Vuvabyi Bya Khorona Bya 2019

vuvabyi lebyi byi tsumburiwe ro sungula hi N'wendzamhala wa n'wexemo 2019, e dorobheni ra Wuhan, e Chayina, naswona byi hangalake na misava, leswi vangeke ntungu lowu nga kona. Hi 23 Mudyaxihi 2020, timhangu to tlula 5.23 wa timilliyoni ti vikiwile hi matiko ya188, kuhlanganisa na ntsengo wo hundza 338,000 wa vanhu lava dlaweke hi vuvabyi lebyi. Hambiswiritano, ntsengo wa lava hanyeke endzhaku ko khomiwa hi vuvavbyi lebyi wu le henhla ka 2.07 wa timilliyoni.[9]

Swikombiso leswi tolovelekeke swa vuvabyi lebyi swi hlanganisa na dari, khohlokhohlo, kukarhala, ku heleriwa hi moya, na kulahlekeriwa hi vuswikoti byo nuhwela na ku nantswela. Vutalo bya vanhu lava tluleriweke hi vuvabyi lebyi vava na swikombiso swi tsanana, van'wana va weriwa hi nhlaselo wa swirho swo hefemula lowu vangelaka masocha ya miri leswaku mahlasela mahahu, kufa ka swirho swin'wana swa miri, kutiyelela ka ngati. Nkarhi kusukela ka kutluleriwa hi vuvabyi kufikela loko swikombiso swa vuvabyi swi vonakala, i kwalomu ka masiku ya nthlanu, naswona wu nga va e xikarhi ka masiku mambirhi kuya eka mavhiki mambhiri.

Xitsongwatsongwana lexi xi tlulelana exikarhi ka vanhu lava nge kusuhi na kusuhi, hixitalo eka swisa leswi vangiwaka hi ku khohlola , ku etshemula, na kuvulavula. Swisa leswi swi tala ku wela ehansi kuri na ku famba mangwa emoyeni. Nakambe vanhu vanga thlela va tluleriwa hi xitsongwatsongwana, loko va khoma ndzhawu kumbe xilo lexi suleriweke ivi va tikhoma xikandza. Xitsongwatsongwana lexi xi tlulelana ngopfu e xikarhi ka masiku manharhu endzhaku ko sungula ka swikombiso, hambi leswi byi tlulelanaka naloko swikombiso swi nga si sungula. Ndlela ya ntolovelo yo hlahluva vuvabyi lebyi i ku teka no xiyisisa marha eka nkolo. Nhlahluvo wa xifuva na mahahu wu nga pfuna ku vona mahangalele ya vuvabyi e mirini.Tindlela to sivela vuvabyi lebyi ti hlanganisa na ku hlamba mavoko, ku papalata vanhu (ngopfungopfu lava ngana swikombiso), ku siva ku khohlola, naswona u tlela u papalata ku ti khoma xikandza. Ku engeta kwalano, ku bubabumeriwa tipfala milomo na tinhompfu. Swibumabumelo swo tipfala nomo na nhopfu swa hambanahambana, naswona mifumo yi'wana yi swi endle nawu, kasi yi n'wana ya swisivela. Ku na ku kayivela ka vumbhoni eka matirhele ya ku tipfala nhompfu na nomo ka vanhu lava hanyeke.

Hi kuya hi nhlangano wa Misava wa Swarihanyo (WHO), ku hava nsawuto wa vuvabyi lebyi. Hi siku ra 1 Mudyaxihi 2020, tiko ra Amerikha ri nyike mpfumelelo wa xihatla wo nyika vavabyi lava tikiriwaka murhi wa remdesivir. Vu ongori byi hlanganisa na ku tshungula swikombiso, nkatalelo na vuongori, ku papalata vanhu, na vutshunguri byo ringeta. Nhlangano wa Misava wa Swarihanyo wu tivise vuvabyi bya COVID‑19, kuri mhangu ya xihantla ya misava hi 30 Sunguti 2020 naswona wuthlela wu tivisa vuvabyi lebyi byiri ntungu hi 11 Nyenyankulu 2020. Ntungu lowu wu hangalake eka matiko yo tala e swi fundzeni hinkaswo swa ntsevu swa nhlangano wa Misava wa Swarihanyo.

Tindzawulo ta Swarihanyo

• Coronavirus disease (COVID-19) by the World Health Organization (WHO)
• Coronavirus 2019 (COVID-19) by the U.S. Centers for Disease Control and Prevention (CDC)

Swiyenge

• COVID-19 at Curlie
• COVID-19 Resource Directory on OpenMD

Matsalwa ya swarihanyo

• Coronavirus Disease 2019 (COVID-19) by JAMA
• Coronavirus: News and Resources by the BMJ Publishing Group
• Novel Coronavirus Information Center by Elsevier
• COVID-19 Resource Centre by The Lancet
• SARS-CoV-2 and COVID-19 by Nature
• Coronavirus (Covid-19) by The New England Journal of Medicine
• Covid-19: Novel Coronavirus Archived 2020-09-24 at the Wayback Machine. by Wiley Publishing