Sur' Britanii

Sur' Britanii (angl.: United Kingdom «ühtenzoittud kunigahuz», lühenduz: UK), täuz' oficialine nimituz — Suren Britanijan da Pohjoižen Irlandijan Ühtenzoittud Kunigahuz (anglijan kelel: United Kingdom of Great Britain and Northern Ireland), om sar'hine valdkund Päivlaskmpol'žes Evropas.

Päine da sen kaikiš suremb lidn om London.

Sur' Britanii
United Kingdom
 Flag
Sur' Britanii
 Valdkundznam
Sur' Britanii
Pälidn London
Eläjiden lugu (2018) 65,105,246 ristitud
Pind 243,610 km²
Sur' Britanii United Kingdom
Kel' anglijan
Valdkundan pämez' Karl Koumanz'
Päministr Riši Sunak
Religii hristanuskond, ateizm
Valüt sterlingiden funt (£) (GBP)
Internet-domen .uk
Telefonkod +44
Aigvö tal'vel UTC+0,
kezal UTC+1

Vspäi 1973 oli Evropan Ühtištusen ühtnijan, lähtendan sišpäi process zavodihe vn 2020 uhokun 1. päiväl, i siš-žo dataspäi valdkund ei ole EÜ:n ühtnijaks enamba oficialižešti vn 2016 referenduman mödhe. Sur' Britanii om valdkund südäitukuiženke azegištonke, ÜRO:n Varuitomuden nevondkundan kaikenaigaine ühtnii.

Üks'jäine röun kuivudme om Irlandijanke (360 km). Vaiše 35 km om Suren Britanijan suvirandištospäi Francijan pohjoižrandištho La Manš-sal'men kal't, ned oma ühtenzoittud vižkümnekilometrižel evrotonnelil.

Istorii

Vn 1707 1. päiväl semendkud Akt Anglijan da Šotlandijan ühtištuses om allekirjutadud.

Vn 1801 1. päiväl vilukud Akt Suren Britanijan da Irlandijan ühtištuses om allekirjutadud.

Ei ole Konstitucijad valdkundas ühtenzoittud dokumentaks tähäsai. Statutad, käskuzkundaližed precedentad, rahvahidenkeskeižed kožundkirjutesed da konstitucižed verod oma sen sijas.

Geografii da klimat

Sur' Britanii 
Suren Britanijan i Irlandijan fotokuva kaimdajaspäi (vn 2012 kezaku)

Valdukundan sijaduz om Britanižil saril (Sur' Britanii-sarel, Irlandii-saren pohjoižpäivnouzmpol'žel palal, Normandižil saril), Atlantižen valdmeren randal. Pind om 243 610 km². Ümbärdajad mered: Irlandijan, Kel'tine, Gebrid- da Pohjoiž-. Randanpird om läz 31 368 km.

Pohjoižel da päivlaskmal om mägid (Pohjoine Šotlandijan mägišt, Penninad i Kembrižed mäged). Suvel da suvenpäivnouzmal om kukhikahid tazangištoid. Sariden kümne kaikiš korktembid mägenpäd sijadasoiš Šotlandijas, kaikiš korktemb čokkoim om Ben Nevis-mägi (1343 m). Kaikiš alahaižemb čokkoim om Fenland (−4 m) Anglijan päivnouzmas.

Päjoged oma Temz (334 km pitte), Severn (310 km), Trent (298 km), Mersi (109 km) i Klajd (170 km). Kaikiš järedamb järv om Loh Nej (396 km²) Pohjoižen Irlandijan territorijal.

Klimat om valdmerine neps. Uhokun keskmäine lämuz' +3..+7 C° da heinkun +11..+17 C°.

Londuseližed varad oma kivihil', kivivoi, londuseline gaz, metallad (raud, tin, hahktin, kuld, hobed), mouckivi, sauvondgips, kaolin, keitandsol, kala, reskvezi.

