Владимир Владимир оглу Путин (орус. Владимир Владимирович Путин) (1952 ч.
октябрь 7-де, Ленинград, РСФСР, ССРЭ-ге төрүттүнген) – Россияның политиктиг болгаш күрүне ажылдакчызы, амгы үеде Россия Федерациязының Президентизи, Россия Федерациязының Чепсектиг күштериниң дээди кол командылакчызы.
Владимир Владимирович Путин | |
---|---|
орус. Владимир Владимирович Путин | |
Төрүттүнген хүнү | 1952 октябрьның 7[…] (71 хар) |
Чурт | |
Ашаа азы кадайы | Путина, Людмила Александровна |
Автограф |
1999-2000 чылдарда болгаш 2008 чылдан 2012 чылда – Россия Федерациязының Чазак даргазы турган. РФ-тиң Федералдыг айыыл чок чорук албанының директор (1998-1999 чч), 1999 чылда РФ-тиң Айыыл чок чорук Чөвүлелиниң бижээчи албан-дужаалын күүседип турган. Ленинградтың Күрүне Университединиң хоойлу-дүрүм факультединиң доозукчузу.
1999 чылда декабрьның 31-де РФ-тиң президентизи Борис Ельцинниң шиитпири-биле РФ-тиң президент хүлээлгезин түр када күүседир кылдыр В.В. Путинни томуйлаткан. 2000 чылдың март 26-да РФ-тиң президентизи кылдыр соңгудуп алган. 2004 биле 2012 чылдарда күрүне баштыңының албан-дужаалгазынга база катап чонга соңгудуп алган.
Курлавыр полковниги (1999). Россия Федерациязының 1-ги чергениң чиңгине күрүне чөвүлекчизи (1997). Экономика эртемнериниң кандидады (1997). Самбо (1973) биле дзюдо (1975) спортунуң мастери, Россияның самбога алдарлыг тренери (1998). Немец биле англи дылга хостуг чугааланыр.
Владимир Путин биле Людмила Шкребневаның кудазы 1983 чылда болган.
1983 чылдың июль 28-те 30 харлыг Путин 25 харлыг Людмила Александровна Шкребневага өгленген. Ийи уругларлыг: Мария (1985 чылдың апрель 16-да Ленинградка төрүттүнген) биле Катерина (1986 чылдың август 31-де Дрезденге төрүттүнген).
2013 чылдың июнь 6-да «Россия-24» телеканалының интервьюзунга Владимир биле Людмила Путиннер ийи таланың шиитпири-биле чарлыышкынның дугайында чарлааннар. Чарлыышкын боду, Путинниң парлалга-бижээчизи Д. Песковтуң тайылбыры-биле алырга, 2014 чылдың март айның үезинде хевир киирген.
This article uses material from the Wikipedia Тыва article Путин, Владимир Владимирович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.