Suopma: Iehčanas dásseváldi Davvi-Eurohpás

Suopma gullá Davviriikkaide ja Eurohpá Uniovdnii. Suoma rádjeriikkat leat Ruoŧŧa oarjin, Norga davvin, Ruošša nuortin ja Suomaluovtta lulábealde Estteeana. Suoma oaivegávpot ja stuorámus gávpot lea Helsset (suomagillii: Helsinki, ruoŧagillii: Helsingfors). Ålánda lea demilitariserejuvvon autonomalaš eanangoddi, mii gullá Supmii.

Suoma dásseváldi Suomen tasavalta Republiken Finland
Leavga	Vearjogovva
Kárta
Presideanta	Alexander Stubb
Stáhtaministtar	Petteri Orpo
Oaivegávpot	Helsset
Viidodat	338 430,53 km²
Olmmošlohku	5 400 519
– ássečoahkkisvuohta	17,70/km²
Virggálaš gielat	suomagiella, ruoŧagiella
Valuhta	Euro ()
Nationálalávlla	Vårt land
Interneahtta-TLD	.fi

Suoma vuođđolága mielde Suoma riikkagielat leat suomagiella ja ruoŧagiella. Vuođđolága mielde sámiin álgoálbmogin, románain ja eará unnitlohkoálbmogiin lea vuoigatvuohta bajásdoallat ja ovddidit iežas giela ja kultuvrra.

Suomas leat sullii 5,5 miljovnna ássi.

Ovdahistorjá

Suopma lei jieŋa vuolde maŋimus jiekŋabaji áigge. Go jiekŋa álggii suddat sullii 10 000 jagi dassái, saddjii ja hápmii dat ollu eatnama. Vuosttas mearkkat ássiin leat s. jagis 8000 oKr. Sii ledje bivdit ja guolásteaddjit. Sii bivde omd. guovžžaid, lottiid ja njuorjjuid. Eanandoallu bođii Supmii s. 2000-1500 oKr. Olbmot gávppašedje goitge Ruošša ja Skandinávia guovllu ássiiguin. Suomas leat maiddai gávdnojuvvon badjel 60 báktemálema, mat leat eanas govat elliiguin.

Metállagálvui Suomas álge geavahit s. 1500 oKr. Oktasaččat jurddašit ahte ruovdeáigi bisttii Suomas gitta 1300-logu mKr rádjai. Dán áigge Ruoŧŧa ja Novgorod álge báhkket gilvvu Supmii.

Suoma stáhtahápmi lea dásseváldi. Suoma stáhta oaivámuš lea dásseválddi presideanta, gii válljejuvvo njuolggo válggain juohke guđat jagi.

Hálddahus

Hálddahus, gean barggu jođiha oaiveministtar, geavaha doaimmahanválddi dahjege fuolaha hálddahusa beaivválaš áššiid.

Vuođđolága mielde stáhtaváldi gullá Suomas álbmogii ja hálddahusválddi lea juhkkon dásseválddi presideantta ja stáhtaráđi gaskkas. Stáhtaráđđi galgá návddašit riikkabeivviid luohttámuša. Ovttakámmár riikkabeivviin leat 200 riikkabeaiáirasa, geat válljejuvvojit juohke njealját jagi riikkabeaiválggaiguin. Riikkabeaiválggat dollojuvvojit juohke njealját jagi]]. Riikkabeaivvit ásahit lágaid ja dohkkehit stáhta bušeahta.

Duopmostuolut

Duopmoválddi geavahit sorjjasmeahttun duopmostuolut. Dábálaš duopmostuolut leat gearretrievttit, hoavvarievttit ja alimus riekti. Almmolaš hálddahusa doaimmain ja mearrádusain dahkkon váidagiid gieđahallet hálddahusduopmostuolut. Bajimuš riektedásit leat alimus riekti ja alimus hálddahusriekti.

Stáhta guovlohálddahus

Stáhta guovlohálddahusa várás Nannan-Suomas leat guhtta guovlohálddahusvirgedoaimmahaga ja Ålánddas lea okta.

1. Lulli-Suoma guovlohálddahusvirgedoaimmahat
2. Nuorta-Suoma guovlohálddahusvirgedoaimmahat
3. Lappi guovlohálddahusvirgedoaimmahat
4. Lullioarje-Suoma guovlohálddahusvirgedoaimmahat
5. Oarje- ja Sis-Suoma guovlohálddahusvirgedoaimmahat
6. Davvi-Suoma guovlohálddahusvirgedoaimmahat
7. Ålándda stáhtavirgedoaimmahat

Maŋimus leatnajuohkin lea leamašan anus jagi 1997 rájes gitta 2009 rádjái, goas dáhpáhuvai guovlohálddahusođastus:

 

1. Lulli-Suoma leatna
2. Oarje-Suoma leatna
3. Nuorta-Suoma leatna
4. Oulu leatna
5. Lappi leatna
6. Ålándda leatna lea stáhta guovddášhálddahusa organisašuvdna autonomalaš Ålándda eanangottis.

Ovdal jagi 1997 leatnaođastusa leanat ledje oktiibuot 12: 11 Nannan-Suomas ja 1 Ålánddas.

Leatnahálddahusas eai leat válggain válljejuvvon ovddasteaddjit.

Stáhta báikkálaš hálddašeami dihte leanat ledje juhkkojuvvon 90 gihligoddái jagi 2008 rádjái.

Báikkálaš hálddašeapmi

Suomas leat vehá eambbo go 300 gieldda.

 

Gielat

Suoma vuođđolága mielde Suoma riikkagielat leat suomagiella ja ruoŧagiella. Eatnigiellan suomagiela hálli 89,3 % ja ruoŧagiela 5,3 % álbmogis. Suopma, Estteeana ja Ungára leat máilmmi áidnu iehčanas riikkat, geaid riikkagiella lea suopmelaš-ugralaš giella.

• Petteri Orpo ráđđehus
• Máilmmi riikkat

• Stáhtaváldi Suomas gullá álbmogii — Suoma ođđa vuođđoláhka

Wiki Commonsis lea eanet materiála, mii laktása suorgái: Suopma

č • s • r Eurohpá uniovdna   Belgia • Bulgária • Čeahkka • Dánmárku • Duiska • Estteeana • Frankriika • Greika/Hellas • Irlánda • Itália • Kroatia • Kypros • Latvia • Lietuva • Luxemburg • Malta • Nuortariika • Ovttastuvvan gonagasriika • Polska • Portugal • Románia • Ruoŧŧa • Slovakia • Slovenia • Spánia • Suopma • Ungára • Vuolleeatnamat

č • s • r Eurohpá riikkat   Albánia • Andorra • Belgia • Bosnia ja Hercegovina • Bulgária • Čeahkka • Davvi-Makedonia • Dánmárku • Duiska • Durka • Estteeana • Frankriika • Georgia • Greika • Irlánda • Islánda • Itália • Kroatia • Kypros • Latvia • Liechtenstein • Lietuva • Luxemburg • Malta • Moldova • Monaco • Montenegro • Norga • Nuortariika • Ovttastuvvan gonagasriika • Polska • Portugal • Románia • Ruošša • Ruoŧŧa • San Marino • Serbia • Slovakia • Slovenia • Spánia • Suopma • Sveica • Ukraina • Ungára • Vatikána • Vilges-Ruošša • Vuolleeatnamat