ಕೊರೋನಾವೈರಸ್ ಸೀಕ್ ೨೦೧೯

ಕೊರೋನಾ ವೈರಸ್ ಸೀಕ್(ಕೋವಿಡ್-೧೯ ಪಂಡ್‍ದ್‍ಲಾ ಪನ್ಪೆರ್.)ಸಾರ್ಸ್‍ಕೊರೋನ ವೈರಸ್-೨ (SARS-CoV-2-Severe acute respiratory syndrome coronavirus 2) ಪುದರ್‌ದ ವೈರಸ್‌ಡ್ದ್ ಬರ್ಪಿನ ಒಂಜಿ ಸಾಂಕ್ರಾಮಿಕ ಸೀಕ್.

ಈ ಸೀಕ್‌‍ ಸುರೂತ ಸರ್ತಿ ಚೈನಾ ದೇಸೊದ ಹುಬೆ ಪ್ರಾಂತ್ಯೊದ ವೂಹಾನ್ ಪನ್ಪಿನ ಪೇಂಟೆಡ್ ದಶಂಬರ ೨೦೧೯ನೇ ಇಸವಿಡ್ ತೋಜಿದ್ ಬತ್ತ್‌ನ ವೈರಸ್.

ಕೊರೋನಾವೈರಸ್ ಸೀಕ್ ೨೦೧೯
ಕೊರೋನಾ ವೈರಸ್ ಸೀಕ್‌ದ ಲಕ್ಷಣೊಲು
ಕೊರೋನಾವೈರಸ್ ಸೀಕ್ ೨೦೧೯
ಸಾರ್ಸ್‍ಕೊರೋನ ವೈರಸ್-೨ದ ಮೈಕ್ರೋಸ್ಕೋಪಿಕ್ ಚಿತ್ರ. ವೈರಸ್‍ದ ಪಿದಯಿ ಮೈಯಿ‍ಟ್ ಇಪ್ಪುನ ರಚನೆ‍ಡ್ದಾವರ್ ಈ ವೈರಸ್‍ಗ್ ಕೊರೋನಾ ಪುದರ್ ಬತ್ತ್‌ಂಡ್

ಈ ಬಗೆತ್ತ ವೈರಸ್ ಪ್ರಪಂಚೊಡು ಉಂದು ಸುರೂತ ಸರ್ತಿ ಬತ್ತಿನೆಡ್ದ್‌ದಾವರೆ, ಉಂದೆಕ್ ನೋವೆಲ್ ಕೊರೋನಾ ವೈರಸ್ ಪಂಡ್ದ್ ಪುದರ್ ದೀತೆರ್. ಈ ವೈರಸ್ ಪೊಸ ಪ್ರಭೇದೊದವು ಆದುಪ್ಪು, ಅತ್ತ್ಂಡ ಪ್ರಾಣಿಲೆನ ಉಡಲ್‍ಡ್ ದುಂಬೇ ಇತ್ತ್‌ದ್, ನರಮಾನಿಯನ ಉಡಲ್ ಸೇರಿಬೊಕ್ಕ ರೂಪಾಂತರವಾಯಿನವು ಆದುಪ್ಪು.

ಕೊರೋನಾ ವೈರಸ್ ಸೀಕ್‍ದ ಬಗ್ಗೆ ಒಂಜಿ ಎಲ್ಯ ವೀಡಿಯೋ

ಸೀಕ್‌‍‌ದ ಲಕ್ಷಣೊ

ಈ ವೈರಸ್ ವಾ ರೀತಿದವು, ಬೊಕ್ಕ ಸೋಂಕು ಏತ್ ಗಂಭೀರವಾಯಿನವು ಪನ್ಪುನೆತ್ತ ಮಿತ್ ಈ ಸೀಕ್‌ದ ಲಕ್ಷಣ ಉಪ್ಪುಂಡು. ಒರೊರ ಸೀಕ್‍ದ ಲಕ್ಷಣನೇ ತೋಜಿದ್‍ ಬರ್ಪುಜಿ. ನನ ಒರ, ಇನ್‍ಫ್ಲುಯೆಂಜಾ ಸೀಕ್‍ಡ್ ಇಪ್ಪುನವೇ ಲಕ್ಷಣೊಲು ಉಪ್ಪುಂಡು.

