Jynn amontya yw jynn a wra devnydh a elektronegas dhe ynworra, gwitha, hag eskorra deur.
Deur yw kedhlow kepar ha rivow, geryow, ha rolyow. Styr ynworra deur yw redya kedhlow dhywar vysowek, devis gwithans kepar ha plasen gales, po sensor. Yth argerdh jynn amontya po chanjya an deur herwydh an danvonadow usi yn gweythvannow medhelweyth. Dell yw usys y hweythres gweythvannow reknansow awgrymel, golegi deur, po y waya a-derdro. Gwithys yw an deur a-wosa yn devis gwitha, diskwedhys dre dhispletva, po danvenys dhe jynn amontya aral. Y hyll jynnow amontya bos kelmys war-barth dhe furvya rosweyth kepar hag an kesrosweyth, hag a as an jynnow amontya dhe geskomunya yntredha.
Y hwrer argerdhell an jynn amontya a drogelghennow keskelmys (skomennow) may ma lies treffendyell. Bysyel yw brassa rann a jynnow amontya, ytho y hyllons delinya kedhlow der usya rivennow dewek, po bit (a'n hanow binary digit yn Sowsnek). Yma jynnow amontya yn lies furv ha braster herwydh aga merk, eghen, ha porpos. Yma palster anedha a jynnow byghan kepar ha sleygodhow ha barlenellow, dhe jynnow bras kepar ha gorjynn amontya.
This article uses material from the Wikipedia Kernowek/Karnuack article Jynn amontya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.