Sydney

Disambiguazzione – Ce ste cirche otre segnefecate d'u termine, 'ndruche Sydney (disambigue).

'Nzime a Melbourne, sove revale de sembe p'u titole de cetata cchiù 'mbortande d'Australie, rappresende 'u côre finanziarije, commerciale e culturale d'a nazione.

Sydney amministrazioni
Stato:	Australie
Coordinate:	33°51′35.9″S 151°12′40″E / 33.859972°S 151.211111°E-33.859972; 151.211111
Altitudine	6 m s.l.m.
Superficie	12144,6 km²
Crestiàne	4 399 722  (2008)
Denzetà	2058 ab./km²
Prefisso tel	02
Sinnache	Clover Moore
Site istituzionale	www.cityofsydney.nsw.gov.au

'A cetata de Sydney, comune ca combrenne 'a vanne storeche, tène 'na piccele vanne, de sule 25 km^² pe' 164.547 crestiáne, mendre 'a Granne Sydney jè 'na vanne metropuletane assaje cchiù granne, ca tène le 'ndere bacine d'ô Yarra. Non ge 'stè 'nu ende amministrative ca hé da coprì totte l'agglomerate urbane, ce no ge se cunde 'u periode 1945–1964, quanne quèste funzione ère svolte da 'u Cumberland County Council.

Sydney jè 'nu puèste 'mbortande p'u turisme d'u luèche e 'ndernazionale e jè state cchiù vôte premiate cumme une de le cetate cchiù bèlle e javitabbele d'u munne; jè ammirate p'u puèrte suve, 'a bellessime coste, 'u clime calle e relassande e 'a culture cosmopolite. 'Mbrà lle evende cchiù recende ca honne lassate ad 'a cetata cchiù 'mbortanze e visibbeletate 'ndernazionale s'honne d'arrecordà le Olimbiade de Sydney 2000 e 'a XXIII Sciùrnate Mondiale d'a Giovendù, jndr'ô 2008. Le crestiáne de Sydney avènene chiamate sydneysiders o, mène frequendemènde, sydneyites.

 

Sydney jè une de le capitale culturale d'Australie, e pe' totte l'anne tène evende musecale, teatrale e artisteche. 'Mbrà le manifestazione cchiù formale se cundane quèdde d'a Sydney Symphony Orchestra, d'a Sydney Theatre Company, d'a Sydney Dance Company e 'u premie Archibald pe' l'arte retrattisteche; me jndr'â cetata sonde tande assaje pure le evende de profile cchiù populare e assaje festival, accumenzanne da 'u Sydney Festival, jndre cui se tènene spettachele franghe pe' totte scennàre. Assaje gruppe rock australiane, da le Midnight Oil a le INXS, sonde nasciùte artistecamènde a Sydney.

A Sydney honne javitate e fatijate 'nu munne de pettore e fotografe, da Lloyd Rees, famuse pettore de immaggene rurale e pastorale, a Jeffrey Smart, autore de famuse retratte sus a 'u teme de l'alienazione urbane. Jndr'â cetata se iacchijene quàtte granne musee e assaje otre mène 'mbortande; 'mbarticolare s'honne ddà visetà almène 'na vôte 'ô Australian Museum (storie naturale e andropologgije), 'u Powerhouse Museum (scienze, tecnologgije e design), 'a Art Gallery of New South Wales e 'u Museum of Contemporary Art.

'A cetata e 'a vanne metropuletane tènene 'nu munne de comunetate etneche, e 'na 'mbortande comunetate de recchiune (ca organizze 'a Sydney Gay and Lesbian Mardi Gras longhe Oxford Street).

Pe' 'ngoraggià le cange culturale, commerciale e turisteche, Sydney mandène relazione de gemellagge cu:

•   San Frangische
•   Rome (Accorde de amicizie)
•   Firenze
•   Nagoya
•   Portsmouth
•   Canton
•   Meláne
•   Wellington
•   San Pàule

Sydney tène assaje squadre e organizzazione sportive, 'mbrà cui:

• le Sydney Swans de football australiane d'a Australian Football League
• 9 squadre de rugby a 13 d'a National Rugby League
• le New South Wales Waratahs de rugby a 15 d'u cambionate Super 14
• 'a squadre de cricket d'u New South Wales Blues
• 2 squadre d'u cambionate de pallacanestre ce jè d'a National Basketball League
• le Sydney Blues de Australian Major League Baseball
• le Sydney Swifts, squadre de le fèmmene de netball
• le Sydney FC, squadre de ballone d'a serie A australiane

Sydney jè probabbelmènde 'a cchiù 'mbortande cetata d'u munne pe' quanne arreguarde 'u cambionate de rugby a 13. Jè sede d'a Australian Rugby League e tène 9 de le 15 squadre d'a National Rugby League.

