اوشينيا

جيڪو ڌرتي جي اوڀر واري اڌ گولي ۽ اولھ واري اڌ گولي تي مشتمل آهي. اوشيانيا جي پکيڙ 8٬525٬989 ڪلوميٽرزچورس (3٬291٬903 sq mi) آهي. ان جي آبادي 410 لکن جي لڳ ڀڳ آهي. خشڪي جي لحاظ کان ھي دنيا جو سڀ ننڍڙو کنڊ آھي ۽ آبادي جي لحاظ کان اينٽارڪٽيڪا کان پوءِ دنيا جو ٻيون نمبر ننڍڙو کنڊ آھي. اوشيانيا ۾ واقع ملڪي معيشتون گُهڻَ قسمن جون آھن جن ۾ تمام وڏا ترقي ماڻيل ملڪ، عالمي مقابلي واريون آسٽريليا، نيو ڪيليڊونيا ۽ نيوزيلينڊ جي مارڪيٽن واريون معيشتون جيڪي اعلیٰ معيار زندگي واريون آهن ۽ انھن جو انساني ترقي جو اشاريو اوچو آهي.

اوشيانيا

پکيڙ	8٬525٬989 km2 (3٬291٬903 sq mi)
آبادي	40,117,432 (2016, 6th)
گھاٽائي	4.19 /km2 (10.9 /sq mi)
جي ڊي پي (ناليوار)	$1.630 ٽرلين ڊالر (2018, 6th)
جي ڊي پي (في ماڻھو)	$41,037 (2017, 2nd)
آبادي جي سڃاڻپ	اوشيانيئن يا اوشيانيائي
ملڪ	14 (لسٽ)  آسٽريليا  فجي  ڪريبتي  مارشل ٻيٽ  مائڪرونيشيا جون فيڊريٽيڊ اسٽيٽس  نائورو  نيوزي لينڊ  پالائو  پاپوا نيو گني  ساموآ  سولومن آئلينڊز  ٽونگا  ٽوالو  وانوآتو اضافي لسٽ  ڪوڪ ٻيٽ  نائيو
ماتحت علائقا	(18) ٻاھريان (غير خود مختيار ) آمريڪي ساموآ بَيڪَر آئلينڊ ڪِلپَرٽَن آئلينڊ ڪَورَل سِي آئلينڊز فرينچ پولينيشيا گُئَام ھائُولَنڊ آئلينڊ جَاروِس آئلينڊ جانسٽن اٽول ڪنگمين ريف مڊوي اٽول نيو ڪيليڊونيا نورفاڪ آئلينڊ نادرن ماريانا آئلينڊز پِٽڪَئرن آئلينڊز ٽوڪيلائو وَيڪ آئلينڊ والس ۽ فوٽونا (8) اندريان ( لسٽ) ايسٽر آئلينڊ گيلاپاگوس آئلينڊز جوئان فرنانڊز آئلينڊز بونن ۽ وولڪينو آئلينڊز ھوائي پلمائرا اٽول پاپوا) اولھ پاپوا نارٿ ملوڪو ملوڪو ايسٽ نوسا ٽينگارا
ٻوليون	30 سرڪاري بسلاما ڪيرولينيائي چمورو چيني مائوري انگريزي فجيئن فجي واري ھندي فرينچ گلبرٽيزي ھوائيئن ھِرِي موتُو انڊونيشيائي جپاني ملائي مائوري مارشليزي نائورن نيوزيلينڊ سَائِين ٻولي نيوئيئن نورفڪ پالائوئن پٽڪئرن راپا نوئي روتومن ساموآئي اسپيني ٽوڪيلائوئن ٽونگن ٽوڪ پسن ٽوالوئن
ٽائيم زون	UTC+09 (پاپوا کان پالائو) UTC-6 (ايسٽر آئلينڊ) (اولھ کان اوڀر)
وڏا شھر	اوشيانا جا مشهور شھر سڊني, آسٽريليا ميلبورن, آسٽريليا برسبئن, آسٽریلیا پرٽ, آسٽريليا آڪلينڊ, نيوزيلينڊ ايڊيلئڊ آسٽريليا ويلنگٽن، نيوزيلينڊ ھَنَولُولَو,ھوائي، يونائيٽيڊ اسٽيٽس گولڊ ڪوسٽ آسٽريليا ڪئنبرا, آسٽريليا ڪرائيسٽ چرچ, نيوزيلينڊ پورٽ مَورسبي, پاپوا نيو گني ڪُوپَاگ, انڊونيشيا اَمبون (مَلُوڪُو)، انڊونيشيا ٽَرنَيٽ، انڊونيشيا , جَئيپُوريا ، انڊونيشيا نُومِيئَا، نيو ڪيليڊونيا سُووَا, فجي

