Shan
• Historische monumentn van Dengfeng in 't "Centrum van Hemel en Eirde"
• Danxia van China
• Cultuurlandschap van 't Westelik Meer van Hangzhou
• Fossielsite van Chengjiang
• Site van Xanadu
• Tiensjan in Sinkiang
• Cultuurlandschap van rysterrass'n van de Hani in Honghe

•  
  De Chineesche Meur
•  
  Terracottaleger
•  
  Hemeltempel in Peking
•  
  Wuyigebergte

• Confucius, filosoof van 't oude China
• Huang Xianfan, geschiedkundign
• Li Na, tennisspeelster
• Mao Tse-tung (Mao Zedong), leider van de Communistische Partye van China
• Yao Ming, basketter die by den NBA speelde

Ofbeeldiengn die ier by passn ku je vien in de categorie China van Wiki Commons.