Twitter

Twitter adolah sabuah laman web nan dipunyo jo dioperasikan dek Twitter, Inc., nan maangokan jajariang sosial barupo mikroblog sahinggo mamungkinkan panggunanyo untuak mangirim jo mambaco pasan nan disabuik kicauan (tweets).

Kicauan adolah teks tulisan hinggo 140 karakter nan ditampilkan pado halaman profil pangguno. Kicauan dapek dicaliak sacaro lua, namun pangirim dapek mambatasi pangiriman pasan ka daftar kawan-kawan inyo sajo. Pangguno dapek mancaliak kicauan panulih lain nan dikatahui jo sabuik an pangikuik ("follower"). Twitter dibuek pado bulan Maret 2006 dek Jack Dorsey, jo situs jajariang sosialnyo diluncua'an pado bulan Juli. Sajak diluncuan, Twitter alah manjadi salah ciek dari sapuluah situs nan paliang acok dikunjuangi di Internet, sahinggo digala sabagai "pasan singkek dari Internet." Di Twitter, pangguno yang indak tadaftar hanyo bisa mambaco kicauan, sadangkan pangguno tadaftar bisa manulih kicauan malalui antarmuko situs web, pasan singkek (SMS), atau malalui babagai aplikasi untuak ponsel.

Twitter
Logo pertama Twitter (15 Juli 2006-14 September 2010).
Twitter, Inc.
Twitter
Tangkapan layar
Twitter
Halaman nan diliek pangguno kutiko maliek profil Wikipedia di Twitter
Jinih usahoTabukak
Jinih situs
Kaba jo layanan jejariang sosial
BahasoMultibahaso
Simbol saham
  • Templat:NYSE
  • S&P 500 Component
Dibuek21 Maret 2006; 18 tahun nan lalu (2006-03-21)
BatampekSan Francisco, California, Amerika Serikat
Koordinat37°46′36″N 122°25′00″W / 37.7768°N 122.4166°W / 37.7768; -122.4166 122°25′00″W / 37.7768°N 122.4166°W / 37.7768; -122.4166
Wilayah operasiSaluruah dunia
Pandiri
  • Jack Dorsey
  • Noah Glass
  • Biz Stone
  • Evan Williams
Tokoh pantiang
  • Patrick Pichette (Chair)
  • Elon Musk (President)
  • Parag Agrawal (CEO)
  • Ned Segal (CFO)
SektorInternet
Pandapatan US$3,04 miliar (2018)
Pandapatan operasi US$453 juta (2018)
Pandapatan barosiah US$1,2 miliar (2018)
Total aset US$10,16 miliar (2018)
Total ekuitas US$6,8 miliar (2018)
Karyawan3.900 (2018)
Anak parusahoan
  • Vine
  • Periscope
  • MoPub
Situs webtwitter.com Sunting ini di Wikidata
Paringkek AlexaSteady 11 (Global, Februari 2019)
Daftar akunWajib jikok ingin mangepos, mangikuik, atau diikuik
Pangguno
  • 321 juta pengguna aktif
  • (Februari 2019)
Ado pado15 Juli 2006; 17 tahun nan lalu (2006-07-15)
StatusAktif
Bahaso pamrograman
  • Java
  • Ruby
  • Scala
  • JavaScript
Berkas:Twitter Home Page (Moments version, US & Canada).png
Halaman Moments di Amerika Serikat dan Kanada, 22 Desember 2017.

Twitter mangalami patumbuahan nan sangaik capek jo mandapek popularitas di panjuru dunia. Hinggo bulan Januari 2013, tadapek labiah dari 500 juta pangguno tadaftar di Twitter, 200 juta diantaronyo iolah pangguno aktif. Loncekan panggunoan Twitter umumnyo balangsuang katiko tajadi paristiwa-paristiwa populer. Pado awal 2013, pangguno Twitter mangiriman labiah dari 500 juta kicauan per hari, jo Twitter manangani labiah dari 1,6 miliar pamintaan pancarian par hari. Hal iko manyababkan posisi Twitter naiak ka paringkek kaduo sabagai situs jejariang sosial nan paliang acok dikunjuangi di dunia, dari nan sabalumnyo manampekan paringkek duo puluah duo.

