امب

امب دا رکھ 35-40 میٹر تک اچا جاندا اے تے ایدا ریڈیس 10 میٹر تک ہوندا اے۔ ایس رکھ دی جوکھا لمماں جیون ہوندا اے۔کج قسماں 300 وریاں تک پھل دیندیاں نیں۔ جڑاں 20 فٹ تک ڈونگیاں جاندیاں نیں۔ پتے 15-35 سینٹی میٹر لمے تے 6-16 سینٹی میٹر تک چوڑے ہوندے نیں۔ پکیا پھل رنگ تے ناپ چ فرق رکھدا اے۔ پکن تے اپنی قسم نال پیلا مالٹائي ہرا یا سوا ہوسکدا اے۔ پکے امب چوں مہک آندی اے۔ ایدے اندر ایدا بی یا گٹک ہوندی اے۔

امب ہزاراں ورھیاں توں ہندستان تے پنجاب چ اگایا جاریا اے۔۔ چڑدے ایشیاء اے ٹعائی ہزار ورے پیلاں اپڑیا۔ دسویں صدی چ چڑدے افریقہ تے فیر برازیل، میکسیکو تک اپڑ گیا ۔ ایس ویلے 1000 دے نیڑے امب دیاں قسماں نیں۔

100 گرام امب چوں 70 کلو کیلوری طاقت لبدی اے۔ کئي وٹامن ایدے چ نیں۔

گرم دیساں چ جنے پھل ہوندے نں اوناں چ ادھا پاسہ امباں دا اے۔ 2001 چ 23 ملین ٹن دے نیڑے امب ہویا ۔ دنیا دے ادے دے نیڑے امب ھندستان چ ہوندے نیں ۔

 

امب دی پیداوار دے لحاظ نال دیساں دی لسٹ

•  
  سندڑی امب
•  
  انور رٹول
•  
  دوسہری
•  
  ملتان پنجاب چ امب دا باغ
•  
  فلپائن دے کچے امب
•  
  چونسا امب
•  
  الفانسو امب دی قسم بھارت چ