Ситатунга

Овој вид за првпат е опишан од англискиот истражувач Џон хенинг Спик во 1863 година. Ситатунга е антилопа од средна големина. Мажјаците достигнуваат висина од околу 81–116 cм (32–46 ин), а женките околу 72–90 cм (28–35 ин). Мажјаците тежат околу 76–119 kg (168–262 lb), додека женките 24–57 kg (53–126 lb). Крзното на овие антилопи е водоотпорно. Само мажјаците имаат рогови кои се во спирална форма, и со должина од околу 45–92 cм (18–36 ин).

Ситатунга
Заштитен статус
Незагрозен  (МСЗП 3.1)
Научна класификација [ у ]
Непознат таксон (попр):	Tragelaphus
Вид:	Ситатунга
Научен назив
Tragelaphus spekii (Speke, 1863)
Синоними
T. albonotatus (Neumann, 1905) T. baumii (Sokolowsky, 1903) T. inornatus (Cabrera, 1918) T. larkenii (St Leger, 1931) T. speckei (Neumann, 1900) T. typicus (R. Ward, 1910) T. ugallae (Matschie, 1913) T. wilhelmi (Lönnberg and Gyldenstolpe, 1924)

Ги населува трајните мочуришта и слични водни живеалишта. Има долги зашилени, широки и плоскави чапунки и исклучителноеластични ножни зглобови, коишто се приспособени за движење по мека каллив почва. Кога ја лови копнен грабливец, оваа антилопа бега во вода од каде што и се наѕираат само очите и носот. Ноќе мажјакот се огласува (лае), испуштувајќи звуци за предупредување или за означување на територијата. Кога ќе се сретнат, две животни си ги одмеруваат силите и удираат со роговите во почвата. Мочуришната антилопа јаде многу видови копнени и водни растенија, вклучувајќи трска, трева и листови од грмушки. Додека се храни, може да стои во водата, којашто и допира до плеќите. Само мажјакот има спирални рогови со бројни попречни задебелувања. Неговото влакно има сивкаста нијанса, додека жената е од кафеава до костенлива. Двата пола имаат бели влакна околу очите, на образите и по телото. Женките живеат сами или во групи до три животни. Раѓаат само едно младенче (ретко две). Бременоста трае 247 дена.