ଲେଡି ଗାଗା
ସ୍ଟେଫାନି ଜୋଆନୀ ଆଞ୍ଜେଲିନା ଜର୍ମାନୋଟ୍ଟା (ଜନ୍ମ: ୨୮ ମାର୍ଚ୍ଚ ୧୯୮୬), ଯିଏକି ଲେଡି ଗାଗା ଭାବରେ ପରିଚିତା ଜଣେ କଣ୍ଠଶିଳ୍ପୀ, ଗୀତିକା, ଅଭିନେତ୍ରୀ ଏବଂ ପ୍ରଯୋଜିକା । ସେ ତାଙ୍କର ଅପରିବର୍ତ୍ତିନ ଏବଂ ଉତ୍ତେଜକ କାମ ପାଇଁ ଅଧିକ ପରିଚିତା ।
ଲେଡି ଗାଗା | |
|---|---|
.jpg) ୨୦୧୭ ନଭେମ୍ବରରେ ବିଶ୍ୱ ଭ୍ରମଣ ବେଳେ ଗାଗା | |
| ଜନ୍ମ | ସ୍ଟେଫାନି ଜୋଆନୀ ଆଞ୍ଜେଲିନା ଜର୍ମାନୋଟ୍ଟା ୨୮ ମାର୍ଚ୍ଚ ୧୯୮୬ ନିୟୁର୍କ, ଯୁକ୍ତରାଷ୍ଟ୍ର ଆମେରିକା |
| ବୃତ୍ତି |
|
| ସକ୍ରିୟ ବର୍ଷ | ୨୦୦୧-ଏବେଯାଏଁ |
| ୱେବସାଇଟ | ladygaga |
ଗାଗା ତାଙ୍କର ଗାୟିକି ଜୀବନ ତାଙ୍କର ସ୍କୁଲ ବ୍ୟାଣ୍ଡ୍ ଏବଂ ବିଭିନ୍ନ ଖୋଲା ରଙ୍ଗମଞ୍ଚ ଜରିଆରେ ଆରମ୍ଭ କରିଥିଲେ । ସେ ଜଣେ ପେସାଦାର ଗାୟକ ହେବା ଆଗରୁ ନିୟୁର୍କ ବିଶ୍ୱବିଦ୍ୟାଳୟ ଅଧିନରେ ଥିବା ତିସ୍ଚ ସ୍କୁଲ ଅଫ୍ ଆର୍ଟସ୍ରେ ପଢ଼ୁଥିଲେ । ଡେଫ୍ ଜାମ୍ ରେକର୍ଡ଼ିଂସ୍ ତାଙ୍କର ଚୁକ୍ତିନାମ ରଦ୍ଧ କରିଦେବା ପରେ ଗାଗା ଜଣେ ଗୀତିକାର ଭାବରେ ସୋନୀ/ଏଟିଭି ମ୍ୟୁଜିକ୍ ପାଇଁ ଗୀତ ଲେଖିବା ଆରମ୍ଭ କରିଥିଲେ । ୨୦୦୭ରେ ସେ ଆକୋନଙ୍କ ସହ ମିଶି ଇଣ୍ଟରସ୍କୋପ୍ ରେକର୍ଡ଼ସ୍ ଏବଂ କୋନ୍ଲାଇଭ୍ ଡିଷ୍ଟ୍ରିବ୍ୟୁସନ୍ ପାଇଁ ଗୀତ ଗାଇବା ଆରମ୍ଭ କରିଥିଲେ । ସେ ସେହିବର୍ଷ ତାଙ୍କର ପ୍ରଥମ ଆଲବମ୍ କରିଥିଲେ । ତାଙ୍କର ପ୍ରଥମ ଆଲବମ୍ରେ ଡ୍ୟାନ୍ସ-ପପ୍ ଏବଂ ଏଲେକ୍ଟ୍ରୋପପ୍ ରହିଥିଲେ । ଏହାପରେ ତାଙ୍କର ଅନେକ ଆଲବମ୍ ସଫଳ ବ୍ୟବସାୟ କରିଥିଲା ।
ଗାଗାଙ୍କର ୨ୟ ବଡ଼ ଆଲବମ୍ ବର୍ଣ୍ ଦିସ୍ ୱେ ୨୦୧୧ରେ ଇଲେକ୍ଟ୍ରୋନିକ୍ ରକ୍ ଏବଂ ଟେକ୍ନୋ ତରିକାରେ ପ୍ରସ୍ତୁତ କରାଯାଇଥିଲା । ପ୍ରଥମ ସପ୍ତାହରେ ହିଁ ଏହି ଅଲବମ୍ଟି ୧୦ ଲକ୍ଷରୁ ଅଧିକ ଲୋକ କିଣିଥିଲେ । ଏହି ଆଲବମ୍ର ଶୀର୍ଷକ ଗୀତଟି ଆଇଟ୍ୟୁନ୍ ଷ୍ଟୋରରୁ ଗୋଟିଏ ସପ୍ତାହରୁ କମ୍ ସମୟରେ ୧୦ ଲକ୍ଷରୁ ଅଧିକଥର ଡାଉନ୍ଲୋଡ୍ ହୋଇଥିଲା । ଏହାପରେ ୨୦୧୩ରେ ତାଙ୍କର ୩ୟ ଆଲବମ୍ ଯୁକ୍ତରାଷ୍ଟ୍ର ଆମେରିକାରେ ବହୁଳ ବ୍ୟବସାୟ କରିବା ସହ ଅନେକ ଲୋକଙ୍କର ମନକୁ ଜିଣିଥିଲା ଓ ଇତିହାସ ରଚନା କରିଥିଲା । ୨୦୧୫ରେ ଗାଗା ଆମେରିକାର ଏକ ଦୂରଦର୍ଶନର ଏକ ଧାରାବାହିକରେ ଅଭିନୟ କରିଥିଲେ । ସେ ୨୦୧୫-୨୦୧୬ରେ ପ୍ରସାରିତ ଆମେରିକୀୟ ଧାରାବାହିକ ଆମେରିକାନ୍ ହରର୍ ଷ୍ଟୋରୀ: ହୋଟେଲ୍ରେ ଅଭିନୟ କରିଥିଲେ । ଏହି ଧାରାବାହିକରେ ତାଙ୍କର ଅଭିନୟ ପାଇଁ ଗୋଲ୍ଡେନ୍ ଗ୍ଲୋବ୍ ପୁରସ୍କାର ଉତ୍ସବରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ । ୨୦୧୬ ମସିହାରେ ଗାଗାଙ୍କର ମୁକ୍ତିଲାଭ କରିଥିବା ୫ମ ଆଲବମ୍ ଆମେରିକାର ଜଣେ ମହିଳାଙ୍କର ୨୦୧୦ ପରେ ଚାରୋଟି ଆଲବମ୍ର ରେକର୍ଡ଼ କରିଥିଲା । ୨୦୧୭ ଫେବୃଆରୀରେ ଗାଗା ସୁପର୍ ବଉଲ୍ ଏଲ୍.ଆଇ. ହାଫ୍ଟାଇମ୍ ସୋରେ ଗୀତ ଗାଇଥିଲେ, ଯେଉଁଠି ତାଙ୍କୁ ଅନେକ ପ୍ରଶଂସା ମିଳିଥିଲା ।
୨୦୧୬ ଜାନୁଆରୀ ସୁଦ୍ଧା ଗାଗାଙ୍କର ୨ କୋଟି ୭୦ ଲକ୍ଷରୁ ଅଧିକ ଆଲବମ୍ ବିକ୍ରି ହୋଇଥିଲା ଏବଂ ୧୪ କୋଟି ୬୦ ଲକ୍ଷରୁ ଅଧିକ ସମୁଦାୟ ଗୀତ ବିକ୍ରି ହୋଇଥିଲା । ଏହି ରେକର୍ଡ଼ ସବୁଠାରୁ ଅଧିକ ବିକ୍ରି ହୋଇଥିବା ଗୀତ କଳାକାରଙ୍କ ମଧ୍ୟରେ ଗାଗାଙ୍କୁ ସ୍ଥାନିତ କରିଥିଲା । ଗାଗାଙ୍କୁ ମିଳିଥିବା ପୁରସ୍କାର ଭିତରେ ଅନେକ ବିଶ୍ୱ ରେକର୍ଡ଼, ତିନୋଟି ବ୍ରିଟ୍ ପୁରସ୍କାର, ଛଅଟି ଗ୍ରାମି ପୁରସ୍କାର ଏବଂ ଅନେକ ପୁରସ୍କାର ଉତ୍ସବରେ ପରସ୍କୃତ ହୋଇଛନ୍ତି ଏବଂ ମନୋନୀତ ହୋଇଛନ୍ତି । ବିଲ୍ବୋର୍ଡ଼ ପତ୍ରିକା ଗାଗାଙ୍କୁ ଅନେକ ସଫଳପୂର୍ଣ୍ଣ ସ୍ଥାନରେ ସ୍ଥାନିତ କରିବା ସହ ଶ୍ରେଷ୍ଠ କଳାକାର ଭାବରେ ମଧ୍ୟ ସମ୍ମାନିତ କରିଥିଲା । ୨୦୧୧ରେ ତାଙ୍କୁ ଟାଇମ୍ ପତ୍ରିକା ବିଶ୍ୱର ଶ୍ରେଷ୍ଠ ୨ୟ କଣ୍ଠଶିଳ୍ପୀ ଭାବରେ ଏବଂ ୨୦୧୨ରେ ଭିଏଚ୍1 ତାଙ୍କୁ ଶ୍ରେଷ୍ଠ ମହିଳା କଣ୍ଠଶିଳ୍ପୀ ତାଲିକାରେ ୪ର୍ଥ ସ୍ଥାନରେ ରଖିଥିଲା । ୨୦୧୫ରେ ବିଲ୍ବୋର୍ଡ଼ର ସର୍ଭେକ୍ଷଣ ତାଙ୍କୁ ଶ୍ରେଷ୍ଠ ମହିଳା କଣ୍ଠଶିଳ୍ପୀ ଭାବରେ ସ୍ଥାନିତ କରିଥିଲା । ଗୀତ ବ୍ୟତୀତ ଗାଗା ବିଭିନ୍ନ ପ୍ରକାରର ସାମାଜିକ କାର୍ଯ୍ୟ ସମେତ ବିଭିନ୍ନ ଅଣଲାଭକାରୀ ସଂସ୍ଥା ସହ ଯୋଡ଼ିହୋଇଛନ୍ତି ଏବଂ LGBT ଅଧିକାର ପାଇଁ ସେ ମୁଖ୍ୟତଃ କାର୍ଯ୍ୟ କରିଆସୁଛନ୍ତି ।
ଆଧାର
This article uses material from the Wikipedia ଓଡ଼ିଆ article ଲେଡି ଗାଗା, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.