Lóngóntstaeking

Laes hie wie v'r mit de versjillende saorte Limburgs ómgaon.

Lèt good op 't veurbehawd bie medische informatie. Gank bie gezóndjheidsklachte nao 'nen hoesdokter.

Lóngóntstaeking of pneumonie is 'n óntstaeking vanne lóngbläöskes (alveoli) en 't ómringendj weefsel, döks veroearzaak door 'n infectie. Es bei lónge zeen óntstaoken is spraok van 'n dóbbel of bilateraal lóngóntstaeking.

Es zie tiejig wuuertj herkandj kan 'n bacterieel lóngóntstaeking waere behanjeldj mit antibiotica. Es de gekrenkdje neet tiejig wuuertj behanjeldj kónne de lóngbläöskes zoea verzwake det de lónginhaad hieël verkleindj wuuertj. Dit haet inne meiste vel de doead toet gevolg. Döks truuedj lóngóntstaeking op es kómplikaasje van anger gekrenkdjes of es de patiënt al 'ne verlieëgdje waerstandj haet door anger oearzake.

Veure óntdèkking van penicillien waas lóngóntstaeking in Nederlandj 'n wichtige doeadsoearzaak in al laeftiedsgruup. Weltwied is lóngóntstaeking nag ummer 'n väöl-veurkómmendje gekrenkdje die zoeaget 450 miljoen luuj de jaor tröf. 't Is 'n wichtige doeadsoearzaak in al laeftiedsgruup mit 4 miljoean doeaje de jaor (7% van 't weltwied totaal). Veural kinjer óngere vief en vólwassene baove de 75 zeen 't slachoffer. Lóngóntstaeking kump óngevieër vief kieër dökker veur in óntwikkelingslenjer es in 't wèste. Viraal lóngóntstaeking is good veur óngevieër 200 miljoen vel de jaor.