ᱛᱟᱱᱡᱟᱱᱤᱭᱟ (/ˌtænzəˈniːə/), ᱫᱚ ᱯᱩᱨᱩᱵᱽ ᱟᱯᱷᱨᱤᱠᱟ ᱨᱮᱱᱟᱜ ᱢᱤᱫᱴᱟᱹᱝ ᱫᱤᱥᱟᱹᱢ ᱠᱟᱱᱟ ᱾ ᱱᱚᱶᱟ ᱫᱤᱥᱟᱹᱢ ᱨᱮ ᱑᱐᱐ ᱜᱚᱴᱟᱝ ᱯᱟᱹᱨᱥᱤ ᱢᱮᱱᱟᱜᱼᱟ ᱾ ᱫᱟᱨ-ᱮᱥ-ᱥᱟᱞᱟᱢ ᱫᱚ ᱫᱤᱥᱟᱹᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱵᱟᱡᱟᱨ ᱥᱚᱦᱚᱨ ᱟᱨ ᱫᱤᱥᱟᱹᱢ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾
᱑᱙᱖᱔ ᱥᱮᱨᱢᱟ ᱨᱮ ᱛᱟᱝᱜᱟᱱᱤᱠᱟ ᱟᱨ ᱡᱟᱸᱡᱤᱵᱟᱨ ᱱᱚᱶᱟ ᱠᱤᱱ ᱵᱟᱨᱮᱭᱟ ᱫᱤᱥᱟᱹᱢ ᱢᱮᱥᱟ ᱠᱟᱛᱮ ᱛᱟᱱᱡᱟᱱᱤᱭᱟ ᱛᱮᱭᱟᱨ ᱟᱠᱟᱱᱟ ᱾ ᱛᱟᱝᱜᱟᱱᱤᱠᱟᱨ ᱛᱟᱱ ᱟᱨ ᱡᱟᱸᱡᱤᱵᱟᱨᱮᱨ ᱡᱟᱱ ᱱᱚᱶᱟ ᱠᱤᱱᱟᱜ ᱢᱮᱥᱟ ᱛᱮ ᱛᱟᱱᱡᱟᱱᱤᱭᱟ ᱧᱩᱛᱩᱢ ᱫᱚ ᱫᱚᱦᱚ ᱦᱩᱭ ᱟᱠᱟᱱᱟ ᱾ ᱱᱚᱸᱰᱮ ᱫᱚ ᱥᱮᱫᱟᱭ ᱠᱷᱚᱱ ᱜᱮ ᱟᱹᱰᱤᱜᱟᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚ ᱢᱮᱱᱟᱜ ᱠᱚᱣᱟ ᱾
ᱛᱟᱱᱡᱟᱱᱤᱭᱟ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 947,303 km2(365,756 sq mi)᱾ ᱩᱛᱟᱹᱨ ᱱᱟᱠᱷᱟ ᱨᱮ ᱠᱮᱱᱤᱭᱟ ᱟᱨ ᱩᱜᱟᱱᱰᱟ, ᱯᱩᱨᱩᱵᱽ ᱱᱟᱠᱷᱟ ᱨᱮ ᱵᱷᱟᱨᱚᱛ ᱢᱚᱦᱟ ᱫᱚᱨᱮᱭᱟ, ᱫᱟᱹᱠᱷᱤᱱ ᱥᱮᱫ ᱨᱮ ᱢᱳᱡᱟᱢᱵᱤᱠ, ᱢᱟᱞᱟᱩᱭ ᱟᱨ ᱡᱟᱢᱵᱤᱭᱟ, ᱯᱟᱹᱪᱷᱤᱢ ᱥᱮᱫ ᱨᱮ ᱠᱚᱝᱜᱳ, ᱵᱩᱨᱩᱱᱰᱤ ᱟᱨ ᱨᱩᱣᱟᱱᱰᱟ ᱢᱮᱱᱟᱜᱼᱟ ᱾
ᱱᱚᱶᱟ ᱫᱤᱥᱟᱹᱢ ᱨᱮ ᱑᱐᱐ ᱜᱚᱴᱟᱝ ᱯᱟᱹᱨᱥᱤ ᱪᱟᱹᱞᱩ ᱢᱮᱱᱟᱜᱼᱟ ᱾ ᱱᱚᱶᱟ ᱫᱤᱥᱟᱹᱢ ᱨᱮᱱᱟᱜ ᱥᱚᱠᱟᱨᱤ ᱯᱟᱹᱨᱥᱤ ᱫᱚ ᱵᱟᱹᱱᱩᱜᱼᱟ ᱾
ᱛᱟᱱᱡᱟᱱᱤᱭᱟ ᱨᱮᱱᱟᱜ ᱥᱟᱶᱦᱮᱫ ᱟᱨ ᱞᱟᱹᱭ ᱞᱟᱠᱪᱟᱨ ᱫᱚ ᱢᱚᱪᱟ ᱠᱟᱛᱷᱟ ᱛᱮᱜᱮ ᱡᱟᱹᱥᱛᱤ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱸᱰᱮ ᱫᱚ ᱯᱚᱛᱚᱵ ᱫᱚ ᱠᱚᱢᱜᱮᱠᱚ ᱯᱟᱲᱦᱟᱜᱼᱟ ᱾ ᱡᱟᱸᱦᱟᱸ ᱯᱚᱛᱚᱵ ᱠᱚ ᱧᱟᱢᱚᱜᱼᱟ ᱚᱱᱟ ᱠᱚ ᱦᱚᱸ ᱟᱭᱢᱟ ᱟᱭᱢᱟ ᱠᱟᱹᱣᱰᱤ ᱛᱮ ᱠᱤᱨᱤᱧ ᱦᱟᱛᱟᱣ ᱦᱩᱭᱩᱜᱼᱟ ᱾ ᱱᱚᱸᱰᱮ ᱫᱚ ᱟᱹᱰᱤᱜᱟᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱱᱟᱱᱟ ᱦᱩᱱᱟᱹᱨ ᱟᱹᱨᱤᱪᱟᱹᱞᱤ ᱢᱟᱱᱟᱣ ᱦᱩᱭᱩᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱛᱟᱱᱡᱟᱱᱤᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.