Ida ta ungac “qnawal” ka sbiyaw han, kndadah ta bi klwaan Tanah Tunux siida do kika mduuy ta qnawal da. Paah qnawal sapah dhuq mrana qnawal ddsun sayang, ida skluyun bi qmita ka saw nii.

Knxalan sayang ga ida mduuy qnawal ddsun kana ka sjiqan, ana nanaq saw laqi rabu, ana nanaq saw rudan balay, ida gisu mduuy qnawal ddsun kana. Qnawal ddsun sayang o uxay wana srngaw kari, ida tduwa mririh tribi qtaan bgurah bi sinbung, tduwa qmita eyga ni fb, tduwa spadas pnatas patas ni mangal pnatas dha patas uri. Kiya ni qulung niqan kingal qnawal ddsun ka kngkingal sapah sayang, duma o dhuq hmrinas dha ka qnawal ddsun sapah.