Tingginyo popularitas Twitter manyababkan layanannyo alah dimanfaaikan untuak babagai kaparluan dalam babagai aspek, misalnyo sabagai sarana protes, kampanye politik, sarana pambalajaran, jo sabagai media komunikasi darurat. Twitter juo dihadokan pado babagai masalah jo kontroversi sarupo masalah ka'amanan jo privasi pangguno, gugaikan hukum, jo panyensoran.

Twitter dipunyoi jo dioperasian dek Twitter, Inc., nan babasis di San Francisco, dengan kantua tambahan tadapek di New York City, Boston, dan San Antonio. Hinggo Mei 2015, Twitter alah mampunyoi labiah dari 500 juta pangguno, 302 juta diantaronyo adolah pangguno aktif.

Sijarah

Pandirian jo reaksi awal

Asa mulo Twitter barawal dari acara diskusi nan disalangaroan dek sabuah parusahaan podcast banamo Odeo. Jack Dorsey, saurang mahasiswa sarjana di Universitas New York, mangamukokan gagasannyo manganai panggunoan layanan pasan singkek untuak bakomunikasi jo sabuah kalompok ketek. Namo kode proyek asli untuak layanan iko adolah twttr, gagasan nan kamudian diungkok dek Evan Williams dikamukoan dek Noah Glass tainspirasi dek Flickr jo kode singkek SMS Amerika nan jumlahnyo limo digit. Para pangambang awalnyo mamutuihan angko "10958" sabagai kode singkek untuak layanan iko, tapi kamudian diubah manjadi "40404" untuak kamudahan "panggunoan diubah manjadi "40404" untuak kamudahan "panggunoan jo pangingekan." Pangarajoan proyek iko dimulai pado tanggal 21 Maret 2006, katiko Dorsey mampublikasian pasan Twitter patamo kalinyo pado pukul 9:50 PM PST. Pasan tasabuik babunyi: "just setting up my twttr".

"...kami mamilih kato 'twitter', jo itu samparono bana. Definisinyo adolah 'latuihan singkek informasi indak pantiang', jo 'calotehan buruang'. Dan sarupo itulah tapeknyo produk iko. – Jack Dorsey

Twitter partamo kali digunoan sabagai layanan internal untuak karyawan Odeo, jo versi langkoknyo dipakenalan kapado umum pado tanggal 15 Juli 2006. Pado bulan Oktober 2006, Biz Stone, Evan Williams, Dorsey, jo staf Odeo lainnyo mambantuak parusahaan baru, ma'akuisisi Odeo jo sado asetnyo - tamasuak Odeo.com jo Twitter.com - dari investor jo pamacik saham. Salanjuiknyo, Twitter sacaro resmi dipakenalan di San Fransisco pado tanggal 19 April 2007 jo misi untuak ma'agiah kasempatan ka satiok urang untuak dapek saliang mancipta'an jo babagi informasi sacaro langsuang dan tanpa hambatan.

Williams lalu mamecat Glass, yang indak mangungkokan parannyo dalam pandirian Twitter hinggo taun 2011. Twitter badiri sabagai parusahaan mandiri pado bulan April 2007.

Titiak puncak popularitas Twitter tajadi saat panyelanggaroan konfrensi South by Southwest Interactive (SXSWi) pado taun 2007. Salamo acara tasabuik, panggunoan Twitter maningkek dari 20.000 kicauan manjadi 60.000 kicauan par hari. Manuruik Steven Levy dari Newsweek, "urang-urang Twitter sacaro cadiak manampekan layar plasma 60 inci di aula konfrensi, nan sacaro ekslusif manayangkan pasan Twitter. Para panelis jo pambicaro mangecekan layanan tasabuik, dan para blogger nan hadir mamujinyo."

Reaksi publik pado konfrensi tasabuik sangek positif. Blogger Scott Beale bakato bahwa Twitter "sabana marajoi" SXSWi. Pakar media sosial, Danah Boyd, mangatoan bahwasanyo Twitter "manguasai" konfrensi. Staf Twitter manarimo panghargaan Web Award, jo manyatoan: "kami ingin maagiah ucapan tarimo kasih dalam 140 karakter atau kurang, dan kami baru sajo malakuannyo!".

