I Sahara dia tany efitra lehibe ao amin' ny tapany avaratra amin' i Afrika izay mivelatra avy any amin' ny Ranomasimbe Atlantika hatrany amin' ny Ranomasina Mena, izy no tany efitra lehibe indrindra eto ambonin' ny tany izay manana sakany mirefy 1 500 km sy halava mirefy 5 200 km avy any atsinanana miankandrefana ary velerana 9 000 000 km2, ka ny 200 000 km2 dia ahitana tany azo volena tsindraindray.
Firenena iraika ambin' ny folo no mitsinjara an' i Sahara, dia i Marôka sy i Aljeria sy i Tonizia sy i Libia sy i Ejipta sy i Maoritania sy i Malý sy i Nijera sy i Tsady sy i Sodàna ary i Sahara Andrefana.
I Sahara dia atao hoe الصحراء الكبرى al-Ṣaḥrāʾ al-Kubrā amin' ny fiteny arabo, fa ⵜⵉⵏⵉⵔⵉ / Tiniri na Tenere kosa amin' ny fiteny berbera.
Taloha elabe dia faritra mando i Sahara, araka ny sary hosodoko hita tao amin' io faritra io, nefa ankehitriny dia lasa tany efitra mafana indrindra eto amin' izao tontolo izao izy. Natao lalana ho an' ny raharaham-barotra i Sahara taloha ka tandaha-biby mpitatitra no niantoka izany teo anelanelan' i Afrika Avaratra sy i Afrika atsimon' i Sahara. Mandray anjara amin' ny fiharian-karena maneran-tany i Sahara noho ny fitrandrahana ny harena an-kibon' ny tany toy ny fôsfaty sy ny solitany hita ao hatramin' ny taonjato faha-20.
Fizaram-paritra ao Afrika:
Faritra hafa:
This article uses material from the Wikipedia Malagasy article Sahara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.