Tobmuz

Sur' Britanii 
Vestminster-pert'kulu om valdkundan parlamentan molembiden kodiden ištundsija Londonas.

Istorikad lugedas Surt Britanijad nügüd'aigaižen parlamentaižen demokratijan sündundsijaks. Sur' Britanii om unitarine valdkund administrativižikš.

Valdkundan ohjandusen form om konstitucine parlamentine monarhii. Sen pämez' om Karl Koumanz' vn 2022 sügüz'kun 8. päiväspäi, ende oli tetab kut Čarlz-princ. Edeline pämez' oli Elizavet Toine-kunigaznaine vll 1952−2022. Monarh om koumen tobmuden sarakon pämeheks. Hän voib pästta radmaspäi suim, panda ministrid radnikusele, tedotada sodad verast valdkundad vaste ülembaižeks armijan käskmeheks.

Parlament om kaks'kodine. Valičendad oleskeldas paksumb, mi kerdan videks vodeks. Lordoiden kodi (angl.: House of Lords) om üläkodi, ei ole sen ühtnijoiden lugumäran röunadusid, nügüd' mülüb 756 ühtnijad (valitas heid alakodin partijoišpäi tobjimalaz, vai pandas radnikusele elon hätkte). Alakodi, Kundoiden kodi (angl. House of Commons), mülütab 650 ristitud, rahvaz valičeb heid. Päministr om ühteks parlamentan ühtnijoišpäi, iče paneb ministrid radsijha (monarh vaiše hüvästab hänen valičend), alakodin ühtnijad valitas händast järgeližen äniden enambusen mödhe.

Parlamentan alakodin ühtnijoiden edelstrokuižed valičendad oliba vn 2019 12. päiväl tal'vkud. Konservativine partii Boris Džonsonanke ezinenas sai äniden enambust möst (43,6%) i 365 sijad 650:späi. Edeližed päministrad oma Boris Džonson (24. heinku 2019 — 6. sügüz'ku 2022) i Liz Trass (vn 2022 6. sügüz'ku — 25. reduku). Nügüdläine partijan lider i päministr om Riši Sunak vn 2022 redukun 25. päiväspäi, vll 2019−2022 hän radoi valdkundan rahalugendan aluzkundan päsekretarin i kancleran.

Administrativiž-territorialine jagand

   Kacu kirjutuz: Suren Britanijan administrativiž-territorialine jagand.

Sures Britanijas om nell' administrativiž-territorialižed palad:

  • Anglii (ühesa regionad, angl.: Government Office Regions), adm. keskuz om London
  • Uel's (22 agjad (administrativišt ühtnikad), angl.: Single-tier Principal Area), adm. keskuz om Kardiff
  • Šotlandii (32 agjad, angl.: Council Area), adm. keskuz om Edinburg
  • Pohjoine Irlandii (kuz' grafkundad (angl. County) vai 26 rajonad, angl.: District), adm. keskuz om Belfast

Jäl'gmäižed koume palad oma znamasiženke avtonomijanke Anglijaspäi.

Sen ližaks, Sur' Britanii valdoičeb 14 merentagaižel territorijal da koumel kunigahan mal. Ned ei ole Suren Britanijan palad juridižikš.

Eläjad

Eläjiden lugu

Sur' Britanii oli EÜ:n koumanz' valdkund ičeze ristitišton lugumäran mödhe. Valdkundan kaikiš suremb ristitišt om nügüd'.

Kaikuččel vodel 1-lopunke tehtas valdkundan rahvahanlugemišt, kerdan kümnes vodes. Suren Britanijan eläjiden lugu (1901−2011):

Voz' Eläjiden lugu
1901 38 237 000
1911 42 082 000
1921 44 027 000
1931 46 038 000
1951 50 225 000
1961 52 709 000
1973 56 223 000
1981 56 357 000
1991 57 439 000
1998 58 475 000
2001 59 113 000
2005 60 235 000
2007 60 986 000
2009 61 792 000
2011 63 181 775
2013 64 100 000

Suren Britanijan rahvahad

Igähižed eläjad — 92% (2001):

  • anglijalaižed — 83,6%,
  • šotlandijalaižed — 8,5%,
  • uel'slaižed — 4,9%,
  • irlandijalaižed — 2,9%.