Pasan Twitter patamo nan dikiriman dari lua bumi diposting dari Stasiun Lua Angkasa Internasional dek astronot NASA banamo T.J Creamer pado tanggal 22 Januari 2010. Pado akhir November 2010, rato-rato salusin kicauan per hari diposting dari akun @NASA_Astronauts. Nasa juo alah manggelar labiah dari 25 "tweetups", yaitu ajang nan manawaran akses VIP ka fasilitas NASA ka para paserta di jejariang sosial untuak maningkekan tujuan panjangkauan NASA.

Patumbuahan

Twitter mangalami patumbuahan nan capek. Tadapek 400.000 kicauan nan diposting per kuartal pado taun 2007. Jumlah iko maningkek manjadi 100 juta kicauan per kuartal pado 2008. Pado Februari 2010, pangguno Twitter mangiriman 50 juta kicauan per hari. Pado Maret 2010, parusahaan mancatat tadapek labiah dari 70.000 aplikasi Twitter tadaftar.

Kapamimpinan

Pado awal pandiriannyo, CEO Twitter, Inc. dijabek dek Jack Dorsey. Pado Tanggal 16 Oktober 2008, Evan Williams ma'ambiak aliah posisi CEO, sadangkan Dorsey manjadi pimpinan eksekutif. Pado 4 Oktober 2010, Williams mangumuman bahwa inyo magunduran diri sabagai CEO. Dick Costolo, nan sabalumnyo manjabek sabagai COO, manjadi CEO baru Twitter, Inc. Manuruik blog Twitter pado tanggal 4 Oktober 2010, Williams tetap bakarajo di parusahaan dan "bafokus pado strategi produk."

The New York Times malaporan bahwa "Mr. Dorsey jo Mr. Costolo manjalin hubuangan nan arek sapaninga Williams." Manuruik PC Megazine, Williams "indak lai talibek dalam kajadian sahari-hari di parusahaan". inyo bafokus ajo untuak mangambangan produk baru, tapi tetap manjadi anggota dewan direksi Twitter, dan bajanji untuak "mambantu dengan caro apopun nan inyo bisa". Stone masih tetap bakarajo di Twitter, namun inyo juo bakarajo sabagai panasihat di AOL.

Dorsey bagabuang baliak jo Twitter pado bulan Maret 2011 sabagai pimpinan eksekutif nan bafokus pado pangambangan produk. Dorsey juo manjabek sabagai CEO di Square, nan jarak kantuanyo indak jauah dari kantua Twitter di San Fransisco. Pado September 2011, anggota direksi jo investor, Fred Wilson jo Bijan Sabet magunduran diri dari keanggotaan Dewan Direksi Twitter. Pado bulan Oktober 2012, Twitter mangumuman alah mampakarajoan mantan eksekutif Google, Matt Derella, sabagai direktur pangambangan bisnis.

Sacaro Internasional, Twitter dikenal jo logo buruang birunyo nan banamo "Larry The Bird". Logo asli digunoan sajak paluncuran Twitter pado 2006 hinggo bulan September 2010. Versi modifikasi logo Twitter diluncua'an katiko Twitter mandisain ulang situsnyo untuak patamo kali.

Pado 27 Februari 2012, saurang karyawan Twitter nan manangani platform jo API parusahaan bakicau mangonai evolusi logo "Larry The Bird", mangunkokan bahwa logo tasabuik dinamoi badasaran Larry Bird, pamain NBA dari Boston Celtics. Pado 5 Juni 2012, Twitter maluncua'an logo katigo nan didisain ulang, manggantian "Larry the Bird" jo logo baru nan dinamoan "Twitter Bird." Pado revisi logo iko, kato "Twitter", jo huruf "t" ketek, indak lai digunoan, jo buruang manjadi ciek-cieknyo simbol nan digunoan sabagai logo parusahaan. Manuruik Douglas Bowman, disainer grafis Twitter, logo baru iko tainspirasi dari Gunuang Bluebird.

Fitur

Kicauan

Pangguno dapek "bakicau" malalui situs Twitter, aplikasi eksternal nan kompatibel (sarupo talepong cadiak), atau juo malalui SMS nan tasadio di nagari-nagari tatantu. Layanannyo basifek gratis, kacuali layanan SMS, dikanaian biaya dek panyadio layanan seluler.

