Julius Nyerere

Julius Kambarage Nyerere (Butiama 13 aprile, 1922 – Londra14 otobre, 1999) el xe stà el primo presidente de la Tanzania. Nyerere el xe diventà presidente del Tanganyika en tel 1962, e de la Tanzania en tel 1964. Nyerere el se sa ritirà en tel 1985. Fiol de Nyerere Burito, cao de i zanaki, el xera conosù come Mwalimu, na parola swahili che vol dir maestro, sia par la so profesion prima de entrar en politega, che par el so esenpio de vita da presidente del paexe.

Julius Nyerere

(1975)
Nome orizenałe	(sw) Julius Kambarage Nyerere
Biografia
Nasimènto	[[Categoria" was not found. Butiama (Inpero britànego)
Mòrte	[[Categoria" was not found. (77 ani) Łondra
Càuxa de morte	Càuze nadurałi  (Leucemia (it) )
Presidente de l'Organizasion de l'Unità Africana
12 de novenbre del 1984 – 18 de lujo del 1985 ← Menghistu Hailè Mariàm (it) – Abdou Diouf (it)  →
1o Presidente della Tanzania (it)
29 de otobre del 1964 – 5 de novenbre del 1985 ← nisun vałore – Ali Hassan Mwinyi (it)  →
Presidente de Tanganyika
9 de disenbre del 1962 – 26 de apriłe del 1964
Prime Minister of Tanganyika (en)
1° de majo del 1961 – 22 de zenaro del 1962 – Rashidi Kawawa (en)  →
Prime Minister of Tanganyika (en)
2 de setenbre del 1960 – 1° de majo del 1961 ← nisun vałore
Dati personałi
Rełijon	Catołicismo
Formasion
Atività
Ocupasion	[[Categoria" was not found.
Partio
Movimento	Ujamaa
Cariera miłitar
Conflito	Guera ugandexe tanzaniana
Ełevasion
2005 - servo di Dio (it) , dezignà da Papa Benedeto XVI  (Sità del Vategan)
Festività	14 de otobre
Òpara
Òpare in rezalto Dichiarazione di Arusha (it)
Fameja
Spoxa
Zenitori	Bashiru Ally (en) ()
(2010)  ordine dell'Antichissima Welwitschia mirabilis (it) (2007)  Order of the Pearl of Africa (en) (2007)  Order of Katonga (en) (1995)  Gandhi Peace Prize (en) (1992)  Premio Internazionale Simón Bolívar (it) (3 de otobre del 1985)  ordine di Agostinho Neto (it) (7 de setenbre del 1983)  Order of Eduardo Mondlane, 1st class (en) (1983)  Premio Nansen per i Rifugiati (it) (19 de setenbre del 1976)  medaglia di Amílcar Cabral (it) (21 de setenbre del 1974)  ordine di José Martí (it) (1973)  Premio Jawaharlal Nehru (it) (3 de setenbre del 1963)  Grand Cross with Collar of the Order of the White Rose of Finland (en)  Honorary doctor of the University of Ottawa (en)  Grand Cross of the Order of the Aztec Eagle (en)  ordine dei Compagni di O.R. Tambo (it)  Ordine dei Serafini (it)  ordine della Giamaica (it)  Prèmio Lenin par ła Paze  ordine dell'Elefante (it)

Nyerere el ga studià a Musoma e Tabora. Dopo le scole superiori el xe ndà a l’università a Makerere (Uganda) do el ga otegnù on diploma en educasion. Tornà en Tanganyika, el ga laorà par tri ani come maestro en te la scola St. Mary’s de Tabora do che el insegnava biologia e inglexe. En tel 1949 el xe ndà a Edinburgh. A quel tenpo el xera el primo tanzaniano a studiar en te n’uninversità inglexe e el secondo a ciapar on dotorato fora da l’Africa. En tel 1952 el ga finio i so studi de economia e storia. El xe stà a Edinburgh che Nyerere el ga scominsià a programare na politega de socialismo africano. Al so ritorno en Tanganyika, Nyerere el ga insegnà storia, inglexe e swahili al collegio St. Francis’ de Dar es Salaam. En tel 1953 el xe stà eleto presidente de la Tanganyika African Association - Asociasion Africana del Tanganyika - (TAA). Nyerere el xera stà ono de i fondatori de la TAA co chel studiava a Makerere. En tel 1954, el ga canbià la TAA en te l’Union Nasionale Africana del Tanganyika (Tanganyika African National Union) – TANU. Dopo nianca on ano, el TANU el xera el partio politego pi inportante del Tanganyika.

