Faniri
Faniri ya'ia da'ö fökhö sagakandro ma soto'u-to'u, fawukhö gilo zi niha sigöna fökhö waniri si tola alua ba zi lö mudöna-döna irege tola numalö ba wa'amate na'ara wanolo ya'ia.
Sura andre ha börö wangi'ila, tenga fangali dokter. Lö ibe'e konsultasi medis Wiki Li Niha. Na moguna khöu wamadöhö, si lö tola lö'ö möi ndra'ugö khö dokter ma zui nifotöi tenaga medis profesional |
Niha saniri andre ba Danö Niha tebai ahatö ba ngai galitö, ba nidanö, me na tesao khönia waniri andrö, ba lö irasoi hadia zalua khönia. Ba li Indonesia asese latötöi ia; ayan ma epilepsi. Faniri andre, lö hadöi tandra-tandra, tola manö ba zi lö mudöna-döna ba alua waniri sabölö-bölö. Faniri andre ma Epilepsi molo'ö si no lafareso ba wamahaö, so zalua ba sistem saraf pusat nifa'aso moroi ba pola aktivitas listrik sabölö-bölö ba guto. Da'a zanga'asogö sigöna fökhö andre oi agakandro.
Tandra-tandra zaniri
Fökhö faniri andre, tola göi alua ba niha si no atua tenga ba niha sawuyu-wuyu döfi. Na ba niha si no 40 fakhe, so tölu dandra tandra wa'alua waniri, ya'ia da'ö;
- Asese adöngö-döngö, ma hulö zi lö nange-nange
- So ma'ifu wa'alio olifö, alio sibai taya ba wangera-ngerania zi no alua ba ginötö si no numalö
- Ngawalö ni'angeragönia si lö aluana ma bawehede iada'a lamane; berhalusinasi irege na so zalua hadia ia, ba nihania döröhöŵa
Umbu
This article uses material from the Wikipedia Li Niha article Faniri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.