Sydney

Dit artikel is gesjreve (of begós) in 't Mestreechs.

Laes hie wie v'r mit de versjillende saorte Limburgs ómgaon.


Ligking vaan Sydney in Australië
Ligking vaan Sydney in Australië

Sydney is mèt 4,4 miljoen inwoeners (aofhenkelek vaan definitie) de groetste stad vaan Australië en de hoofstad vaan de deilstaot New South Wales. De stad is 't veurnaomste financieel centrum vaan 't land en 'n veurnaom toeristeplaots. 't Steidelek gebeed besteit oet 38 gemeintes. De stad zelf heet mer 'n klein 150.000 inwuners, 't suburbaon gebeed vaan de stad is 't groetste op de wereld. Dit kump veural door de ruimen opzat.

Stadsfuncties

Es groetste stad vaan Australië vervölt Sydney veurnaom ikkenomische functies, veural in de deenstesector. Sydney herberg ouch mierder universiteite, wie de Universiteit Sydney en de Universiteit vaan New South Wales. Cultureel is de stad ouch sterk vertegewoordeg, oonder mie mèt 't bekind Operahoes, en mèt e paar musea. Sydney heet 'n natuurleke have, Port Jackson, die de groetste vaan de wereld is. Sydney is de zetel vaan zoewel de Roems-kathelieke en de anglicaonse bisjop.

Stadsgeziech

Sydney 
't Operahoes en de Havebrögk

't Geziech vaan 't centrum weurt bestump door twie markante gebouwe, 't Operagebouw, e futuristisch oetzeend gebouw ligkend op e sjeereiland, en de Havebrögk. Wijer kint de skyline väöl wolkekretsers, die um Port Jackson eweg gebouwd zien. Binne de immense stedeleke regio vaan Sydney ligk 'n aontal nationaol parke, en versjeie toeristische stren.

Historie

Sydney 
Kaart vaan Sydney oet 't begin vaan de kolonisatie (1789)

Luitenant James Cook bezoch 't gebeed um Port Jackson in 1780. Dit leide in 1788 tot de stiechting vaan 'n straafkolonie, woebij de veurnaomste taak vaan de veroordeilde 't bouwe vaan de stad waor. In de jaore twinteg vaan de negentiende iew waor de neerzètting tot 'n echte stad oetgegreujd die ouch door "gewoen" lui bewoend woort en in 1847 maakde de veroordeilde nog mer 3,2% vaan de totaol bevolking oet. De stad greujde daan ouch snel mèt regulier immigrante, veural oet Londe en oostelek Ierland (wat ouch in 't Australisch Ingels trök te hure is). Vaanaof 1851 voonte in 't binneland vaan Australië mierder goldrushes plaots; Sydney woort daobij de veurnaomste handelsplaots. 't Aontal inwuners steeg vaan 39.000 in 1851 tot mie es 200.000 in 1871. In deen tied oontstoont ouch 'n groete rivaliteit mèt Melbourne; dit leide oetindelek detouw tot in 1908 'n nui hoofstad veur Australië, Canberra, gestiech woort.

In 1901 woort in de stad de Australische oonaofhenkelekheid oetgerope. In de twintegste iew greujde stad nog ummer wijer: De grens vaan ein miljoen woort in de jaore twinteg euversjreje, en in 2000 had de stad al veer miljoen inwuners. De immigrante waore dees iew veural Aziate. In 1942 laog de stad oonder veur vaan de Japanners. In 2000 woorte in Sydney de Olympische Speule gehawwe. Bij bosbrande in 2002 woorte väöl veurstei besjaojd.

Tags:

Sydney StadsfunctiesSydney StadsgeziechSydney HistorieSydney Externe linkSydneyMestreechsWikipedia:Wie sjrief ich Limburgs

🔥 Trending searches on Wiki Limburgs:

SloveensVallemDuitslandBob DylanALSBeyoncéSchintalerWeesgegroetje9 meiAlbert LeeBarcelonaFinlandJames WattMoskeeCyclocrossFoeteleU-dalBrigitte HeitzerVladimir PoetinPicardischSoedanJan LindersMaliRotterdam1879Mars (planeet)ArmeniëKreeg Hamas-Israël (2023-2024)Midde-OosteN-VAMestreechsIn 't nuujsSyntaxisGoogle ChromeFlodder (tilleviesserie)ColombiaKeith RichardsCristiano RonaldoThe BeatlesEuropadaagBor24 miertFC BarcelonaKSIGNU/FDLKwikTilleviesWolfraamKrim (sjiereiland)InformatietechnologieTwiede WereldoorlogNederlandRacismeChemelotTaeringServiëJohn Adams (Amerikaanse prizzedent)Joe BidenEuropees kampioensjap hierevoetbal 2016IesbeerNelson Mandela2019John Q. AdamsBraziliëScandinaviëSotsjiPariesMekkaOlaf KoensCookieMessingCoronacrisis in Nederlandj🡆 More