अकादमी सिरपा
अकादमी सिरपा (The Academy Awards) वा अस्कर्स (The Oscars) (आधिकारिक नां सन् २०१३स द अकादमी अवार्दसं द अस्कर्सय् पूनर्स्थापित याःगु) संकिपा ख्यलय् भिंगु ज्या याइपिं संकिपामितेत हनिगु छगू वार्षिक अमेरिकन सिरपा समारोह ख। थ्व सिरपाय् थीथी ख्यलय् भिंगु ज्या याइपिन्त छगू प्रतिमा देछाइगु या। थ्व प्रतिमायात आधिकारिक कथं अकादमी अवार्द अफ मेरित (Academy Award of Merit) धाइगु याःसां थुकिया ल्वकंह्वागु नां अस्कर ख। थ्व सिरपाया पलिस्था सन् १९२९स हलिवुद रुजवेल्त होतेलस जूगु ख। थ्व सिरपाया व्यवस्थापन अकादमी अफ मोसन पिक्चर आर्तस् एन्द साइन्सेस् (Academy of Motion Picture Arts and Sciences) वा AMPAS धाःगु संस्थां याइ।
| अकादमी सिरपा (Academy Awards) | |
|---|---|
 87th Academy Awards | |
| लःल्हाइगु कारण | संकिपा सिद्धितेगु ख्यलय् उत्कृष्टता (Excellence in cinematic achievements) |
| देय् | संयुक्त राज्य अमेरिका |
| लःल्हाइपिं | Academy of Motion Picture Arts and Sciences |
| दकलय् न्हापा लःल्हाःगु तिथि | मे १६, सन् १९२९ |
| आधिकारिक जाःथाय् | oscars.org |
थ्व सिरपा देछाना समारोह दकलय् न्ह्यः सन् १९५३स तेलेभिजनं क्यनिगु यात। आः वयाः थ्व देछाना समारोह हलिंया २०० स्वया अप्व देसय् प्रत्यक्ष प्रशारण जुइगु जुयावःगु दु। अस्कर्स मनोरञ्जनया ख्यलय् बीगु हलिंया दकलय् पुलांगु सिरपा समारोह नं ख। थ्व हे सिरपाया समान तेलेभिजनय् एमि सिरपा (Emmy Awards), दबूख्यलय् तोनि सिरपा (Tony Awards), व संगीत ख्यलय् ग्रामी सिरपा (Grammy Awards) बीगु या। अकादमी सिरपायात हलिंया दकलय् नांजाःगु व प्रतिष्ठित संकिपा सिरपा समारोहय् छगूया रुपय् कायेगु या।
अवार्दस् अफ मेरित विधा
वर्तमान विधा
- सर्वोत्कृष्ट सिरपा: सन् १९२८ निसें
- सर्वोत्कृष्ट निर्देशक: सन् १९२८ निसें
- सर्वोत्कृष्ट नायक: सन् १९२८ निसें
- सर्वोत्कृष्ट सहायक नायक: सन् १९३६ निसें
- सर्वोत्कृष्ट नायिका: सन् १९२८ निसें
- सर्वोत्कृष्ट सहायक नायिका: सन् १९३६ निसें
- सर्वोत्कृष्ट एनिमेतेद संकिपा: सन् २००१ निसें
- सर्वोत्कृष्ट एनिमेतेद चिहाकः संकिपा: सन् १९३१ निसें
- सर्वोत्कृष्ट सिनेम्यातोग्राफि: सन् १९२८ निसें
- सर्वोत्कृष्ट वसः दिजाइन: सन् १९४८ निसें
- सर्वोत्कृष्ट वृतचित्र: सन् १९४३ निसें
- सर्वोत्कृष्ट चिहाकःगु वृतचित्र: सन् १९४१ निसें
- सर्वोत्कृष्ट संकिपा सम्पादन: सन् १९३४ निसें
- सर्वोत्कृष्ट विदेशी भाय्या संकिपा: सन् १९४७ निसें
- सर्वोत्कृष्ट लाइभ एक्सन शर्त फिल्म: सन् १९३१ निसें
- सर्वोत्कृष्ट समाः व सं समा: सन् १९८१ निसें
- सर्वोत्कृष्ट ओरिजिनल स्कोर: सन् १९३४ निसें
- सर्वोत्कृष्ट मैलिक म्ये: सन् १९३४ निसें
- सर्वोत्कृष्ट निर्माण दिजाइन: सन् १९२८ निसें
- सर्वोत्कृष्ट सः सम्पादन: सन् १९६३ निसें
- सर्वोत्कृष्ट सः ल्वाकज्यायेगु (Sound Mixing): सन् १९३० निसें
- सर्वोत्कृष्ट दृष्य प्रभाव (Visual Effects) : सन् १९३९ निसें
- सर्वोत्कृष्ट बाखं रुपान्तरण (Adapted Screenplay): सन् १९२८ निसें
- सर्वोत्कृष्ट मौलिक बाखं: सन् १९४० निसें
स्वयादिसँ
लिधंसा
This article uses material from the Wikipedia नेपाल भाषा article अकादमी सिरपा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.