Lépra

Lépra, kusta, atawa kasakit Hansen (Ing.

leprosy), nyaéta kasakit inféksi nu dibalukarkeun ku inféksi Mycobacterium leprae, hiji mycobacterium aérobik tahan asam. Ngaran lépra dicokot tina kapanggihna Mycobacterium leprae ku Gerhard Armauer Hansen.

Lépra
Bapa Damien, misionaris Katolik Roma nu nulungan nu kaserang lépra di Hawai, nu ogé tiwas ku kasakit ieu.

Baheula, kusta teu bisa diubaran jeung loba nu salah harti, antukna nu katarajang kusta dipisahkeun ti masarakatna. Kiwari, kusta geus bisa diubaran ku terapi antibiotik multiubar. Tarékah utama kiwari nyaéta sangkan bisa tepi ka populasi-populasi nu can nampa layanan multiubar tadi, ngaronjatkeun detéksi kasakit, jeung nyadiakeun layanan nu hadé jeung ubar nu murah.

Lian ti manusa, nu bisa katarajang kasakit kusta nyaéta peusing (armadillo).

Sajarah

Kasakit kusta geus aya ti mimiti sajarah kacatet. Di Mesir geus aya laporan ngeunaan kusta taun 1350 MM, antukna kaasupkeun kana Rékor Dunya Guinness salaku kasakit nu pangheubeulna nu dipikanyaho.

Dina Bibel mindeng kasebut ngeunaan "lépra", nu bisa baé teu patali jeung kasakit Hansen. Kecap ieu sigana dipaké nujul ka rupa-rupa kasakit kulit nu béda étiologi jeung kaparnana. Dina hukum Israél buhun, kaayaan lépra ditangtukeun ku pandita, nu salajengna ngagunakeun karantina sangkan teu népa/nyebat.

Kondisi klinis

Kasakit ieu dibalukarkeun ku mycobacterium nu baranahan lambat pisan nu utamana narajang kulit, saraf, jeung mémbran mukosa. Organisme ieu can kungsi dipelak dina média bakteriologik atawa budidaya sél, tapi kungsi ditumuwuhkeun dina dampal suku beurit jeung peusing. Aya patalina jeung M. tuberculosis, mycobacterium nu ngabalukarkeun tuberkulosis. Susahna budidaya organisme ieu sigana sabab organisme ieu mangrupa parasit intrasélular nu teu boga gén nu dipikabutuh pikeun hirup mandiri. Ieu ogé sigana nu nyababkeun lambat réplikasina.

Cara tépa kasakit kusta can pati écés. Panalungtik lolobana nyangka yén M. leprae népa ti jalma ka jalma ngaliwatan keclak engapan. Nu puguh mah laju tépana lambat pisan. Lian ti éta, sigana mayoritas populasi sacara alami geus weduk. Ogé, papalimpang jeung kapercayaan umum, kasakit kusta teu ngabalukarkeun buruk daging; tapi, alatan karuksakan saraf, parnana kasakit ngabalukarkeun paéh rasa, antukna ayana inféksi teu karasa nepi ka ruksak permanén.

Kasakit inféksi kronis ieu biasana narajang kulit jeung saraf periferal, tapi ngabalukarkeun rupa-rupa manifestasi klinis. Pasén digolongkeun mibanda kasakit kusta paucibacillary atawa multibacillary. Kusta paucibacillary leuwih hampang, dicirikeun ku hiji atawa leuwih makul kulit hipopigmén, sedengkeun kusta multibacillary patali jeung lési kulit simétrik, nodul, plak, kulit ngandelan, jeung ayana mukosa irung nu balukarna mangpet irung jeung épistaksis (getihan irung).

Kajadian

Taun 1999, kajadian kusta sadunya kira 640.000 kasus; taun 2000, 738.284 kasus. Taun 1999, 108 kasus di Amérika Sarikat. Taun 2000, WHO ngabéréndélkeun 91 nagara éndemik kusta, di mana India, Myanmar, jeung Népal boga 70% kasus. Taun 2002, 763.917 kasus anyar sakuliah dunya, 90%-na aya di Brazil, Madagaskar, Mozambik, Tanzania, jeung Népal.

Di sakuliah dunya, 1-2 juta jalma lumpuh alatan kusta, sedengkeun jalma-jalma nu geus nampa terapi antibiotik nepi ka réngsé dianggap geus cageur tina inféksi aktif.

Prévalénsi kusta di AS rélatif stabil jeung saeutik, di sakuliah dunya gé kitu, najan di sababaraha nagara némbongkeun prévalénsi nu tetep loba, kayaning di Brazil, Asia Kidul (India, Népal), sawaréh Afrika (Tanzania, Madagaskar, Mozambik), jeung Pasifik kulon.

Golongan résiko

Nu campur gaul jeung pasén nu boga kasakit multibasil aktif jeung teu diubaran jeung jalma-jalma nu hirup di wewengkon épidemi, boga résiko keuna ku kasakit kusta. Hasil panalungtikan mutahir némbongkeun ayana variasi génétik dina karentananana. Wewengkon DNA nu patali jeung rentanna kana kasakit kusta ogé kabukti patali jeung kasakit Parkinson, antukna ngamalir kana sangkaan yén gangguan ieu aya kaitanana dina hambalan biokimiawina.

Tempo ogé

  • Bisul Buruli
  • Lépromin - uji pikeun nangtukeun jenis kusta
  • Tuberkulosis
  • Tzaraas

Rujukan

  • Icon Héalth Publications. 2004. Leprosy: A Medical Dictionary, Bibliography, and Annotated Research Guide to Internet References. San Diego: Icon Héalth Publications. ISBN 0-597-84006-7.

Tumbu kaluar

Lépra  Artikel ieu keur dikeureuyeuh, ditarjamahkeun tina basa Inggris.
Bantuanna didagoan pikeun narjamahkeun.

Tags:

Lépra SajarahLépra Kondisi klinisLépra KajadianLépra Golongan résikoLépra Tempo ogéLépra RujukanLépra Tumbu kaluarLépraBasa Inggris

🔥 Trending searches on Wiki Basa Sunda:

MonologNilemTurkiBatagorFiksiSandiwaraMuammar KhadafiCarita pondokIslandiaAt-TaubahRinyuhFabelKiswa Wiriasasmita13 JanuariKarajaan InkaGunungLaisÉropaSitus Gunung PadangAgum GumelarNadom alam mahsyarBugangKi Hadjar DéwantaraPerang Nagorno-Karabakh1939Pandawa13 PébruariCacandranHileudGending karesménKecap rajékan (basa Sunda)Julung-julungHajat lautBandung TVIrakWayang wong PrianganPuisi sundaBaratayudaBasa PérsiBakatulKélorSeserahanAyip RosidiSendaiIwan FalsDomba Garut2102 Tantalus2001Cristiano RonaldoAreuyDogdog PangréwongBasa Inggris15331530JangjawokanSMK IT Baitul AzizSondahPeer to PeerKacindekanSpam (éléktronik)RajahÉkuadorZona vadoseSMAN 1 MargahayuCingcangkelingKanyéréAnginRomadon (bulan hijriyah)KirataKila-kilaNajisJamparing🡆 More