Lebra
La lebra (pussee formalment malatia de Hansen) a l'è una malatia infetiva e cronega che la vegn per colpa del bateri Mycobacterium leprae che la colpiss la pell e i nerv periferegh del corp in vari manere, che poden vesser anca fiss invalidant.
 | Quest articol chì l'è scrivud in lombard, con la Noeuva Ortografia Lombarda |
La lebra a l'è stada una malatia assee stigmatizzada in la storia e anca al dì d'incoeu la gh'ha un so bon grad de stigma social, soratut in di Pajes pussee pover del mond.
El bacill de la lebra l'è german de quell de la tisi ma a l'è men resistent e 'l se moltiplega mej in di zone fregge del corp e l'è no del tut ciar 'me che se 'l spantega.
Al dì d'incoeu la lebra a l'è tratabel, squasi semper in regim ambulatorial, cont una terapia con pussee medesine, in tra i che la ghe po vesser anca la famigerada Talidomide, che a segonda di cas la po andà inanz anca per tuta la vita.
El vacin fad cont el bacill de Calmette-Guérin el po dà un cert nivell de protezzion contra la lebra, ma 'l gh'è no un vacin specifegh contra el malann.
Riferiment
Alter proget
Wikiquote el gh'ha dent citazzion de o su Lebra
Wiki Commons el gh'ha dent imagin o alter archivi su Lebra
This article uses material from the Wikipedia Lumbaart article Lebra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.