Małatie Sesualmente Trasmitìbiłi

Atension – Łe infomasion riportae no łe xe conseji mèdeghi e i podaria no èsar ben curai. I contegnui i ga soło el fin iłustrativo e no i sostituise el parere mèdego.

Na małatia trasmitìbiłe sesualmente (conosesta anca co el acrònemo MTS) o infesion sesualmente trasmitìbiłe (IST), in pasà ciamà anca malatia venèrea, inte ła medexina, ła insegna na małatia infetiva che ła se trasmete prinsipalmente par contajo direto in ocaxion de atività sesuałi, includesti anca i raporti orałi e anałi. Ła majoransa de łe małatie sesualmente trasmitìbiłi inte el scumìsio no łe prexenta sìntomi. Sta roba ła se tradùxe in major ris-cio de trasmétarle a altre parsone. I sìntomi e i segni de ła malatia i połe inclùdar pèrdite da ła vaxina, dal pene, dołor pèlvego, ùlsere da torno ai òrgani xenitałi o sora de sti cuà. Na infesion sesualmente trasmetesta, ciapada prima o finmente a na graviansa ła połe cauxar małani al nasituro. Racuante małatie sesualmente trasmitìbiłi łe połe cauxar problemàdeghe de steriłità.

Małatie sesualmente trasmitìbiłi
Canpagna de sensibiłixasion a ła doparasion de profiłàteghi
Spesalità	infetivołoxia
Esiołoxia	comportamento sessuale umano, infesion, comportamento sessuale a rischio e asensa
Clasefegasion e risorse foreste (EN)
ICD-9-CM	099.0
ICD-10	A64
MeSH	D012749

• Educasion sesuałe oportuna par conósar łe małatie de sta sorte e łe vàrie forme de contajo.
• Ixene dei òrgani sesuałi; se se ga da far el bagno diàrio col saon e sugarse tentamente i òrgani xenitali.
• Doparasion dei mecanismi protetori cofà i goldoni o preservativi co se ga na rełasion sesuałe.
• Astinensa.

•   Wiki Commons el detien imàjini o altri file so małatie sesualmente trasmitìbiłi