Pangguno dapek balangganan kicauan pangguno lain jo caro maikuik (follow) pangguno nan basangkuikan, dan pangguno nan mangikuik tasabuik akan manjadi pangikuik (followers) untuak pangguno nan diikuikannyo. Sabuik'an-nyo adolah tweeps, singkekan dari Twitter jo peeps. Pangguno dapek mamariso urang-urang nan mambatalan patemanan (unfollowing) malalui layanan pihak katigo. Jo dapek mamblokir pangguno lain nan alah mangikuikan inyo.

Pangguno dapek bakicau malalui ponsel, layanan pasan singkek, atau aplikasi nan dirilih untuak tablet jo talepon cadiak tatantu. Pado taun 2008, dalam sabuah esai di majalah Time, panulih teknologi Steven Johnsnon manyatoan bahwa mekanisme dasar Twitter "sangaiklah saderhana". inyo manulih:

"Sebagai jejaring sosial, Twitter mengutamakan prinsip pengikut. Jika Anda memilih untuk mengikuti pengguna lain di Twitter, kicauan pengguna akan muncul secara kronologis-terbalik di halaman utama Anda. Jika Anda mengikuti 20 orang, Anda akan melihat berbagai kicauan yang bergulir ke bawah halaman: kicauan sarapan sereal, tautan baru yang menarik, rekomendasi musik, bahkan renungan tentang masa depan pendidikan."

Konten

Parusahaan riset Pear Analytics manganalisis 2.000 kicauan pangguno Twitter di Amerika Serikat salamo duo minggu pado bulan Agustus 2009, dari pukul 11:00 am hinggo 5:00 pm (CST), dan mambaginyo kadalam anam kategori:[]

  • Calotehan indak bararti - 40%
  • Mangecek - 38%
  • Pasan barulang/retweet - 9%
  • Promosi diri - 6%
  • Spam - 4%
  • Barita - 4%

Format

Pangguno dapek mangalompokan kicauan manuruik topik atau jinih jo mangunoan tagar (hashtag) - kato atau frasa nan diawali jo tando #. Sadangkan tando @, nan diikuikan jo namo pangguno, digunoan untuak mangirim atau mambaleh kicauan pado pangguno lainnyo. untuak mamposting kicauan pangguno lain jo mambaginyo pado pangikuik surang, tadapek fitur retweet, nan dilambangan jo "RT".

Kapasiteh kicauan nan dibatasi hanyo 140 karakter untuak alasan kompabilitas jo pasan SMS, mampakenalan notasi singkek jo bahaso slang nan umum digunoan dalam SMS. Bateh 140 karakter iko alah maningkekan panggunoan layanan panyingkek URL sarupo bit.ly, goo.gl, jo tr.im, sarato layanan panampuang konten sarupo Twitpic, memozu.com, jo NotePub, untuak ma'akomodasi konten multimedia jo teks nan panjangnyo labiah dari 140 karakter. Sajak Juni 2011, Twitter alah manggunoan domain surang, yakni t.co, untuak manyingkek otomatih sado URL nan diposting di situsnyo.

Topik hangek

Sabuah kato, frasa, atau topik nan labiah banyak dibicaroan daripado topik lainnyo disabuik topik hangek/tren (trending topics). Suatu topik dapek manjadi tren karano adonyo upayo tapadu dek pangguno, atau karano adonyo suatu paristiwa nan mandorong urang untuak mambicaroan ciek topik tatantu. Topik iko mambantu Twitter jo panggunonyo untuak mamahami apo nan sadang tajadi di dunia. Twitter alah mangubah algoritma topik hangek tadahulu untuak mancagah manipulasi tren.

Timbua pulo kontroversi saputaran topik hangek di Twitter. Twitter alah manyensor tagar nan manyingguang pangguno atau kalompok tatantu. Twitter pernah manyensor tagar #Thatsafrican jo #thingsdarkiessay sasudah pangguno mangaluah tagar iko basifek ofensif. Ado dugaan Twitter mahapus tagar #NaMOinHyd dari daftar tren jo manambahan tagar nan disponsori Kongres Nasional India.

