Spanha: Paíç ouropeu
Spanha (an castelhano: España; (scuitar (ajuda·anfo))), coincido cumo Reino de Spanha (Reino de España) ye un paíç percipalmente localizado na Península Eibérica na Ouropa.
Sou território tamien anclui dous arquipélagos: las ilhas Canárias, na cuosta de la África, i las ilhas Baleares, ne l mar Mediterráneo. Ls anclabes africanos de Ceuta i Melilla fázen de la Spanha l único paíç ouropeu a tener ua frunteira física cun un paíç africano (Marrocos). Bárias pequeinhas ilhas ne l mar de Alboron tamien fázen parte de l território spanhol. La Spanha cuntinental ye lemitada la sul i la leste pul Mediterráneo, sceto por ua pequeinha frunteira terrestre cun Gibraltar; la norte i la nordeste pula Fráncia, por Andorra i pul Golfo de la Biscaia; i l'oeste i noroiste por Pertual i pul Ouceano Atlántico. Cun ua ária de 505.990 quilómetros quadrados, la Spanha ye l maior paíç de la Ouropa Meridional, l segundo maior paíç de la Ouropa Oucidental i de la Ounion Ouropeia (OO) i l quarto maior paíç de to l cuntinente ouropeu. Tamien ye l sesto paíç mais populoso de la Ouropa i l quinto de la UE. La capital i maior cidade ye Madrid; outras grandes árias ourbanas ancluen Barcelona, Baléncia, Sebilha, Málaga i Bilbao.
| Reino de Spanha Reino de España | |
| Lhema: Plus Ultra (Lhatin: "Mais Para alhá") | |
| Hino nacional: Marcha Real | |
| Gentílico: Spanhol(a) | |
.svg) | |
| Capital | Madrid |
| Cidade más poblada | Madrid |
| Lhéngua oufecial | spanhol (ó castelhano) Cun statuto co-oufecial regionalmente: |
| Gobierno | Monarquia custitucional Democracie Parlamentarista |
| - Rei | Felipe VI |
| - Persidente de l Gobierno | Pedro Sánchez |
| Formaçon | |
| - Unificaçon | 1469 |
| - Soberano único | 1516 |
| - Stado absolutista | 1715 |
| - Stado liberal | 1812 |
| - Stado democrático | 1977 |
| Antrada na OO | 1 de janeiro de 1986 |
| Ária | |
| - Total | 504 030 km² (51.º) |
| - Auga (%) | 1,08 |
| Frunteira | Pertual, Fráncia, Andorra, Gibraltar i Marrocos |
| Populaçon | |
| - Stimatiba pa 2016 | 46 524 943 hab. (29.º) |
| - Densidade | 92,19 hab./km² (106.º) |
| Perduto anterno bruto (base PPC) | Stimatiba de 2015 |
| - Total | US$ 1,615 biliões * (13.º) |
| - Per capita | US$ 34 819 (29.º) |
| PAB (nominal) | Stimatiba de 2015 |
| - Total | US$ 1,2 biliões * (12.º) |
| - Per capita | US$ 25 864 (27.º) |
| Índece de Zambolbimiento Houmano (2017) | 0,891 (26.º) – mui alto |
| Gini (2005) | 32 |
| Moneda | Ouro[2] (EUR) |
| Fuso hourário | CET[3] (UTC+1) |
| - Berano (DST) | CEST (UTC+2) |
| Clima | Mediterránico i Oceánico |
| Ourganizaçones anternacionales | ONU, OCDE, OO, OTAN, Ounion Latina, G-20 (cumbidado permanente). |
| Código ISO | ESP |
| Código de la Anternete | .es |
| Código telifónico | +34 |
| Sítio gobernamental | www |
_-_ESP_-_UNOCHA.svg) | |
.svg)
Ls houmanos modernos chegórun pula purmeira beç na Península Eibérica hai cerca de 35 000 anhos. Las culturas eibéricas, juntamente cun antigos poboamientos fenícios, griegos, celtas i cartagineses, zambolbírun-se na península até l'ampeço de l domínio romano por buolta de 200 a.C., quando la region era chamada Spánia, baseada ne l'antigo nome fenício Spania. Cul colapso de l Ampério Romano de l Oucidente, cunfederaçones tribales germánicas migrórun de la Ouropa Central, ambadiran la Península Eibérica i stablecírun reinos relatibamente andependientes an sues porbíncias oucidentales, ancluindo ls suebos, alanos i bándalos. Eibentualmente, ls besigodos antegrarian a la fuorça todos ls territórios andependientes remanescentes na península al Reino de Toledo, ancluindo las porbíncias bizantinas, l que de cierta maneira unifica politicamente, eclesiasticamente i juridicamente todas las antigas porbíncias romanas ó reinos sucessores de l'antiga Spánia.
Ne l'ampeço de l seclo VIII, l Reino Besigótico caiu delantre de ls mouros, que chegórun a gobernar la maior parte de la península ne l'anho de 726 (cun duraçon d'até siete seclos ne l Reino de Granada), deixando solo un punhado de pequeinhos reinos crestianos ne l norte. Esto lebou la muitas guerras durante un longo período, l que culminou na criaçon de ls reinos de Lhion, Castielha, Aragon i Nabarra, que se tornórun las percipales fuorças crestianas contra ls árabes. Passado la cunquista mourisca, ls ouropeus ampeçórun un porcesso gradual de retomada de la region coincido cumo "Reconquista", que ne l final de l seclo XV fizo cun que la Spanha surgisse cumo un paíç unificado sob l domínio de ls Reis Católicos. Ne l'ampeço de la Era Moderna, la nacion tornou-se l purmeiro ampério mundial de la stória i l paíç mais poderoso de l mundo, deixando un grande legado cultural i lenguístico qu'anclui mais de 570 milhones de spanófonos al redror de l mundo, l que tornou l spanhol la segunda léngua mais falada ne l mundo, depuis de la léngua chinesa. Durante l Seclo de Ouro Spanhol tamien houbo muitos abanços nas artes, cun pintores mundialmente famosos, cumo Diego Belázqueç. La mais famosa obra literária spanhola, Don Quixote, tamien fui publicada durante este período. L paíç abriga l terceiro maior númaro de sítios classeficados cumo Património Mundial pula UNESCO.
La Spanha ye ua democracie parlamentar secular i ua monarquia custitucional, sendo que l rei Filipe VI sirbe cumo xefe de Stado. Ye un de ls percipales países zambolbidos i un paíç d'alta renda, cula 14.ª maior eiquenomie de l mundo por PAB nominal i a 16.ª maior por paridade de l poder de cumpra. Ye nembro de las Naciones Ounidas (ONU), Ounion Ouropeia (OO), Zona Ouro, Cunseilho de la Ouropa (CoE), Organizaçon de ls Stados Ibero-amaricanos (OEI), Ounion pa l Mediterráneo, Ourganizaçon de l Tratado de l Atlántico Norte (OTAN), Organizaçon pa la Coperaçon i Zambolbimiento Eiquenómico (OCDE), Ourganizaçon para la Sigurança i Coperaçon na Ouropa (OSCE), l Spácio Schengen, la Ourganizaçon Mundial de l Quemércio (OMC) i muitas outros ourganismos anternacionales. Ambora nun seia un nembro oufecial, la Spanha tamien ye un "cumbidado permanente" de las cúpulas de l G20, participando de todos ls ancuontros de l grupo.
Quemunidades outónomas
Eis ua lista de las quemunidades i cidades outónomas cun sues capitales:
|
|
Ciudades percipales
Las ciudades percipales e mais populosas son: Madrid , Barcelona , Balencia , Sebilla , Zaragoza e Malaga. Otras ciudades importantes son: Alicante, Bigo, Bilbao, Balhadolid, Cordoba, Granada, Obiedo,Murcia, Palma de Malhorca, Las Palmas, Salamanca e Santa Cruz de Tenerife.
Refréncias
Lhigaçones sternas
This article uses material from the Wikipedia Mirandés article Spanha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.