Nyerere el ga dovù lasar l’insegnamento par poder girar tuto el Tanganyika par parlar co i cai locali e la zente. La so abilità a spiegar le so idee e la so integrità lo ga jutà a portar el paexe a l’indipendensa senza dover conbatar na guera de liberasion. Nyerere el xe diventà membro del Consilio Egislativo en tel 1958, el xe stà eleto primo consiliere en tel 1960, e primo ministro del Tanganyika auto-governato en tel 1961. En tel 1962 el Tanganyika el xe diventà indipendente e Nyerere proclamà presidente. En tel 1964 on colpo de stato el ga parà via el sultan Jamshid bin Abdullah. Nyerere el ga proposto l’union co el Tanganyika par formar la Tanzania. El partio unico al governo el xe stà ciamà Chama cha Mapinduzi, partio rivolusionario.

Dopo la conferensa de Arusha, el TANU el ga aprovà la Dichiarasion de Arusha che la scelieva el socialismo. El nome swahili del programa politego de Nyerere el xera l’Ujamaa, che vol dire costruir na fameja. Anca se l so politega la xera ciamada socialista, Nyerere el xera prima de tuto on african. La so idea politega la xera quela de costruir on paexe che podese caminar co le so ganbe, dàndoghe a la zente el progreso, ma on progreso che i podea gestir co le so forse. La so sielta de sinistra lo ga portà a esar considerà on paria da i paexi ocidentali che i ga boicotà la Tanzania. En tel 1985, Nyerere el ga anuncià che el se ritirava da la vita politega ativa a favor de el novo presidnete Ali Hassan Mwinyi. Inte el so discorso de adio el ga dito: “Mi no so riusio a portar el paexe a l’autosuficenza. Bisogna dir la verità!”. Nyerere el xe restà el cao del partio fin al 1990 e el xe considerà da tuti come el Pare de la Nasion.

Nyerere el ga sostegnù el movimento d ei paexi non alineadi, mantegnendo raporti cordiali sia co l’Est che co l’Ovest durante la Guera Freda. A livel continentale, el xe stà ono de i fondatori de l’Organizasion de l’Unità Africana en tel 1963. El ga sostegnù vari movimenti de libarasion come l’ANC e el PAC del Sudafrica, el FRELIMO del Mozanbico, el ZANLA de la Rodesia. Co el presidente de lo Zanbia Kenneth Kaunda, Nyerere el xe stà ono de i leader de i Stati de la Linea del Fronte, l’organizasion che sostegneva el governo basà so la magioranza en Sudafrica. En tel 1978, en risposta a l’ataco de i ugandexi de Idi Amin Dada, Nyerere el ga proclamà la guera contro l’Uganda, sconfito Idi Amin e verto la porta par la ricostitusion de la democrasia en Uganda.

Nyerere el xera on catolego e el no ga mai nascosto la so fede. El ga de frecuente domandà a i vescovi de esar profeti e de jutarlo en te la so mision a la guida del paexe. En tel genaro 2005 la diocexi de Musoma la ga verto el proceso par la causa de beatificasion. Nyerere el ga senpre sostegnù la lengoa swahili e el ga tradoto varie opere eoropee en swahili. Le pi inportanti le xe el Giulio Cesare e el Marcante de Venesia de William Shakespeare.

Portałi:
•   Portałe de Africa
|

•   Wiki Commons el detien imàjini o altri file so Julius Nyerere