Uskondan mödhe (2011): hristanuskojad — 59,5% (sidä kesken anglikanižen jumalankodikundan uskojad, riman katolikad, presviterianižen jumalankodikundan polenpidajad, metodistad), islamanuskojad — 4,4%, induistad — 1,3%, toižed uskojad — 2,0%, märhapanendata — 7,1%, religijatomad — 25,7%.

Lidnad (Sitid)

Kaik om 69 lidnad (sitid). Suren Britanijan kaikiš surembad lidnad (enamba 450 tuh. ristituid vl 2011, surembaspäi penembha): London, Börmingem, Lids, Glazgo, Šeffild, Bradford, Mančester, Edinburg, Liverpul'.

Rahvahanižanduz

Suren Britanijan ižanduz om šingotadud, ühesanz' surtte mail'mas.

Vl 2012 Suren Britanijan päeksport oli likutimed da niiden palad (läz 20%), kivivoi (15%), himižen sarakon produkcii (10%), avtod (8%); toine eksport — zelläd (5%), diamantad (2%), ezitegesed olut tehmaha (2%).

Homaičendad

Irdkosketused

    Tobmuz
    Ühthine informacii valdkundas



Evropan valdkundad
Sur' Britanii 
Evropan valdkundad
Alamad | Albanii | Andorr | Armenii1 | Azerbaidžan1 | Avstrii | Bel'gii | Bolgarii | Bosnii da Gercegovin | Čehanma | Danii | Estinma | Francii | Grekanma | Gruzii1 | Horvatii | Irlandii | Islandii | Ispanii | Italii | Kazahstan1 | Kipr1 | Latvii | Lihtenštein | Litvanma | Lüksemburg | Mad'jaranma | Mal't | Moldov | Monako | Mustmägi | Norvegii | Pohjoižmakedonii | Pol'šanma | Portugalii | Ročinma | Romanii | San Marino | Saksanma | Serbii | Slovakii | Slovenii | Suomenma | Sur' Britanii | Šveicarii | Turkanma1 | Ukrain | Vatikan | Vaugedvenäma | Venäma1

1 Om Azijas mugažo.

Tags:

Sur' Britanii IstoriiSur' Britanii Geografii da klimatSur' Britanii TobmuzSur' Britanii Administrativiž-territorialine jagandSur' Britanii EläjadSur' Britanii RahvahanižanduzSur' Britanii HomaičendadSur' Britanii IrdkosketusedSur' BritaniiAnglijan kel'London

🔥 Trending searches on Wiki Vepsän:

AhmedabadDisnei UoltVenäman hogahtuz Ukrainha (vodelpäi 2022)Čakraborti MithunJessica JayDüssel'dorfLingvistikAntananarivuDionisIzmirEvropSikhizmFutbolOdessInduizmZueratFotosintezBaskalaižedJovan kirjVenäkel'ne VikipediiRandačAmerikan Ühtenzoittud ValdkundadGermanijan imperiiMeriTehnologiiMark TvenDžekman HjuFtorTožnargOrlova Lübov'AvstraliiUkrainan kel'Kuzen čomitesedKorsikJel'cin BorisGvinei-BisauSuvisahalinskVersalin kožundkirjutezKirovan agjVenämaAzartvändRafael' SantiKalgariCindaoPlastik (material)Anglijan kel'Ropča AndreiGalaktikUnunenniiMonakoKastel'sardoMirVoin i kožmuzUkrainÄnineVenän kel'Vologdan agjInternetGollüz600 (pertiden serii)AngunBaiden DžoGruzijan kel'Hoking StivenTallidnRošan RitikŠrilank🡆 More