Nelson Mandela

heinykuudu">18. heinykuudu 1918 Mvezo, Suvi-Afriekan Liitto – 5. talvikuudu 2013 Johannesburg, Suvi-Afriekan tazavaldu) oli kosa-kanzan tembu-heimoh kuului suviafriekkalaine poliitiekku, kudai toimi sežo puolistajannu. Suvi-Afriekas hänet puaksuh tundiettih kosankielizel kluanunimel Madiba libo nimel tata, kudai tarkoittau kosakse «tuattua».

Nelson Rolilahla Mandela
Roindunimi:
Ammatti:	poliitiekku
Rodivui:	18. heinykuudu 1918(1918-07-18)
Roindukohtu:	Mvezo, Suvi-Afriekan Liitto
kanzalližus:	Suvi Afriekku
Kuoli:	5. talvikuudu 2013(2013-12-05) (95 года)
Kuolendukohtu:	Suvi-Afriekan tazavaldu
Tuatto:	Gadla Henry Mphakanyiswa[d]
Muamo:	Nosekeni Fanny[d]
Ukko / akku:	Evelyn Mase[d], Winnie Mandela[d] и Graça Machel[d]
Lapset:	Makgatho Mandela[d], Makaziwe Mandela[d], Zenani Mandela-Dlamini[d], Thembekile Mandela[d] и Zindzi Mandela[d]
Nimikirjutus:

Mandela luadi merkiččijiä roduerottelun vastastu ruaduo Suvi-Afriekas. Vuonnu 1993 Mandela Frederik de Klerkanke häi sai Nobel’an rauhanpalkindon. Mandela oli kaheksas Suvi-Afriekan tazavallan prezidentu vuozinnu 1994 – 1999 (enzimäine mustuhibjuine prezidentu). Häi oli vanhin Suvi-Afriekan prezidentu. Nelson Mandela oli tiettävy poliittine tyrmähotettu. Häi oli tyrmäs 17 vuottu vuozinnu 1964-1982. Mandela oli merkiččii Afriekan johtai. Prezidentannu Mandela luadi monet tärgiet yhteiskunnallistalovehellizet uvvistukset, kuduat avvutettih voittua yhteiskunnallizen da talovehellizen eriarvožuon Suvi-Afriekas. Häi ližäi kulut opastumizen da tervehyönhoijon alah. Eläkkehele mendyy Mandela oli ielleh kanzanvällizesti vaikutusvaldaine hahmo, roduerottelus piästämizen sivvolu. Häi oli Unescon hyvän tahton poslu da otti ozua AIDSn vastazeh kampuanieh.

Vuvves 2004 algajen Mandela oli Del’finoin poslu nuorieh niškoi da Del’finoin rahvahienvälizen nevvoston ozanottai. Sežo Mandela oli monien rahvahienvälizien yliopistoloin kunnivoitettu ozanottai.