  • ಸಾಮಾನ್ಯವಾಯಿನ ಸೋಂಕು ಆದಿತ್ಂಡ ಈ ಸೀಕ್‍ದ ಲಕ್ಷಣ ಪನ್ನಗ- ಸುಸ್ತು, ಜ್ವರ, ತೆಮ್ಮ, ತರೆಬೇನೆ, ಗಂಟ್‌ಬೇನೆ, ಕಫ, ಒಂತೆ ಮಟ್ಟ್‌ಗ್ ಸ್ನಾಯು ಬೇನೆ, ದೊಂಡೆ ಬೇನೆ.
  • ಗಂಭೀರವಾಯಿನ ಸೊಂಕು ಆದಿತ್ಂಡ, ಕಫ, ಕೆಮ್ಮು ಅತ್ತಂದೆ ದಮ್ಮುಗೆಪ್ಪರೆ ಕಷ್ಟ ಆಪುನು, ತಿಗಲೆ ಬೇನೆ, ಗೆಬ್ಬಟ್, ವಾಸನೆ/ಪರಿಮಳ ಗೊತ್ತಾವಂದೆ ಇಪ್ಪುನ(ಈ ಲಕ್ಷಣನ್ ಸಂಸೋಧಕೆರ್ ಇಂಚಪ ನಾಡ್ದ್‌ಪತ್‌ದೆರ್).

ಒಂಜಿವೇಳೆ, ಮೈಟ್ ಸೀಕ್ ತಡೆಪುನ ಶಕ್ತಿ(ರೋಗನಿರೋಧಕ ಶಕ್ತಿ) ಕಡಮೆ ಇತ್ತ್ಂಡ ಈ ಸೀಕ್ ಬ್ರಾಂಕೈಟಿಸ್ ಅತ್ತ್ಂಡ ನ್ಯುಮೋನಿಯಾ ಆದ್ ಪರಿವರ್ತನೆ ಆಪುನ ಸಂದರ್ಭೊಲಾ ಉಂಡು.

ಸಾಮಾನ್ಯವಾದ್, ಒವ್ವೆ ವೈರಸ್ ಸೋಂಕು ಬತ್ತಿನ ಪೊರ್ತು ಬೊಕ್ಕ ಐತ ಲಕ್ಷಣೊಲು ತೋಜುದುಬತ್ತಿನ ಪೊರ್ತು- ಈ ರಡ್ಡ್ ಸಮಯದ ನಡುತ ಪೊರ್ತುಗು ಇನ್‍ಕ್ಯುಬೇಶನ್ ಪೀರಿಯಡ್ ಪಣ್ಪೆರ್. ಕೊರೋನಾ ವೈರಸ್ ಸೀಕ್‍ದ ಇನ್‍ಕ್ಯುಬೇಶನ್ ಪೀರಿಯಡ್ ೫ ಡ್ದ್ ೬ ದಿನ. ಪನ್ನಗ, ಸೋಂಕು ಬತ್‍ದಿತ್ಂಡಲಾ ೧೪ ದಿನಮುಟ್ಟ ಒವ್ವೆ ಲಕ್ಷಣೊಲು ತೋಜಂದೆ ಉಪ್ಪರಲಾ ಯಾವು.

ರೋಗಲಕ್ಷಣೊ
ರೋಗಲಕ್ಷಣ ಶೇಕಡಾವಾರ್
ಜ್ವರೊ 87.9%
ಒಣ ತೆಮ್ಮೊ 67.7%
ಆಯಾಸೊ 38.1%
ಕಫ ಪುಟ್ಟುನೆ 33.4%
ಉಸ್‌ಲ್ದ ತೊಂದರೆ 18.6%
ಸ್ನಾಯು ಬೇನೆ ಅತ್ತಂಡ ಕೀಲ್ ಬೇನೆ 14.8%
ದೊಂಡೆ ಕಿರ್ಂಬುನೆ 13.9%
ತರೆಬೇನೆ 13.6%
ಶೀತೊ 11.4%
ಕಕ್ಕುನೆ/ವಾಂತಿ 5.0%
ಮೂಂಕು ಕಟ್ಟುನೆ 4.8%
ಪಿದಯಿ ಪೋಪುನೆ 3.7%
ಹಿಮೋಪ್ಟಿಸಿಸ್ 0.9%
ಕಾಂಜಂಕ್ಟಿವಲ್ ದಟ್ಟಣೆ 0.8%

ಎಂಚ ಪಗರುಂಡು?