 

اوشيانيا جون حدون حتمي نہ آھن ڇوتہ ان بابت مختلف راء آھي. ان جي جاگرافيائي آخري حدن ۾ واقع ٻيٽن جي ھڪ جھرمٽ بونن آئلينڊز سياسي طور جپان جو اڻٽٽ حصو آھن، ھڪ ٻي ٻيٽن واري جھرمٽ ھوائي آھي جيڪا يونائيٽيڊ اسٽيٽس جو رياست آھي. آخري حدن ۾ واقع ڪلپرٽن آئلينڊ تي فرانس جو قبضو آھي. جوئان فرڊيننڊز آئلينڊ چلي جو حصو آهي جڏھن تہ ان جي آخري حدن ۾ واقع مڪوري آئلينڊ آسٽريليا جو حصو آهي. انھن سڀني قابض ملڪن مطابق اوشيانيا جون آخري حدون پنھنجي پنھنجي قبضن جي بنياد تي مختلف آھن. گڏيل قومن جي اداري مطابق اوشيانيا جون حدون اڃان مختلف آھن جنھن مطابق بونن آئلينڊز، ھوائي، ڪلپرٽن آئلينڊ ۽ جوئان فرڊيننڊز آئلينڊ ايسٽر آئلينڊ سميت اوشيانيا جي حدن کان ٻاھر آھن. حياتياتي جاگرافي مطابق اوشيانيا لفظ ٻن ماحولياتي خطن جي نالي طور استعمال ٿيندو آهي: آسٽريليائي ماحولياتي خطو، اوشيانيائي ماحولياتي خطو (ميلنيشيا، پولينيشيا ۽ مائڪرونيشيا ). ان کان سواءِ فجي پڻ اوشيانيائي ماحولياتي خطي ۾ شامل آهي. آسٽريليائي ماحولياتي خطي ۾ آسٽريليا، نيوزيلينڊ، پاپوا نيو گني، اوڀر انڊونيشيا، سولومن آئلينڊز، وينوآتو، نيو ڪيليڊونيا ۽ انھن جي ڀر وارا ٻيٽ شامل آهن. برازيل ۽ ڪجهه ملڪن مطابق اوشيانيا دنيا جو ھڪ کنڊ آھي. انھن ملڪن ۾ آسٽريليا جي کنڊ ھجڻ جو تصور ڪانہ آھي جاگرافيدانن جي ھڪ گروہ جو خيال آهي ته آسٽريليائي زميني پليٽ ۽ پئسفڪ سمنڊ جي ٻيٽن کي گڏي اوشيانيا چئبو آهي. ھن کنڊ کي عربي، فارسي ۽ اردو ٻولين ۾ اوقيانوسيه سڏيو ويندو آهي جنھن جي معنيَ بحرستان آھي. انسائيڪلوپيڊيا سنڌيانا مطابق اوشيانيا يا بحرستان جون سرحدون مختلف انداز ۾ ڏيکاريون وڃن ٿيون. گهڻو ڪري آسٽريليا، نيو زيلينڊ، نيو گني ۽ ڏکڻ اوڀر ايشيا جي سامونڊي علاقن کي بحرستان (Oceania) جو حصو قرار ڏنو وڃي ٿو. بحرستان جي جزيرن کي هيٺين ٽن علائقن مالينيشيا، مائيڪرونيشيا ۽ پولينيشيا ۾ ورهايو وڃي ٿو. اوشيانيا (Oceania ):پئسفڪ ۽ -ان- سان لاڳاپيل ننڍن سمنڊن ۽ ٻيٽن جي مجموعي جو نالو، موجوده وقت ۾ هن اصطلاح جي معنيٰ ۾ ڪافي وسعت آندي وئي آهي. بهرحال، ملڪن جي هن مجموعي ۾ آسٽريليا کان سواءِ، نيوزيلينڊ، فجي، -ٽوگو-، پانيوگني، ناؤرو (Nauru) ۽ سموئا وغيره شامل آهن.

