ᱫᱟᱜ ᱴᱟᱺᱰᱤ ᱟᱨᱵᱟᱝ ᱡᱟᱭᱨᱤᱭᱟ (ᱤᱝᱞᱤᱥ:Diarrhea) ᱨᱮᱫᱚ ᱢᱤᱫ ᱫᱚ ᱞᱮᱛᱟᱲ ᱞᱮᱛᱟᱲ ᱴᱟᱺᱰᱤ ᱡᱚᱝ ᱪᱟᱞᱟᱣ ᱦᱩᱭᱩᱜ-ᱟ ᱟᱨᱵᱟᱝ ᱠᱷᱟᱱ ᱴᱟᱺᱰᱤ ᱟᱹᱰᱤ ᱮᱛᱟᱝ ᱟᱨᱵᱟᱝ ᱫᱟᱜ ᱜᱮ ᱪᱟᱞᱟᱜ-ᱟ ᱟᱨᱵᱟᱝ ᱵᱟᱱᱟᱨ ᱜᱮ ᱦᱟᱞᱟᱛ ᱦᱩᱭ ᱫᱟᱲᱮᱭᱟᱜ-ᱟ ᱾ ᱫᱟᱜ ᱴᱟᱺᱰᱤ ᱫᱚ ᱡᱟᱦᱟᱸᱨᱮ ᱫᱟᱜ ᱨᱮᱱᱟᱜ ᱵᱷᱟᱜᱽ ᱵᱟᱹᱲᱛᱤ ᱛᱟᱦᱮᱸᱱᱟ ᱾ ᱱᱟᱥᱮ ᱱᱟᱥᱮ ᱜᱷᱟᱹᱲᱤᱠ ᱚᱠᱛᱚ ᱛᱟᱞᱟᱨᱮ ᱴᱟᱺᱰᱤ ᱡᱚᱝ ᱥᱮᱱᱚᱜ ᱥᱟᱱᱟᱦᱟ ᱾
ᱫᱟᱜ ᱴᱟᱺᱰᱤ ᱨᱮᱱᱟᱜ ᱢᱩᱲᱩᱛ ᱩᱱᱩᱫᱩᱜ ᱟᱨᱵᱟᱝ ᱧᱮᱞᱚᱜ ᱟᱨ ᱢᱤ-ᱢᱤᱫ ᱫᱷᱟᱣ ᱫᱚ ᱮᱠᱞᱟ ᱩᱱᱩᱫᱩᱜ ᱫᱟᱜ ᱴᱟᱺᱰᱤ ᱞᱮᱛᱟᱲ ᱞᱮᱛᱟᱲ ᱥᱮᱱᱚᱜ ᱨᱮᱱᱟᱜ ᱧᱮᱞᱚᱜ-ᱟ ᱾ ᱵᱟᱹᱲᱛᱤ ᱫᱟᱜ ᱴᱟᱺᱰᱤ ᱨᱮᱫᱚ ᱞᱟᱛᱟᱨ ᱞᱟᱡ ᱜᱚᱴᱟ ᱯᱟᱦᱴᱟ ᱦᱟᱹᱥᱩᱣᱟ ᱥᱟᱶᱛᱮ ᱢᱚᱱᱮ ᱡᱤᱣᱤ ᱠᱚ ᱩᱞᱩᱰᱩᱠᱩ ᱟᱨᱵᱟᱝ ᱟᱹᱠᱩᱞ ᱵᱟᱹᱠᱩᱞ ᱜᱮ ᱟᱹᱭᱠᱟᱹᱣᱜ-ᱟ ᱾ ᱚᱱᱟ ᱥᱟᱶᱛᱮ ᱴᱟᱺᱰᱤ ᱡᱚᱝ ᱫᱚ ᱴᱟᱺᱰᱤ ᱡᱚᱝ ᱥᱮᱱᱚᱜ ᱨᱮᱱᱟᱜ ᱱᱟᱥᱮ ᱜᱷᱟᱹᱲᱤᱠ ᱞᱟᱦᱟ ᱨᱮᱜᱮ ᱵᱟᱰᱟᱭᱚᱜ-ᱟ ᱾ ᱵᱟᱹᱭ ᱵᱟᱹᱭ ᱫᱟᱜ ᱴᱟᱺᱰᱤ ᱫᱚ ᱟᱹᱰᱤ ᱚᱠᱛᱚ ᱫᱷᱟᱹᱵᱤᱡ ᱛᱟᱦᱮᱸ ᱞᱮᱱ ᱠᱷᱟᱱ ᱟᱨᱵᱟᱝ ᱵᱟᱹᱲᱛᱤ ᱫᱟᱜ ᱴᱟᱺᱰᱤ ᱨᱮᱫᱚ ᱟᱹᱰᱤ ᱠᱟᱹᱡ ᱚᱠᱛᱚ ᱨᱮ ᱨᱩᱜᱤᱭᱟᱜ ᱦᱚᱲᱢᱚ ᱫᱚ ᱨᱚᱦᱚᱲ ᱜᱚᱫᱚᱜ-ᱟ ᱟᱨᱵᱟᱝ ᱦᱚᱲᱢᱚ ᱨᱮᱱᱟᱜ ᱫᱟᱜ ᱟᱸᱡᱮᱫᱚᱜ ᱨᱮᱱᱟᱜ ᱵᱚᱛᱚᱨᱟᱱ ᱮᱴᱠᱮᱴᱚᱬᱮ ᱥᱤᱨᱡᱟᱹᱣ ᱦᱩᱭ ᱫᱟᱲᱮᱭᱟᱜ-ᱟ ᱾ ᱦᱚᱲᱢᱚ ᱨᱮᱱᱟᱜ ᱵᱩᱞᱩᱝ ᱚᱝᱥᱚ ᱟᱹᱰᱤ ᱩᱥᱟᱹᱨᱟ ᱠᱚᱢᱚᱜ ᱠᱷᱟᱹᱛᱤᱨ ᱦᱚᱲᱢᱚ ᱨᱮ ᱢᱟᱭᱟᱢ ᱠᱚᱢᱚᱜ ᱦᱩᱭ ᱫᱟᱲᱮᱭᱟᱜ-ᱟ ᱡᱟᱦᱟᱸ ᱠᱷᱟᱹᱛᱤᱨ ᱵᱮᱦᱚᱥ ᱟᱨᱵᱟᱝ ᱠᱚᱢᱟ ᱨᱮ ᱪᱟᱞᱟᱣ ᱠᱟᱛᱮ ᱨᱩᱜᱤ ᱜᱩᱡᱩᱜ ᱜᱷᱟᱹᱵᱤᱡ ᱦᱚᱸᱭ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾
ᱱᱚᱣᱟ ᱫᱚ ᱞᱟᱡ ᱨᱮ ᱵᱟᱹᱲᱛᱤ ᱫᱟᱜ ᱡᱟᱣᱨᱟᱜ ᱠᱷᱟᱹᱛᱤᱨ, ᱤᱱᱴᱮᱥᱴᱟᱭᱤᱱ ᱦᱚᱛᱮᱛᱮ ᱫᱟᱜ ᱡᱤᱱᱤᱥ ᱠᱚᱢ ᱧᱚᱜ ᱥᱤᱨᱯᱩᱫᱽ ᱠᱷᱟᱹᱛᱤᱨ ᱟᱨᱵᱟᱝ ᱤᱱᱴᱮᱥᱴᱟᱭᱤᱱ ᱨᱮ ᱢᱟᱹᱭᱞᱟᱹ ᱠᱚ ᱟᱹᱰᱤ ᱨᱤᱦᱤᱴ ᱛᱮ ᱯᱟᱨᱚᱢᱚᱜ ᱠᱷᱟᱹᱛᱤᱨ ᱱᱚᱶᱟ ᱫᱚ ᱦᱩᱭᱩᱜ-ᱟ ᱾
ᱫᱟᱜ ᱴᱟᱺᱰᱤ ᱫᱚ ᱵᱟᱨᱭᱟ ᱞᱮᱠᱟᱱᱟᱜ ᱛᱟᱦᱮᱸᱱᱟ - ᱢᱤᱫ ᱫᱚ, ᱡᱟᱦᱟᱸᱨᱮ ᱫᱚ ᱫᱤᱱ ᱨᱮ ᱢᱚᱬᱮ ᱫᱷᱟᱣ ᱠᱷᱚᱱ ᱵᱟᱹᱲᱛᱤ ᱴᱟᱺᱰᱤ ᱡᱚᱝ ᱥᱮᱱᱚᱜ ᱦᱩᱭᱩᱜ-ᱟ ᱟᱨᱵᱟᱝ ᱫᱟᱜ ᱴᱟᱺᱰᱤ ᱜᱮ ᱦᱩᱭᱩᱜ-ᱟ ᱾ ᱱᱚᱶᱟ ᱫᱚ ᱫᱟᱜ ᱴᱟᱺᱰᱤ ᱨᱮᱱᱟᱜ ᱟᱹᱰᱤ ᱜᱟᱺᱦᱤᱨ ᱚᱵᱚᱥᱛᱟ ᱢᱮᱱᱛᱮ ᱢᱮᱱ ᱜᱟᱱᱚᱜ-ᱟ ᱾ ᱚᱱᱢᱟᱱ ᱛᱮ ᱰᱟᱭᱨᱤᱭᱟ ᱛᱮ ᱢᱤᱫ ᱦᱚᱲ ᱫᱤᱱᱟᱹᱢ ᱦᱤᱞᱚᱜ ᱡᱟᱦᱟᱸ ᱞᱮᱠᱟ ᱡᱟᱦᱟᱸ ᱛᱤᱱ ᱫᱷᱟᱣ ᱮ ᱴᱟᱺᱰᱤ ᱛᱮᱭ ᱥᱮᱱᱚᱜ-ᱟ ᱚᱱᱟ ᱠᱷᱚᱱ ᱱᱟᱥᱮ ᱵᱟᱹᱲᱛᱤ ᱫᱷᱟᱣ ᱟᱨ ᱱᱟᱥᱮ ᱫᱟᱜ ᱫᱷᱟᱨᱟ ᱴᱟᱺᱰᱤ ᱪᱟᱞᱟᱜ-ᱟ ᱾
ᱰᱟᱭᱨᱤᱭᱟᱹ ᱫᱚ ᱠᱨᱚᱱᱤᱠ ᱦᱩᱭ ᱫᱟᱲᱮᱭᱟᱜ-ᱟ ᱟᱨ ᱡᱚᱛᱚ ᱞᱮᱠᱟᱱ ᱰᱟᱭᱨᱤᱭᱟᱹ ᱞᱟᱹᱜᱤᱫ ᱜᱮ ᱵᱷᱤᱱᱟᱹ ᱵᱷᱤᱱᱟᱹ ᱮᱛᱮᱫ ᱟᱨ ᱛᱤᱠᱪᱷᱟᱹ ᱟᱨ ᱨᱟᱱ ᱵᱮᱥᱚᱜ ᱨᱮᱱᱟᱜ ᱦᱚᱨ ᱦᱚᱸ ᱢᱮᱱᱟᱜ-ᱟ ᱾ ᱫᱟᱜ ᱴᱟᱺᱰᱤ ᱠᱷᱚᱱ ᱥᱤᱨᱡᱟᱹᱣᱜ ᱠᱩᱴᱷᱤᱱ ᱨᱮ ᱰᱤᱦᱟᱭᱰᱨᱮᱥᱚᱱ, ᱤᱞᱮᱠᱴᱨᱚᱞᱟᱭᱤᱴ, ᱢᱚᱱᱮ ᱡᱤᱣᱤ ᱱᱟᱯᱟᱭ ᱵᱟᱝ ᱟᱹᱭᱠᱟᱹᱣᱜ, ᱴᱟᱺᱰᱤ ᱦᱚᱨ ᱨᱮ ᱡᱚᱞᱟᱣ ᱟᱹᱭᱠᱟᱹᱣᱜ ᱥᱮᱞᱮᱫ ᱛᱟᱦᱮᱸᱱᱟ ᱾ ᱰᱤᱦᱟᱭᱰᱨᱮᱥᱚᱱ ᱫᱚ ᱨᱤᱦᱟᱭᱰᱨᱮᱥᱚᱱ ᱞᱮᱣᱦᱟ ᱠᱟᱛᱮ ᱧᱩ ᱠᱟᱛᱮ ᱠᱚᱢ ᱦᱩᱭ ᱫᱟᱲᱮᱭᱟᱜ-ᱟ ᱾ ᱟᱨ ᱞᱟᱹᱠᱛᱤ ᱯᱟᱲᱟᱣᱜ ᱠᱷᱟᱱ ᱤᱱᱴᱨᱟᱵᱷᱮᱱᱚᱥ ᱨᱮᱱᱟᱜ ᱦᱚᱸ ᱜᱚᱲᱚ ᱦᱟᱛᱟᱣ ᱜᱟᱱᱚᱜ-ᱟ ᱾
This article uses material from the Wikipedia ᱥᱟᱱᱛᱟᱲᱤ article ᱫᱟᱜ ᱴᱟᱺᱰᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.