Gurun Sahara

Namo "Sahara" diambiak dari bahaso Arab nan arati sabananyo "padang pasia".

Sahara
Padang pasia gadang
Satelit Gurun Sahara dek NASA
Panjang	4,800 km (3,000 mi)
Leba	1,800 km (1,100 mi)
Area	9,200,000 km2 (3,600,000 sq mi)
Naming
Namo asali	sa'hra
Geografi
Nagara	Daftar Aljazair Chad Mesir Libya Mali Mauritania Maroko Niger Sudan Tunisia
Coordinates	23°N 13°E / 23°N 13°E / 23; 13 13°E / 23°N 13°E / 23; 13

Sahara talatak di utara Afrika dan barumua 2,5 juta tahun. Padang pasia iko mambantang dari Lautan Atlantik inggo ka Lauik Merah. Dari Lauik Tangah di utara sampai ka Sahel di sabelah selatan. Dari Mauritania di sabalah barat ka Mesir di sabalah timur. Padang pasia iko mambagi banua Afrika manjadi Afrika Utara jo Afrika "nan sabananyo". Kaduo bagian banua iko sangek babeda, baiak sacaro iklim maupun budayo. Laweh padang pasia iko sakitar 9.000.000 km².^[rujuakan?]

Babarapo ribu taun lalu, Sahara adolah padang rumpuik nan ditinggali manusia. Pado abaik ka-3 SM, iklim barubah manjadikan padang rumpuik tasabuik kariang. Urang-urang nan samulo mauninyo kudian bapindah ka tepian Batang Nil nan sabalunnyo babantuak rawo. Kondisi alam manjadikan indak ado paninggalan arkeologis nan batahan di Sahara salain batu tulih. Batu tulih nan ditamukan pado 2007 maindikasikan baso Sahara panah manjadi jalua padagangan di Afrika.

Panduduak nan mauni Sahara barasa dari baragam etnis. Di antaro etnis nan mauninyo antaro lain urang Amazigh, baiak nan masih asali cando Tuareg atau kalompok lainnyo nan alah taarabisasi sarupo urang Sahrawi, kudian ado urang Nubia, Zaghawa, Kanuri, Hausa, Songhai, Beja, jo Fulani.

Bahaso Arab manjadi bahaso nan paliang banyak dipakai di siko. Kudian ado bahaso Berber nan dipakai dek urang Amazigh. Salain itu, ado bahaso Parancih nan dipakai nagara-nagara nan sabalunnyo tajajah dek Parancih.

• Padang pasia
• Geografi

Twigger, Robert (2014). Red Nile : A Biography of the World's Greatest River (edisi ke-satu AS). New York: St. Martin's Press. ISBN 978-1-250-05233-9. OCLC 883962326. https://www.worldcat.org/oclc/883962326.