لفظ اوشيانيا اوشين (Ocean) لفظ مان نڪتل آهي جنھن جي معنيَ آهي بحر يا وڏو سمنڊ. ان کنڊ کي اوشيانيا نالو 1812ع ۾ فرانس جي جاگرافيدان ڪانريڊ مالٽي برون ڏنو ھيو.

 

 

اوشيانيا چئن خطن تي مشتمل ھيو جن ۾ شامل ھئا: پولينيشا، مائڪرونيشيا، ملائيشيا جنھن کي ھاڻي ملائي ٻيٽن جا ميڙ چون ٿا ۽ ميلينيشيا ۾ ھاڻي ان ۾ ٽن زمين کنڊن جي حصن يوريشيا، آسٽريليا ۽ زيلينڊيا سميت زميني کنڊن کان الڳ ٻرندڙ جبلن وارن فلپائينز، وليسيا ۽ پئسفڪ ٻيٽن وارا علائقا شامل آهن. اوشيانيا اولھ ۾ نيو گني، اتراولھ ۾ بونن آئلينڊز، اتراوڀر ۾ ھوائيئن آئلينڊز، اوڀر ۾ ايسٽر آئلينڊ ۽ آئيلا سلاس ئي گوميز ۽ ڏکڻ ۾ ميڪوري آئلينڊ تائين ڦھليل آھي پر ان ۾ تائيوان,ريوڪيو آئلينڊز جپاني ٻيٽن جو ميڙ ۽ ملوڪو آئيلنڊز شامل ناھن جيڪي ايشيا جي ٻاھرين حدن اندر آھن. ان کان علاوه الوشن آئلينڊز پڻ شامل ناھن جيڪي اتر آمريڪا کنڊ جي حدن ۾ واقع آھن. اوشيانيا جي آخري ڇيڙا ڌرتي جي اترين اڌ گولي ۾ بونن آئلينڊز لڳ اتر ۾ 28 ڊگري تي ۽ ڏاکڻي اڌ گولي ۾ ميڪوري آئلينڊ لڳ ڏکڻ طرف 55 ڊگري تائين واقع آھن .

 

 

اوشيانيا جي خِطي مائڪرونيشيا جي اتراولھ پاسي ماريانا آئلينڊز، وچ تي ڪيرولين آئلينڊز، اولھ پاسي مارشل آئلينڊز ۽ ڏکڻ اوڀر ۾ ڪريبتي آئلينڊز واقع آھن ميلينيشيا خِطي ۾ ڏکڻ اولهه واري پاسي نيو گني واقع آهي جيڪو گرين لينڊ بعد دنيا جو ٻيون نمبر وڏو ٻيٽ آهي. ھن ريجن جا ٻيا علائقا بسمارڪ ٻيٽن جي جھرمٽ، سولومن آئلينڊز، سانتا ڪروز آئلينڊز،وينوآتو ، فجي ۽ نيو ڪيليڊونيا شامل آهن . پولينيشيا واري خِطي جي اتر ۾ ھوائي کان ڏکڻ ۾ نيوزيلينڊ تائين ڦھليل آھي جنھن جي اولھندي پاسي ۾ ٽوالو، ٽوڪيلائو، ساموآ، ٽونگا ۽ ڪرمڊيڪ آئلينڊز واقع آھن. ان جي وچ واري حصي ۾ ڪڪ آئلينڊز ، سوسائٽي آئلينڊز ۽ آسٽرل آئلينڊز واقع آھن. پولينيشيا جي اوڀر واري پاسي ۾ مارڪيسس آئلينڊز, ٽئاموٽس، منگريوا آئلينڊز ۽ ايسٽر آئلينڊ واقع آھن . آسٽرليشيا واري خِطي ۾ آسٽريليا، نيوزيلينڊ، نيوگني ۽ انھن جي ويجھو واقع پئسفڪ سمنڊ جا ٻيٽ شامل آهن. انڊيا کان آسٽريليا تائين وارا علائقا ۽ ان جي ڏکڻ وارو پاسو ڏکڻ وڏي سمنڊ تائين انڊو آسٽريلين پليٽ ۾ شامل آهن. آسٽرليشيا اولھ ۾ ھندي سمنڊ کان ڏکڻ ۾ ڏکڻ وڏي سمنڊ تائين پکڙيل آهي . .

