Malaria

Malaria manyababkan gejala nan biasonyo tamasuak damam, panek, muntah, jo sakik kapalo. Dalam kasus nan parah dapek mambuek kulik kuniang, kajang, koma, atau kamatian. Gejala biasonyo muncua sapuluah sampai limo baleh ari sasudah digigik. Kok indak taubek, panyakik mungkin kambuah babarapo bulan kudian. Pado urang nan baru cegak dari infeksi, infeksi ulang biasonyo manyababkan gejala ringan. Patahanan tubuah samantaro ko ka mailang salamo babarapo bulan inggo babarapo taun kok urang tasabuik indak tapapar taruih-manaruih jo malaria.

Malaria
Parasit malaria pado sel darah merah
Palafalan	/məˈlɛəriə/
Spesialisasi	Panyakik infeksi
Gejala	Damam, muntah, sakik kapalo
Komplikasi	Kulik kuniang, kajang, koma
Awitan	10–15 ari sudah tapapar
Panyabab	Plasmodium nan dipindahan dek rangik
Diagnosis	Pamaresoan darah, uji deteksi antigen
Panagahan	Kulambu, ubek rangik, pambarantasan sarang rangik, ubek
Pangubekan	Ubek antimalaria
Frekuensi	216 juta (2016)
Kamatian	445.000 inggo 731.000
[edit on Wikidata]

Panyakik iko paliang acok dipindahan dek rangik Anopheles batino nan tainfeksi. Gigitan rangikk mamasuakan parasit dari aia liua rangik ka dalam darah urang. Parasit bagarak ka ati di mano inyo manjadi gadang jo bareproduksi. Limo spesies Plasmodium dapek mainfeksi dan disebakan dek manusia. Sabagian gadang kamatian disababkan dek P. falciparum samantaro P. vivax, P. ovale, jo P. malariae umumnyo mambuek gejala nan labiah ringan. Spesies P. knowlesi jarang mambuek panyakik pado manusia. Malaria biasonyo didiagnosis jo pamarisoan mikroskopis darah manggunokan film darah, atau jo uji diagnostik capek manuruik-antigen. Metode nan manggunokan reaksi barantai polimerase (PCR; Polymerase Chain Reaction) untuak mandeteksi DNA parasit alah dikambangkan, tapi indak banyak dipakai di daerah di mano malaria endemik dek biaya jo rumik pamakaiannnyo.

Risiko panyakik dapek dikurangi jo managah gigitan rangik jo mamakai kulambu sarato panulak serangga (repellent), atau jo tindakan pambarantasan sarang rangik sarupo panyemprotan insektisida sarato mangureh ganangan aia. Babarapo ubek tasadio untuak managah malaria pado wisatawan nan ka bakunjuang ka daerah di mano panyakik ko endemik. Dosis sakali pakai dari ubek sulfadoksin/pirimetamin direkomendasikan pado bayi dan salapeh trimester partamo kahamilan di daerah jo tingkek malaria tinggi. Walau baitu adonyo upayo untuak mangambangkan vaksinnyo sadang balansuang. Pangubatan nan direkomendasikan untuak malaria adolah kombinasi ubek antimalaria nan tadiri ateh artemisinin. Ubek kaduo mungkin meflokuin, lumefantrin, atau sulfadoksin/pirimetamin. Kuinin basamo jo doksisiklin buliah dipakai kok artemisinin indak tasadio. Resistensi parasit alah mulai untuak babarapo ubek antimalaria; misalnyo, P. falciparum resisten-klorokuin alah manyeba ka sabagian gadang wilayah malaria, jo katahanan pado artemisinin alah manjadi masalah di babarapo bagian Asia Tenggara.

Panyakik ko taseba laweh di daerah tropis jo subtropis nan ado di sakitar khatulistiwa. Iko tamasuak banyak dari Afrika Sub-Sahara, Asia, jo Amerika Latin. Pado 2015, ado 214 juta kasus malaria di saluruah dunia. Hal ko mambuek sakitar 438.000 kamatian, 90% di antaronyo tajadi di Afrika. Tingkek panyakik manurun dari taun 2000 inggo 2015 sagadang 37%, namun maningkek dari 2014 di mano ado 198 juta kasus. Malaria umumnyo takaik jo kamiskinan jo mampunyoi efek negatif nan gadang pado pambangunan ekonomi. Di Afrika, malaria dipakirokan maakibatkan karugian sabanyak US$12 miliar sataun dek maningkeknyo biaya kasihatan, kailangan kamampuan untuak bakarajo, jo efek negatif pado pariwisata.

Literatur lain

• WHO (2010). Guidelines for the Treatment of Malaria (PDF) (Laporan) (edisi ke-2nd). World Health Organization. ISBN 978-92-4-154792-5. 
• Travelers' Malaria. PMPH-USA. 17 April 2008. ISBN 978-1-55009-336-0. https://books.google.com/books?id=54Dza0UHyngC. 

• Bynum WF, ed (1998). The Beast in the Mosquito: The Correspondence of Ronald Ross and Patrick Manson. Wellcome Institute Series in The History of Medicine. Rodopi. ISBN 978-90-420-0721-5. https://books.google.com/books?id=5BXbsSJLaToC. 
• Guidelines for the treatment of malaria (edisi ke-3rd). World Health Organization. 17 April 2015. ISBN 978-92-4-154912-7. http://www.who.int/malaria/publications/atoz/9789241549127/en/. 
• Jarvis, Brooke (29 July 2019). "How Mosquitoes Changed Everything" (dalam bahasa Inggris). Diakses tanggal 8 August 2019. 
• "Tightening the handle on malaria". Nature Methods (Editorial). 16: 271. 28 March 2019. doi:10.1038/s41592-019-0390-2. A day dedicated to raising awareness of the disease is a good opportunity to ask how far malaria research has come and which methods are needed for further breakthroughs. 

Cari tau tantang Malaria di proyek-proyek Wiki lainnyo:
	Definisi dan terjemahan dari Wiktionary
	Gambar dan media dari WikiCommons
	Berita dari Wikinews
	Teks sumber dari Wikisource
	Buku dari Wikibooks
	Panduan wisata di Malaria dari Wikivoyage

• Malaria di Proyek Direktori Tabukak
• WHO site on malaria
• UNHCO site on malaria
• Global Malaria Action Plan (2008)
• Doctors Without Borders/Médecins Sans Frontières – Malaria information pages
• WHO/TDR Malaria Database via the Wayback Machine
• Anti-malaria and sustainable development Archived 2018-03-17 di Wayback Machine.
• Worldwide Antimalarial Resistance Network (WWARN)