facebook.com (Facebook vai Feisbuk) om populärine i kaikiš suremb socialine verk mail'mas.
Sen tegijad — amerikaižen Garvardan universitetan üläopenikad Mark Cukerberg, Eduardo Saverin, Dastin Moskovic, Kris Hjuz.
Verk om äikel'ne. Se om sätud PHP-programiruindkelel, zavodi radod vn 2004 uhokun 4. päiväl. Kaik om 2,5 mlrd aktivižid kävutajid kaikuččes kus i milliardhasai joga päiväl. Verkon päfater da päserver sijadasoiš Menlo Park-lidnas San Franciskon aglomeracijan suves, AÜV. Verkon pidai om Facebook, Inc.-kompanii, radajiden lugu om 52 534 ristitud (vn 2020 andmused).
Eziauguižešti vebsaitan nimituz oli Thefacebook, i se radoi vaiše Garvardan universitetan üläopenikoiden täht. Sid' avaitihe registracijad Bostonan aglomeracijan toižiden universitetoiden täht, sen jäl'ghe AÜV:oiden kaikiden openduzaluzkundoiden täht elektroniženke adresanke .edu-domenas. Zavotten vn 2006 sügüz'kuspäi registracii saital om avaitud Internetan kaikiden kävutajiden täht 13-voččes igäspäi elektropočtan adresanke.
Feisbuk mülüb mail'man kaikiš paksumbihe kävutadud saitoihe viden kesken.
Irdkosketused
| Facebook Vikiaitas |
 | Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Facebook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.