El Camerun xe na repùblega de l’Africa Osidental.
Par savèrghene de pì, vardarse ła voxe Zeografia del Camerun. |
El Camerun xe na olta e mezo l’Italia.
El xe ocupà par el groso da altipiani, a nordovest ghe xe na catena montagnosa che la riva a 4.095 metri. La costa xe pianegiante.
Longo la costa piove tuto l'ano. Inte l’altopian meridional ghe do stagioni, seca e piovosa.
El Camerun ga na difarenti tá de ecosistemi unica inte el continente, séndoghe quasi tuti i ecosistemi africani.
El 37% del paexe xe cuerto da foreste; in particolar la costa e l’altopian meridional che el ga anca foreste pluviali. Al nord se cata tereni aridi e savane. L’altopian osidental xe fertile e pien de laghi, e el teren vulcanico xe coltiva’ intensivamente.
Par savèrghene de pì, vardarse ła voxe Storia del Camerun. |
I primi abitanti del Camerun xera i baka, na popolasion de pigmei. Inte el secolo V, dei grupi sudanici xe rivà da la zona del lago Chad.
I portoghexi xe rivá inte el 1472 e i ga tacá a far marcá co i abitanti de la costa.
Al scominsio del XIX secolo, Modibo Adama sa meso a la testa de guerieri fulana par conquistar el nord del paexe e crear el emirato de Adamava. En tel 1884, i todeschi sa tolta el teritorio e i la ciamá la colonia del Kamerun. I novi coloni ga scominsiá a costruir strade e altre struture usando el laoro coato. Dopo la Grande Guera, la colonia l’é stá divisa tra Fransa e Regno Unio.
Dopo na guera de liberasion contro i francexi dal 1955 in poi, el Camerun l’é diventá indipendente inte el 1960.
El primo presidente xe stá Ahmadou Ahidjo. Dopo verghe abolì la federasion, el Camerun xe diventá na repùblega presidensiale. Ahidjo ga lasá el poder el 4 novembre 1982 al so sucesor, Paul Biya, che xe el presidente fin ancò.
La cavedal xe Yaoundé.
La majoria dei camerunexi xe zoena (47% soto i trent’ani), e la popolasion urbana xe alta (52%).
Ghe xe 282 difarenti etnie.
El nord del paexe xe musulman. La zente de la costa xe catolega, al zentro se trova catoleghi, altri grupi cristiani e le religioni tradisionali.
Se parla inglexe, fransexe e 232 lengoe locali.
El 48% de la popolasion vive soto el livel de la povertá .
El presidente Biya ga poderi asoluti e la zente se lamenta da abusi dei diriti umani.
La corusion xe difusa.
La economia de Camerun la se baxa so l’agricoltura (café, tabaco, cana da zucaro), lo sfrutamento forestale e la pesca.
El paexe ga riserve minerarie de grosa entità, ma no ghe molta atività mineraria.
El turismo xe in cresita.
I portoghexi che xe rivá su le coste del Camerun ga catá che ghera tanti scampi e i ga ciamá el paexe el Rio dos Camarões, da chi vien el nome Camerun.
El xe ciamà l’"Africa in miniatura", visto che el ga quasi tuti i ecosistemi africani.
Controło de autorità | VIAF (EN) 147664051 · ISNI (EN) 0000 0001 2180 0777 · LCCN (EN) n81035273 · GND (DE) 4029413-4 · BNF (FR) cb11868630f (data) · BNE (ES) XX450959 (data) · NDL (EN, JA) 00564804 · WorldCat Identities (EN) n81-035273 |
---|
This article uses material from the Wikipedia Vèneto article Camerun, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.