Jndr'ô 2000 hé ospitate le Sciuèche d'a XXVII Olimbiade; jè pure sede de le Cambionate australiane de atletiche leggere.

A Sydney se iacchijene ttrède stadie prengepále cu capienze de almène 40.000 crestiáne. Quiste sonde 'u Sydney Cricket Ground(SCG), Sydney Football Stadium, ed 'u Telstra Stadium ('ô stadie olimbeche).

Sydney jè servite da 'na granna rezze de trene, autobus e traghette. Le trene sonde gestite d'a CityRail, ca fàce cápe ad 'u guverne d'u Nuève Galles d'u Sud. Jndr'â lle vanne cchiù lundane le trene viaggiane 'n'superficie jndre 'na granna rezze ca converge jndr'ô CBD, trasfurmannose jndre 'na specie de metropuletane ca scè jndre tunnel d'abbasce ad 'a cetata. Le autobus se iacchjene jndre totte 'a vanne metropuletane. Jndr'ô cendre e jndr'â lle sobborghe 'nderne le carrêscie sus a autobus sonde monopolie d'a Sydney Buses. 'U servizzie jè frequende pure fôre da le ore de punde. Jndr'â lle sobborghe cchiù esterne, 'u servizzie de autobus jè fornite da assaje combagnie prevate, quase sembe cretecate pe' 'na qualetate d'u servizzie cchiù vasce e 'na assaje minore frequenze de le corse, specialmènde jndr'â lle ore ca no ge sonde de punde. 'A Sydney Ferries, ca pure jedde fàce cápe ad 'u guverne statale, gestisce 'nu servizzie assaje chijène de traghette sije pe' le carrêscie pubbleche convenzionale ca pe' le percorse cchiù tepecamènde panorameche e turisteche sus a 'u Sydney Harbour e longhe Parramatta River.

Sydney tène pure 'nu sisteme de metropouletane leggere, 'u Metro Light Rail, ca scè d'a Central Station a Lilyfield, e 'na monorotaie chiamate Monorail, prengepalmènde ad ause de le turiste, ca viagge 'ngerchie 'ndorne ad 'u CBD e ad 'u Darling Harbour. Inoltre jè previste 'u quagghiamènde de 'na metropuletane d'abbasce 'a terre ca se penze ca ha ddà esse inaugurate jndr'ô 2015.

'Na granna rezze de stradère e autostrade se spànne d'a cetata. Le vije prengepále d'a vanne metropuletane ccrèjene 'nu sisteme canosciute cumme Metroad.

L'aeropuèrte 'ndernazionale de Kingsford Smith International Airport se iacchije jndr'ô quartiere de Mascot. Cchiù piccele jè 'u Bankstown Airport, ausate prengepalmènde pe' vole prevate e locale. Otre piste d'atterragge pe' velivole leggere se iacchijene a Hoxton Park e a Camden. A nord-est se iacchije 'a base RAAF de Richmond (Sydney).

Vanne

'A vanne metropuletane de Sydney jè formalmènde scucchiáte jndre cchiù de 300 sobborghe cu deverse codece de avviamènde postale, e jè gestite da cirche 38 amministrazione d'u luèche (oltre ad 'u guverne statale e a lle agenzie suve). A quèste scucchiamènde formale, se aggiungene 'nu munne de distinzione 'mbormale, co' nome ausate da le sydneysider pe' innecà convenzionalmènde determinate vanne, zone o quartiere. 'Nu elenghe no esaustive de le "vanne" de Sydney prengepále putìsse essere:

• Eastern Suburbs
• Hills District
• Inner West
• Northern Beaches
• North Shore
• Southern Sydney
• South-western Sydney
• Sutherland Shire
• Western Sydney

Amministrazione d'u luèche

Le 38 Amministrazione Locale (Local Government Areas -LGA-) sonde:

Prengepále sobborghe

Pe approfondimende, 'ndruche 'a vôsce Elenghe de le sobborghe de Sydney.

• Cabramatta
• Castle Hill
• Darlinghurst
• Glebe
• Hornsby
• Hurstville
• Leichhardt
• Newtown
• Newport
• Parramatta
• Redfern

Localetate

• Goat Island
• Kings Cross
• Voyager Point
• Rookwood Cemetery
• Chinatown

•   Uicchimedie Commons tène files multimediale sus Sydney

• (EN) Fotografije de Sydney - Terre Gallerije
• (EN) Previsione d'u timbe