Linguas Nilo-Saharan
La linguas nilo-saharan es un familia cual inclui sirca 140 linguas con 10 milion parlores, xef en la partes alta de la rios Txari e Nilo, incluinte la area de la impero antica de Nubia.
Como la nom sujeste, lo es ance un familia de linguas de la deserto. Ma la distribui de la linguas sujeste la cursos antica de rios en un Sahara plu verde en la neolitica, cuando la deserto ia es plu abitable ca oji.
Lo no es asetada par tota linguistes como un familia vera, e la relatas debe ancora es mostrada. La linguas es diversa, ma un cualia notable es sua usa de un sistem de cuantia cual inclui singular, plural, e coliente, posible la resulta de un sistem de clasi de nomes en la protolingua.
La membro de esta familia con la plu parlores es luo, con sirca 4 milion parlores en Cenia e Tanzania. Posible la plu conoseda de esta linguas es masai, parlada par sirca 1 milion geror-pastores alta de Africa este.
This article uses material from the Wikipedia Lingua franca nova article Linguas nilo-saharan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.