ಈ ವೈರಸ್, ತೆಮ್ಮಲಪ್ಪುನಗ ಅತ್ತ್ಂಡ ಸುಂಬಿಲ್‍ಲಪ್ಪುನಗ ಮೂಂಕು ಬಾಯಿಡ್ದ್ ಪಿದಾಯಿ ಬರ್ಪುನ ಪನಿ, ಕೈತಲ್ ಉಪ್ಪುನ ನರಮಾನಿಗ್ ತಾಗುನೆಡ್ದ್ ಒರಿಯಡ್ದೊರಿಯಗ್ ಪಗರೋಂದು ಪೋಪುಂಡು. ಒಂಜಿವೇಳೆ ಟುವಲ್, ಮಾಸ್ಕ್‌ದಾಂತೆ ಸುಂಬಿಲ್‍ಲತ್ಂಡ ಮೂಂಕು ಬಾಯಿದ ಪನಿ ೪.೫ ಮೀಟರ್ ದೂರಮುಟ್ಟ ಪರಡುಂಡು. (ಈ ವಿಸಯೋಡು ಸಂಸೋಧನೆ ನಡತೊಂದು ಉಂಡು. ಪರದೇಸೊಲೆಡ್ ಈ ಸೀಕ್ ಬತ್ತಿನ ನರಮಾನಿಲೆನ್ ದೀತಿನ ಕೋಣೆದ ಬಾಕಿಲ್‍ದ ಚಿಲಕ, ನಡಪುನ ಕಾರಿಡಾರ್‌ದ ಗೋಡೆಲೆಡ್‌ಲಾ ಈ ವೈರಸ್ ಇತ್ಂಡ್ ಪಂಡ್‌ದ್ ತೋಜುದು ಬತ್‌ದ್‌ಂಡ್.)

ಸೀಕ್ ಪತ್ತೆ

ಕೊರೋನಾವೈರಸ್ ಸೀಕ್ ೨೦೧೯ 
ಸೀಕ್ ಪತ್ತೆ ಮಲ್ಪುನ ಕಿಟ್

ಈ ಸೀಕ್‍ದ ಪರೀಕ್ಷೆ ಮಲ್ಪರೆ ಬೇತೆ ಬೇತೆ ಕ್ರಮೊಕುಲು ಉಲ್ಲ. ಸದ್ಯೊಗು, ಮಾತಾ ಬರೀಟ್ ವಿಶ್ವ ಆರೋಗ್ಯ ಸಂಘಟನೆ(WHO)ದಕುಲು ಪನ್ತಿನ rRT-PCR ಕ್ರಮೊನು ಅನುಸರಿಸಾವೊಂದುಲ್ಲೆರ್. ಈ ಕ್ರಮೊಟ್ಟು ಸೀಕ್ ಬತ್ತಿನ ನರಮಾನಿನ ದೊಂಡೆದ ಸೀಂಟ್ ಅತ್‍ಂಡ ಕಫ ಪರೀಕ್ಷೆನ್ ಮಲ್ಪುವೆರ್. ಈ ಪರೀಕ್ಷೆ‌ದ ಫಲಿತಾಂಶೊ ಕೆಲವು ಗಂಟೆಡ್ ಅತ್‍ಂಡ ರಡ್ಡ್ ದಿನೊಟ್ಟು ತೆರೀವುಂಡು. ನನ ಒರೊರ ನೆತ್ತೆರ್‌ದ ಮಾದರಿನ್ ದೆತೊನುವೆರ್.

