Geologia
Geologia (fro grekum γη- (ge-, li tere) e λογος (logos, vorde, ratione)) es li sientie e studio del solidi materie de sielal korpores, lun kompositione, strukture, fisikal tretes, historie e li prosedos kel forma lu.
Natural sienties → GeologiaLu es un ek li teral sienties. Geologes ha helpa determina ke li aje del Tere es sirk 4.6 mil milione (4.6x109) yares, e ha determina ke li litosfere del Tere, kel inkluse li mantele, es fragmentifikat en tektoni plates kel mova trans reidi superi mantele (astenosfere) per prosedos kel on noma kolektivim tektonike de plates. Geologes helpa trova e jera li natural rekurses del tere, kom petrolie e karbone, plus metales kom fere, kupre e uranium. Plusi ekonomial interesos inkluse lapides e multi minerales kom asbeste, perlite, mika, fosfates, seolites, argile, pumise, quartse, e silise, plus elementes kom sulfre, klore e helium.
Li geologia de planetes (kelkifoy nomat astrogeologia) refera al aplikatione de geologial prinsipes a altri korpores del sunal sisteme.
Li vorde "geologia" unesmim blid usa da Jean-André Deluc ye 1778 e lu blid introdukte kom standardi termine ye 1779 da Horace-Bénédict de Saussure. Li sientie non blid inkluse in li triesmi editione del Encyclopædia Britannica kompletisat ye 1797, ma esed longi artikle in li quaresmi editione kompletisat ye 1809. Plu oldi signifikatione del vorde blid unesmim usa da Richard de Bury por distinkte inter teral e teologial jurisprudentia.
Vida anke
- Periode (geologia)
- Liste de geologes
General subfakes del natural sienties |
|---|
| Astronomia | Biologia | Kemie | Teral sienties | Ekologia | Fisikal sienties | Fisike |
This article uses material from the Wikipedia Novial article Geologia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Novial (DUHOCTRUNGQUOC.VN) is an independent company and has no affiliation with Wiki Foundation.