 

پئسفڪ سمنڊ واري زميني پليٽ ٽيڪٽونڪ پليٽ آھي جيڪا لڳ ڀڳ سموري اوشيانيا کنڊ تي مشتمل آهي رڳو ان ۾ آسٽرليشيا ۽ ميلينيشيا جو اولھندو حصو شامل نہ آھي جيڪو انڊو آسٽريلين پليٽ ۾ واقع آهي جيڪو ڌرتي جي سڀ کان ھيٺاھون ، ھموار ۽ سڀ کان قديم زميني ٽڪرو آھي. ٽيڪٽونڪ پليٽ جي پکيڙ 10,30,00,000 چورس ڪلوميٽر آھي. ان جو ٻرندڙ جبلن وارو اندروني مرڪز ھوائي ٻيٽن واري ھنڌ آھي. ٽيڪٽونڪ پليٽ جو ٻاھريون تھ لڳ ڀڳ سمورو پئسفڪ سمنڊ ھيٺ آھي ييسفڪ سمنڊ جا اڪثر ٻيٽ اوچا ۽ ٻرندڙ جبلن وارا آھن. ايسٽر آئلينڊ، آمريڪي ساموآ ۽ فجي ان جو مثال آھن جن جي سامونڊي سطح کان اوچائي 1300 ميٽرن جي بلندي تائين آھي. اتر اولھ ھوائي ٻيٽ 3 ڪروڙ سالن کان 70 لک سال اڳ جي دوران ٺھيا. ھوائي جو سڀ کان اوچو جبل مائونٽ ڪيئا آھي جنھن جي اوچائي سمنڊ جي سطح کان 4.205 ميٽر آھي .

اصل مضمون/مضمونن جي لاءِ ڏسو آسٽريليا جو جاگرافي, نيوزي لينڊ جو وايومنڊل, فلورا آف آسٽريليا, نيوزي لينڊ جو فلورا ۽هوائي ٻيٽن ۾ انڊيمزم

 

 

اوشيانيا جو سڀ کان وڌيڪ انواع وارو ملڪ آسٽريليا آھي جنھن جي اتر-اوڀر، ۾ ٽراپيڪل برساتي ٻيلا, ڏکڻ-اوڀر، ڏکڻ-اولھ ۽ اوڀر ۾ جبلن جون قطارون ۽ وچولي حصي ۾ رڻپٽ آهن . اھو رڻپٽ وارو يا ريگستاني. ۽ غيرآباد علائقو ھن سرزمين جو سڀ کان وڏو حصو آهي. آسٽريليائي نباتات جون نمايان خاصيتون سوڪھڙي ۽ باھ سان مطابقت پذير آھن جن ۾ اسڪليرمارفي(پنن جي سختي ۽ وٿي) ۽ سيروٽني (باھ جي ذريعي ٻجن جو ڦٽي پوڻ) واريون خاصيتون شامل آهن. اھا موافقت نباتات جي وڏن ۽ معروف خاندانن ۾ موجود آهي جن جا نالا: پروٽياسي، بنڪسيه، مرٽاشيئي، بيد مشڪ کئنور واري ٻوٽن ۾ عام آھن، فباسيئي ۽ ٻٻر وغيره.

فجي، سولومن آئلينڊز، وينوآتو ۽ نيو ڪيليڊونيا جي نباتات ٽراپيڪل خشڪ ٻيلن تي مشتمل آهي جنھن ۾ ناريل جا وڻ، پريمنا پروٽروسا،سائڊريڪس اوڊورٽا، گائروڪارپس امريڪنس ۽ ڊيرس ٽرائفوليئاٽا شامل آهن. نيوزيلينڊ ۾ نباتات جا انيڪ قسم آھن جيڪي اتان جي سمورين مختصر موسمن سان موافقت رکندڙ آھي . ھوائي ۾ نباتات جو ھڪ قسم برگميا آھي جنھن جا ٻہ نسل ۽ 120 جنسون آهن

• باب:بحرستان