ಮರ್ದ್ ಬೊಕ್ಕ ಚಿಕಿತ್ಸೆ

ಕೊರೋನಾ ವೈರಸ್ ಸೀಕ್‍ಗ್ ಒಂಜಿ ನಿರ್ದಿಷ್ಟವಾಯಿನ ಮರ್ದ್ ಇಜ್ಜಿ. ಅಂಚಾದ್, ಸೀಕ್ ಬತ್ತಿನ ನರಮಾನಿಡ ತೋಜುದುಬರ್ಪಿನ ಲಕ್ಷಣೊಲೆನ ಆಧಾರದ ಮಿತ್ ಚಿಕಿತ್ಸೆ ಕೊರ್ಪೆರ್. ಈ ವೈರಸ್ ಬಾರೀ ಬೇಗೊಡು ಪರಡುನ ಲಕ್ಷಣೊ ಇತ್ತಿನೆಡ್ದಾವರ ಪಿದಾಯಿ ಗುಂಪುಡು ಸೇರುನೇನ್ ಆಯಿನಾತ್ ಕಮ್ಮಿ ಮಲ್ಪೊಡು. ಅತ್ತಂದೆ, ದಿನೊಟ್ಟು ಆಯಿನಾತ್ ಸರ್ತಿ ೨೦ ಸೆಕೆಂಡ್ ಮುಟ್ಟ ಕೈ ದೆಕ್ಕೊಡು. ಮೂಂಕು ಬಾಯಿ ಕಣ್ಣ್‌ಗ್ ಅಪಗಪಗ್ ಕೈ ಪಾಡಿಯೆರೆ ಬಲ್ಲಿ. ಪಿದಾಯಿ ಪೋಪುನೇನ್ ಕಮ್ಮಿ ಮಲ್ತ್‌ದ್ ಇಲ್ಲಡೇ ಕುಲ್ಲೊಡು.(ನೆಕ್ ಸೆಲ್ಫ್/ಹೋಮ್ ಕ್ವಾರಂಟೈನ್ ಪನ್ಪೆರ್) ಅಂಚಲಾ ಪಿದಯಿ ಪೋಪುನ ಸಂದರ್ಭೊ ಬತ್ಂಡಲಾ ನರಮಾನಿಲೆನ ನಡುಟು ೬ ಪೂಟುದಾತ್ ಅಂತರ ದೀವೊನೊಡು. ಬಾಯಿಕವಚೊ(ಮಾಸ್ಕ್)ನ್ ಮಾತೆರ್ಲಾ ಪಾಡುನ ಅಗತ್ಯೊ ಇಜ್ಜಿ. ಏರೆಗ್ ಮಾಮೂಲಿಯಾದ್ ಬರ್ಪಿನ ಕಫ, ತೆಮ್ಮ, ಸುಂಬಿಲ್ ಉಂಡಾ ಅಕುಲು, ಬೊಕ್ಕ ಸೀಕ್ ಬತ್ತಿನಕುಲೆನ್ ಏರ್ ತೂವೊಂಬೆರಾ ಅಕುಲು ಬಾಯಿಕವಚೊ(ಮಾಸ್ಕ್) ಪಾಡೊಡು. ಈ ಬಾಯಿಕವಚಲೆಡ್ ಎನ್೯೫(N95) ಬಗೆತ್ತ ಬಾಯಿಕವಚ ಮಾತ್ರ ಕೊರೋನಾ ವೈರಸ್ ನಮನ ಉಡಲ್‍ದುಲಾಯಿ ಪೋವಂದಿಲೆಕ್ಕ ರಕ್ಷಣೆ ಕೊರ್ಪುಂಡು.