Aplikasi jo seluler

Ado banyak layanan jo aplikasi Twitter nan dapek digunoan untuak manambahan jo mamantau konten, diantaronyo iolah Telly (layanan babagi vidio, dulunyo banamo Twitvid),[] Tweetdeck, Salesforce.com, HootSuite, jo Twitterfeed. Pado taun 2009, hampia satangah kicauan diposting jo mangunoan pangguno web, jo sabagian gadangnyo mangunoan aplikasi pihak katigo.[]

Verifikasi akun

Juni 2008, Twitter maluncua'an program verifikasi nan mamungkinan selebriti jo figur publik tanamo untuak mamverifikasi akun inyo.[] Program iko awalnyo ditujuan untuak manolongan pangguno mangenali akun selebritas nan iyo bana-bana dimiliki dek salebritas tasabuik, bukannyo akun palsu. Sajak itu, program iko alah digunoan untuak mamverifikasi akun para pangusaha jo figur publik nan mungkin indak aktif bakicau, tapi masih ingin mampatahanan kontrol ateh akun nan manyandang namo inyo.

Kauangan

Pandanaan

Twitter dipakiroan alah mandapek piti labiah dari US$57 juta dari pandanaan pamodal gabuangan. Pandanaan awal Twitter indak dikatahui baraa pastinyo, namun dikaba'an diangko US$1 hinggo US$5 juta. Pandanaan putaran kaduo pado taun 2008 dipakiroan US$22 juta, jo pandanaan putaran katigo pado 2009 iolah US$35 juta, nan barasa dari Institutional Venture Partners jo Benchmark Capital, tamasuak dari babarapo investor lain sarupo Union Square Ventures, Spark Capital, jo Insight Venture Partners. Pandanaan Twitter disokong dek Union Square Ventures, Digital Garage, Spark Capital, jo Bezos Expeditions.

Mei 2008, The Industry Standard malaporan kabalangsuangan jangka panjang Twitter tahambek dek kurangnyo panarimoan. Anggota dewan direksi Twitter, Todd Chaffee, mampakiroan parusahaan bisa mandapekan kauntuangan dari padaganggan elektronik (e-commerce) karano pangguno mungkin sajo tatarik untuak mambali barang nan dipromosian dek Twitter.

Twitter manarimo US$200 juta dari para pamodal pado bulan Desember 2010, jo nilai jua parusahaan sakitar US$34,50 per lembar, sahinggo nilai juanyo sakitaran US$7,8 miliar. Desember 2011, pangeran Arab Saudi, Alwaleed bin Talal, mainvestasian $300 juta di Twitter. Pado saat tu, nilai jua parusahaan adolah $US8,4 miliar. Twitter juo dianggap sabagai kandidat potensial untuak panawaran umum pardana pado taun 2013.

Sumber pandapekan

Pado bulan Juli 2009, dokumen nan mamuek patumbuhan jo pandapekan Twitter dipublikasian dek TechCrunch sasudah didapek sacaro ilegal dek Hacker Croll. Dokumen tasabuik manggambaran pado kuartal katigo 2009, pandapekan Twitter adolah sagadang US$400.000, jo US$4 juta pado kuartal kaampek, jo jumlah panggunonyo 25 juta pado akhir taun. Proyeksi pandapekan Twitter pado akhir 2013 adolah US$1,54 miliar, US$111 juta labo barasiah, jo 1 miliar pangguno. Indak ado informasi upayo Twitter untuak mawujuikan angko-angko tasabuik. Sabagai tanggapan salah saurang pandiri Twitter, Biz Stone, manabikan sabuah posting blog nan barancana untuak malayangkan tindakan hukum ka si paretas.

Pado 13 April 2010, Twitter mangumuman rencananyo untuak manawaran iklan ka parusahaan nan mampu mambali "kicauan promosi". Kicauan tasabuik akan muncua dalam hasil pancarian di situs Twitter, sarupo jo model iklan di Google Adwords. Pado 13 April, Twitter manyatoan alah mandapekan babarapo parusahaan nan ingin baiklan, tamasuak Sony Pictures, Red Bull, Best Buy, jo Starbucks. Untuak malanjuikan kampanye iklannyo, Twitter mangumuman pado tanggal 20 Maret 2012 bahwa iklan juo akan disertakan dalam Twitter versi seluler. Twitter mandapekan US$139,5 juta dari pariklanan pado taun 2011, jo mangharokan angko iko naiak manjadi US$259,9 juta pado taun 2012.