ತಡೆಕಟ್ಟುನ ಕ್ರಮೊ

ಕೊರೋನಾವೈರಸ್ ಸೀಕ್ ೨೦೧೯ 
ಕೊರೊನ ರೋಗ ಪರಡಂದಿನಂಚಿತ್ತಿ ತಡೆಕಟ್ಟುನ ಪ್ರಯತ್ನೊ

ಸೋಂಕುದ ಸಾಧ್ಯತೆನ್ ಕಡಿಮೆ ಮಲ್ಪೊಡಾಂಡ ತಡೆಕಟ್ಟೊಡಾಂಡ ಇಲ್ಲ್‌ದುಲಾಯಿ ಕುಲ್ಲೊಡು. ದಿಂಜ ಜನೊ ಸೇರ್‌ನಲ್ಪ ಸೇರಡೆ. ಅಪಾಪಗ ೨೦ ಸೆಕೆಂಡ್ ಸೋಪ್ ಬುಕ್ಕೊ ನೀರ್‌ಡ್ದ್ ಕೈ ದೆಕ್ಕೊಡು. ಎಡ್ಡೆ ಉಸಿಲ್ ನಿರ್ಮಲೊ ಅಭ್ಯಾಸ ಮಲ್ಪೊಡು ಬುಕ್ಕೊ ದೆಕ್ಕಂದೆ ಕೈಡ್ದ್ ಕಣ್ಣ್ ಮೂಂಕು ಅತ್ತಂದೆ ಬಾಯಿನ್ ಮುಟ್ಟುನೆನ್ ತಪ್ಪಾವೊಡು.,, ತಮ್ಮೊಲಪ್ಪುನಗ ಅತ್ತಂಡ ಸೀನ್‌ನಗ ಬಾಯಿಡ್ದ್ ಅತ್ತಂಡ ಮೂಂಕುಡ್ದ್ ರಟ್ಟಂದಿಲೆಕೊ ಕೈನ್ ಅಡ್ಡ ಪತೊನೊಡು, ಅತ್ತಂಡ ಮುಂಗೈತ ಉಲಯಿದ ಬಾಗೊನು ಅಡ್ಡೊ ಪತ್ತೊಡುಂದು ಸಿಪಾರಸ್ ಮಲ್ತ್‌ದೆರ್. ಪ್ರತೀ ಸರ್ತಿ ತೆಮ್ಮೊಲಪ್ಪುನಗ ಕೈನ್ ದೆಕ್ಕೊನೊಡು. ಒರಿಯಡ್ದ್ ಒರಿಯಗ್ ಜನೊಕ್ಲ್ ಕನಿಸ್ಟೊ ಆಜಿ ಫೀಟ್ ದೂರೊಡು(1.83 ಮೀಟರ್) ಉಂತುನೆನ್ ಮಲ್ತೊನೊಡು.,

ಕೊರೋನಾವೈರಸ್ ಸೀಕ್ ೨೦೧೯ 
ತಡೆಕಟ್ಟುನ ನಾನೊಂಜಿ ಕ್ರಮೊ,

೨೦೨೧ಗ್ ಮುಟ್ಟೊ ಕೊರೊನಗ್ ಮರ್ದ್ ತಿಕ್ಕಂದ್ ಪನ್ಪೆರ್. ಅಂಚಾದ್ ಇತ್ತೆ ಮರ್ದ್ ತಯಾರಾಪುನೆಟ ಮುಟ್ಟ ಪೊಸ ಸೋಂಕು ಅಂಟೊನಂದಿನಂಚ ಜಾಗ್ರತೆ ಮಲ್ಪುನ ಅಗತ್ಯೊ ಉಂಡು. a key part of managing the COVID-19 pandemic is trying to decrease the epidemic peak, known as "flattening the curve", through various measures seeking to reduce the rate of new infections. Slowing the infection rate helps decrease the risk of health services being overwhelmed, allowing for better treatment of current cases, and delaying additional cases until therapeutics or a vaccine become available.

ಇಂಚಪದ ಸಂಸೋಧನೆಲು

  • ಕೊರೋನಾ ವೈರಸ್ ಸೀಕ್‍ ಬತ್‌ದ್ ಗುಣ ಆಯಿನಕಲೆನ ನೆತ್ತೆರ್‌ಡ್ ಇಪ್ಪುನ ಕೊನ್ವಾಲಸೆಂಟ್ ಪ್ಲಾಸ್ಮಾನ್ ದೆತ್‌ದ್ ಕೊರೋನಾ ಸೀಕ್ ಇತ್ತಿನಕಲೆಗ್ ಕೊರ್ಂಡ, ಕೊರೋನಾ ವೈರಸ್‌ದ ಸೋಂಕು ಕಡಮೆ ಆಪುಂಡು ಪಂಡ್‍ದ್ ಇಂಗ್ಲೆಂಡ್‍ದ ಸಂಸೋಧಕೆರ್ ಪಂತೆರ್.
  • ಕೆಲವೊಂಜಿ ದೇಸೊಲೆಡ್ ಬೊಕ್ಕ ನಮ ದೇಸೊಡು ಬಿಸಿಜಿ ಸೂಜಿಮರ್ದ್‌ನ್ ಕಡ್ಡಾಯ ಮಲ್ತ್‌ದೆರ್. ನಮ್ಮ ದೇಸೊಡು, ಜೋಕುಲು ಪುಟ್ಟಿನಪಗ, ಅತ್ಂಡ ಪುಟ್ಟಿನ ಕೆಲವು ದಿನೊಟ್ಟು ಈ ಸೂಜಿಮರ್ದ್‍ನ್ ಪಾಡುವೆರ್. ಇಂಚಪದ ಕೆಲವು ಸಂಸೋಧನೆಲೆಡ್ ಬಿಸಿಜಿ ಸೂಜಿಮರ್ದ್ ಪಾಡೊಂದಿನಕುಲೆಗ್ ಕೊರೋನಾ ವೈರಸ್ ಸೀಕ್ ಬರ್ಪುನ ಪ್ರಮಾಣೊ ಕಡಮೆ ಪಂಡ್‍ದ್ ತೋಜಿದ್‍ಬತ್‍ದ್ಂಡ್.