Twitter marugi pado taun 2010. pandapekan nan sabalumnyo dipakiroan akan mancapai US$100 hinggo US$110 juta hanyo mampu manghasilkan US$45 juta. Foto-foto pangguno nan bebas royalti juo bisa manjadi sumber uang bagi Twitter; kesepakatan jo WENN diumuman pado bulan Mei 2011. Pado Juni 2011, Twitter mangumuman akan maluncua'an sistem pariklanan nan baru. Pado April 2013, iklan tasabuik alah tasadio untuak sadoalah pangguno di Amerika Serikat.

Panggunoan jo dampak sosial

Twitter marupokan jejariang sosial kaduo nan banyak digunoan dek anak mudo-mudo sasudah Facebook. Twitter alah dimanfaaikan untuak babagai kaparaluan jo babagai aspek. Twitter dimanfaaikan sabagai sarana protes, dek tuh disabuik jo "Revolusi Twitter", tamasuak didalamnyo revolusi Mesir 2011, protes Tunisia 2010-2011, protes pamiliahan umum Iran 2009-2010, jo karusuahan sipil Moldova 2009. Pamarentah Mesir jo Iran mamblokir Twitter di nagorinyo sabagai bantuak pambalehan. Surek kaba The Hill manggambaran Twitter jo media sosial lainnyo sabagai "sanjato strategis nan punyo kamampuan untuak manyalarehan tatanan sosial sacaro nyato".

Twitter juo dimanfaaikan sabagai sarana pambangkangan sipil, contohnyo pangguno di Inggris tobik rabo ka Twiiter Joke Trial jo caro manciptakan lelucon manganai terorisme. Selain itu, Twitter juo dimanfaaikan sabagai sistem komunikasi darurat dalam babagai paristiwa. Contohnyo Kepolisian Boston mambarita'an manganai panangkokan tasangko Pemboman Marathon Boston 2013 malalui Twitter. Panggunoan praktis Twitter lainyo nan sadang ditaliti iolah kamampuan untuak malacak wabah jo panyebarannyo.

Twitter juo alah diadopsi sabagai alaik komunikasi jo pambalajaran di lingkuangan pendidikan, tautamo di paguruan tinggi jo universitas. Studi manamuan bahwasanyo pamanfaaikan Twitter dalam pakuliahan bisa mambantu siswa dalam bakomunikasi, mampromosian pambalajaran informal, jo maningkekan partisipasi mahasiswa nan pamalu. Panguno mangecekan Twitter adolah sarana nan rancak untuak tetap bahubuangan jo kawan nan sibuk. Namun babarapo pangguno ado nan mulai maraso 'talampau' tahubuang; inyo harus mancaliak pasan "chek-in" pado wakatu nan indak pantas, piti bayia ponsel nan labiah tinggi, jo dorongan untuak ma'agiah tau kawan untuak baranti mangumuman apo nan inyo makan untuak makan malam."

Pado taun 2007, panulih teknologi Bruce Sterling bapandapek kalau manggunoan Twitter untuak bakomunikasi sacaro harfiah sarupo "manembakan" radio CB jo mandanga babarapo urang mambaco lliad". Pado September 2008, dalam editorial The New York Times Magazine, jurnalis Clive Thompson manyatoan panggunoan Twitter alah mangubah narsisme manjadi sasuatu nan "baru, supermetabolis - ekspresi balabiahan dari ganarasi selebriti - , remaja nan pacayo akan satiok ucapan inyo nan manarik harus dibagian kapado dunia". Sadangkan Jonathan Zittrain, profesor hukum internet di Harvard Law School, bapandapek bahwa "hal-hal nan mambuek Twitter nampak konyol jo indak bakualitas justru nan manjadi kakuatannyo."