ಪಿದಯಿದ ಕೊಂಡಿಲು

Health agencies:

Directories:

Medical journals:

Other:

ಉಲ್ಲೇಕೊ

Tags:

ಕೊರೋನಾವೈರಸ್ ಸೀಕ್ ೨೦೧೯ ಸೀಕ್‌‍‌ದ ಲಕ್ಷಣೊಕೊರೋನಾವೈರಸ್ ಸೀಕ್ ೨೦೧೯ ಎಂಚ ಪಗರುಂಡು?ಕೊರೋನಾವೈರಸ್ ಸೀಕ್ ೨೦೧೯ ಸೀಕ್ ಪತ್ತೆಕೊರೋನಾವೈರಸ್ ಸೀಕ್ ೨೦೧೯ ಮರ್ದ್ ಬೊಕ್ಕ ಚಿಕಿತ್ಸೆಕೊರೋನಾವೈರಸ್ ಸೀಕ್ ೨೦೧೯ ತಡೆಕಟ್ಟುನ ಕ್ರಮೊಕೊರೋನಾವೈರಸ್ ಸೀಕ್ ೨೦೧೯ ಇಂಚಪದ ಸಂಸೋಧನೆಲುಕೊರೋನಾವೈರಸ್ ಸೀಕ್ ೨೦೧೯ ಪಿದಯಿದ ಕೊಂಡಿಲುಕೊರೋನಾವೈರಸ್ ಸೀಕ್ ೨೦೧೯ ಉಲ್ಲೇಕೊಕೊರೋನಾವೈರಸ್ ಸೀಕ್ ೨೦೧೯ಚೀನಾ

🔥 Trending searches on Wiki ತುಳು:

ಮಲಸರ್ ಬಾಸೆಹೆಬಿಕ್ ತಾಂತ್ರಿಕ ತರಬೇತಿ ಸಂಸ್ಥೆ ಬಲ್ಮಠ, ಕುಡ್ಲಎಕ್ಕಮಲೆಅಣಿಮಿಲನ ನಾಗರಾಜ್ಅರ್ದಲಸೀತಾಫಲಎ ಪಿ ಜೆ ಅಬ್ದುಲ್ ಕಲಾಂಕುವೆಂಪುನೀಲಾದೇವಿಪಂಜುರ್ಲಿಹಿಂದಿ ಬಾಸೆಬಾಸೆಕಾರ್ನಾಡ್ ಸದಾಶಿವ ರಾವ್ಪಾಡ್ದನಮೇಜರ್ ಸಂದೀಪ್ ಉನ್ನಿಕೃಷ್ಣನ್ತುಳು ಲಿಪಿಕೊರತಿ ದೈವಭಾರತದ ಪಾರ್ಲಿಮೆಂಟ್ಸ್ವಾಮಿ ರಾಮಯಕ್ಷಗಾನರಾಷ್ಟ್ರೀಯ ಶಿಕ್ಷಣ ನೀತಿಚಂದ್ರೆಉಜಿರೆಬಿ. ಸರೋಜಾದೇವಿದಕ್ಷಿಣ ಕನ್ನಡಓಲಾದೇವಿವಕುಲಾ ದೇವಿಬಿಲ್ಲವಅಮೃತ ಬಳ್ಳಿಅಣಿಲೆಕಾಯಿಕಂದೊಡಿವಯನಾಡ್ ಚೆಟ್ಟಿ ಬಾಸೆಕಿತ್ತೂರ ರಾಣಿ ಚೆನ್ನಮ್ಮಮೈಸೂರುಮಾದಿರ🡆 More