Nielsen Online di taun 2009 malaporan Twitter mampunyoi tingkek retensi pangguno ampek puluah persen. Kabanyakan urang baranti mangunoan layanan iko sasudah ciek bulan, dek tuh Twitter kamungkinan hanyo mampu mandapek sakitaran sapuluah persen pangguno internet. Pado tanggal 29 November 2009, Twitter dinobatkan sabagai "Word of the Year" dek Global Language Monitor, jo manggambaran Twitter sabagai "bantuak baru interaksi sosial". Majalah Time marilih daftar Time 100 2010 badasa'an pangaruahnyo, tamasuak pangaruah di situs jejariang sosial populer sarupo Facebook jo Twitter. Daftar iko bakisaran dari Barrack Obama jo Oprah Winfrey, hinggo Lady Gaga jo Ashton Kutcher.

Dalam upacara pambukakan Olimpiade Musim Paneh 2012, batampek di Stadion Olimpiade, Sir Tim Berners-Lee, panamu World Wide Web, mamposting kicauan: "This is for everyone". Manuruik analisis akun, 125 kapalo nagori jo 139 politisi takamuko di ddunia punyo akun Twitter nan jikok digabuangan mampunyoi kicauan labiah dari 350.000 jo hampia 52 juta pangikuik. Namun, hanyo 30 akun nan manulih kicauan inyo surang, labiah dari 80 akun indak mangikuik politisi lainnyo jo sabagian gadang bahkan indak mangikuik ka siapopun.

Media mandugo tagar #wikileaks jo #occupywallstreet disensor dek Twitter karano topik iko indak muncua ka daftar tren. Twitter mangatoan bahwa "kami indak manyensor tagar kacuali manganduang kato-kato kasa." Labiah dari duo puluah kardinal Katolik Roma mampunyoi akun Twitter nan aktif,[] Twitter juo manyabab'kan pangunoan TV manjadi labiah interaktif. Efek iko takadang disabuik jo "pandingin aia virtual" atau "televisi sosial". Twitter barasil mandorong urang-urang untuak mancaliak acara siaran langsuang televisi, sarupo Oscars, Super Bowl, jo MTV Video Music Awards; tapi strategi iko kurang efektif pado acara-acara TV tajadwal. Pado April 2013, akun Associated Press dihek, malaporan bahwa presiden AS Barack Obama taluko dalam serangan di Gedung Putih. Saham parusahaan iko maraosot sakatiko $134 juta, jo nilainyo baliak ka samulo sasudah dikatahui bahwa laporan tasabuik palsu.

Pranala luar

Catatan kaki

Templat:Twitter navbox Templat:Mikroblog

Tags:

Twitter SijarahTwitter KapamimpinanTwitter LogoTwitter FiturTwitter KauanganTwitter Panggunoan jo dampak sosialTwitter Pranala luarTwitter Catatan kakiTwitterInternet

🔥 Trending searches on Wiki Minangkabau:

Urang Minangkabau di SingapuraAzrul AzwarDaftar kecamatan dan kelurahan di Kabupaten Padang Lawas UtaraPakaian bundo kanduang2013Daftar suku MinangkabauUniversitas MalikussalehGulai tocoIsaRia AmeliaElektronPraz TeguhHalimah Agustina KamilIndonesiaAnton ChekhovIrakJanuari 2014Karusuahan Stadion Kanjuruhan 2022Alam Pauh Duo, Solok SalatanJapangDiapik bangkaiRatu SikumbangAleksander nan AguangIbnu BathuthahDenny CaknanGalodoLimauSiti ManggopohBosnia jo HerzegovinaTaman Nasional Gunung LeuserZodiakAldi TaherMalawiSoekarnoWikidataUbi ParancihIlimu sosialBaruang kutubAndri WarmanPasal 153 Undang Limbago MalaysiaElvis Presley1754Randang taluaPaleontologiCharles DarwinArtika Sari DeviBahauddin al-Bukhari an-NaqsyabandiBaritania RayoMakahMeksikoMaryana IskanderAnastrepha schausiAyam lado hijauBahaso EsperantoKorek apiKabupaten Lampung UtaraZul EfendiPlatoSARS-CoV-2Maret 2024AugustusUni SovietAbraeomorphus indusYap Thiam HienDilam, Bukit Sundi, SolokKintani Putri MedyaKuciang🡆 More